25.37C Vancouver 25.37C VancouverOct 2, 2020 5:26 PM -
ਘਰਾਂ ਦੀ ਵਿਕਰੀ ਦੇ ਮਾਮਲ ਵਿਚ, ਸਤੰਬਰ 2020 ਦਾ ਮਹੀਨਾ ਵੈਨਕੂਵਰ ਦੀ ਰੀਅਲ ਇਸਟੇਟ ਮਾਰਕਿਟ ਲਈ ਰਿਕੌਰਟ ਕਾਇਮ ਕਰਨ ਵਾਲਾ ਰਿਹਾ।
ਰੀਅਲ ਇਸਟੇਟ ਬੋਰਡ ਔਫ਼ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਇਸ ਸਾਲ ਸਤੰਬਰ ਵਿਚ 3,643 ਘਰ ਵਿਕੇ ਹਨ।
ਪਿਛਲੇ ਸਾਲ ਸਤੰਬਰ ਨਾਲੋਂ ਇਸ ਸਾਲ ਘਰਾਂ ਦੀ ਵਿਕਰੀ ਵਿਚ ਇਹ 56.2% ਦਾ ਵਾਧਾ ਹੈ, ਜਦੋਂ ਸਤੰਬਰ 2019 ਵਿਚ 2,333 ਘਰ ਵਿਕੇ ਸਨ।
ਇਸ ਸਾਲ ਅਗਸਤ ਮਹੀਨੇ ਤੋਂ ਇਹ ਆਂਕੜਾ 19.6% ਵੱਧ ਹੈ, ਜਦੋਂ 3,047 ਘਰ ਵਿਕੇ ਸਨ।
ਸਾਰੀ ਦੀ ਰਿਹਾਇਸ਼ੀ ਜਗ੍ਹਾਵਾਂ ਵਾਸਤੇ ਐਮ.ਐਲ.ਐੱਸ. ਹੋਮ ਪ੍ਰਾਇਸ ਇਨਡੈਕਸ ਦੀ ਬੈਂਚਮਾਰਕ ਕੀਤਮ ਸਤੰਬਰ ਮਹੀਨੇ ਲਈ $1,041,300 ਤੱਕ ਪਹੁੰਚ ਗਈ ਅਤੇ ਇਹ ਸਤੰਬਰ 2019 ਤੋਂ 5.8%ਦਾ ਵਾਧਾ ਹੈ।
ਰੀਅਲ ਇਸਟੇਟ ਬੋਰਡ ਦੀ ਚੇਅਰਵੂਮੈਨ ਕੋਲੈਟ ਗਰਬਰ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਮਾਰਕਿਟ ਵਿਚ ਕਾਫ਼ੀ ਘਰ ਆਏ, ਪਰ ਫਿਰ ਵੀ ਇਹ ਡੀਮਾਂਡ ਦੇ ਬਰਾਬਰ ਨਹੀਂ ਹਨ ਜਿਸ ਕਾਰਨ ਕੀਮਤਾਂ ਵਿਚ ਵਾਧਾ ਹੋ ਰਿਹਾ ਹੈ।
ਗਰਬਰ ਦਾ ਕਹਿਣਾ ਹੈ ਕਿ ਪੈਨਡੇਮਿਕ ਦੌਰਾਨ ਵਿਆਜ ਦੀਆਂ ਘੱਟ ਦਰਾਂ ਅਤੇ ਬਦਲ ਰਹੀਆਂ ਘਰਾਂ ਦੀਆਂ ਜ਼ਰੂਰਤਾਂ ਨੇ ਵੀ ਇਸ ਮਾਰਕਿਟ ਨੂੰ ਪ੍ਰਭਾਵਿਤ ਕੀਤਾ ਹੈ।
