Mar 18, 2020 2:27 PM -

ਅਮਰੀਕਾ ਅਤੇ ਕੈਨੇਡਾ ਨੇ ਅਸਥਾਈ ਤੌਰ ਤੇ ਗੈਰ ਜ਼ਰੂਰੀ ਯਾਤਰਾ ਲਈ ਬਾਰਡਰ ਬੰਦ ਕਰਨ ਦਾ ਸਾਂਝਾ ਫੈਸਲਾ ਕੀਤਾ ਹੈ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਹ ਘੋਸ਼ਣਾ ਟਵਿਟਰ ਰਾਹੀਂ ਅੱਜ ਸਾਂਝੀ ਕੀਤੀ।
ਦੋਨਾਂ ਦੇਸ਼ਾਂ ਵੱਲੋਂ ਇਹ ਫੈਸਲਾ ਕੋਵਿੱਡ -19 ਦੇ ਫੈਲਾਅ ਉੱਤੇ ਠੱਲ ਪਾਉਣ ਲਈ ਲਿਆ ਗਿਆ ਹੈ।
ਟਰੰਪ ਨੇ ਨਾਲ ਹੀ ਇਹ ਵੀ ਕਿਹਾ ਕਿ ਇਸ ਫੈਸਲੇ ਦਾ ਦੋਵੇਂ ਦੇਸ਼ਾਂ ਦੇ ਵਪਾਰ ਉੱਤੇ ਅਸਰ ਨਹੀਂ ਪਵੇਗਾ।
ਅਮਰੀਕਾ ਅਤੇ ਕੈਨੇਡਾ ਜਿੱਥੇ ਕੋਰੋਨਾਵਾਇਰਸ ਦੇ ਫੈਲਾਅ ਨੂੰ ਜਲਦ ਤੋਂ ਜਲਦ ਰੋਕਣ ਲਈ ਉਤਸੁਕ ਹਨ ਉਥੇ ਹੀ ਆਪਣੇ ਆਪਸੀ ਆਰਥਕ ਸੰਬੰਧਾਂ ਨੂੰ ਬਰਕਰਾਰ ਵੀ ਰੱਖਣਾ ਚਾਹੁੰਦੇ ਹਨ।
ਕੈਨੇਡਾ ਅਮਰੀਕਾ ਉੱਤੇ 75 ਫ਼ੀਸਦੀ ਨਿਰਯਾਤ ਵਾਸਤੇ ਨਿਰਭਰ ਕਰਦਾ ਹੈ।
ਤਕਰੀਬਨ 18 ਫ਼ੀਸਦੀ ਅਮਰੀਕਨ ਨਿਰਯਾਤ ਕੈਨੇਡਾ ਆਉਂਦਾ ਹੈ।




