13.34C Vancouver 13.34C VancouverMar 12, 2026 6:50 PM - Connect Newsroom - Jasmine Singh with files from The Canadian Press
ਵੈਨਕੂਵਰ ਵਿਚ ਪਿਛਲੇ ਸਾਲ ਵਾਪਰੀ ਮੰਦਭਾਗੀ ਘਟਨਾ ਤੋਂ ਬਾਅਦ ਇਸ ਸਾਲ ਲਾਪੂ ਲਾਪੂ ਡੇਅ ਫੈਸਟੀਵਲ ਨਵੀਂ ਥਾਂ 'ਤੇ ਮਨਾਇਆ ਜਾਵੇਗਾ। ਪ੍ਰਬੰਧਕਾਂ ਨੇ ਐਲਾਨ ਕੀਤਾ ਹੈ ਕਿ 2026 ਦਾ ਇਹ ਸਮਾਗਮ ਈਸਟ ਵੈਨਕੂਵਰ ਦੇ ਇਟਾਲੀਅਨ ਕਲਚਰ ਸੈਂਟਰ ਵਿਖੇ ਕਰਵਾਇਆ ਜਾਵੇਗਾ। ਇਹ ਸਮਾਗਮ 19 ਅਪ੍ਰੈਲ 2026 ਨੂੰ ਹੋਵੇਗਾ।
ਕਮਿਊਨਿਟੀ ਦੇ ਲੋਕਾਂ ਦੀ ਸੁਰੱਖਿਆ ਨੂੰ ਮੁੱਖ ਰੱਖਦੇ ਹੋਏ ਇਸ ਵਾਰ ਇਨਡੋਰ ਲੋਕੇਸ਼ਨ ਦੀ ਚੋਣ ਕੀਤੀ ਗਈ ਹੈ। ਫਿਲੀਪੀਨੋ ਬੀ.ਸੀ. ਦੀ ਬੋਰਡ ਮੈਂਬਰ ਸੇਲਿਨ ਲੋਰੀਓਟ ਨੇ ਦੱਸਿਆ ਕਿ ਇਹ ਫੈਸਟੀਵਲ ਪਿਛਲੇ ਸਾਲ 26 ਅਪ੍ਰੈਲ, 2025 ਨੂੰ ਵਾਪਰੇ ਦਰਦਨਾਕ ਹਾਦਸੇ ਦੀ ਬਰਸੀ ਤੋਂ ਇੱਕ ਹਫ਼ਤਾ ਪਹਿਲਾਂ ਰੱਖਿਆ ਗਿਆ ਹੈ, ਜਿਸ ਵਿਚ ਇੱਕ ਗੱਡੀ ਨਾਲ ਕੀਤੇ ਗਏ ਹਮਲੇ ਵਿਚ 11 ਲੋਕਾਂ ਦੀ ਮੌਤ ਹੋ ਗਈ ਸੀ।
ਉਨ੍ਹਾਂ ਕਿਹਾ ਕਿ ਸਾਡਾ ਮਕਸਦ ਭਾਈਚਾਰੇ ਨੂੰ ਇੱਕ ਸੁਰੱਖਿਅਤ ਮਾਹੌਲ ਵਿਚ ਇਕੱਠੇ ਕਰਨਾ ਹੈ ਤਾਂ ਜੋ ਅਸੀਂ ਆਪਣੇ ਸੱਭਿਆਚਾਰ 'ਤੇ ਮਾਣ ਵੀ ਕਰ ਸਕੀਏ ਅਤੇ ਵਿਛੜੀਆਂ ਰੂਹਾਂ ਨੂੰ ਯਾਦ ਵੀ ਕਰ ਸਕੀਏ। ਪਿਛਲੇ ਦੋ ਸਾਲਾਂ ਤੋਂ ਲਾਪੂ ਲਾਪੂ ਡੇਅ ਫੈਸਟੀਵਲ ਸਾਊਥ ਵੈਨਕੂਵਰ ਵਿਚ ਫਰੇਜ਼ਰ ਸਟ੍ਰੀਟ 'ਤੇ ਮਨਾਇਆ ਜਾਂਦਾ ਸੀ।
ਲੋਰੀਓਟ ਨੇ ਕਿਹਾ ਕਿ ਈਸਟ ਵੈਨਕੂਵਰ ਦਾ ਇਟਾਲੀਅਨ ਕਲਚਰ ਸੈਂਟਰ ਸੇਫਟੀ ਲਈ ਇੱਕ ਸੁਖਾਵਾਂ ਅਤੇ ਨਿੱਘਾ ਮਾਹੌਲ ਪ੍ਰਦਾਨ ਕੀਤਾ ਹੈ, ਇਸ ਲਈ ਪ੍ਰਬੰਧਕਾਂ ਨੇ ਇਸ ਦੀ ਚੋਣ ਕੀਤੀ ਹੈ।
