12.97C Vancouver 12.97C VancouverNov 11, 2021 1:08 AM - Connect News
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਗੰਭੀਰ ਹਿਟ ਐਂਡ ਰਨ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਘਟਨਾ 'ਚ ਇੱਕ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਪੁਲਿਸ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਮਾਮਲੇ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕੀਤੀ ਜਾਵੇ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਲੰਮੀ ਅਤੇ ਗੰਭੀਰ ਜਾਂਚ ਦੇ ਬਾਵਜੂਦ ਹੁਣ ਤਕ ਜਾਂਚ ਅਧਿਕਾਰੀ ਸ਼ੱਕੀ ਨੂੰ ਪਛਾਣ ਨਹੀਂ ਸਕੇ ਹਨ।
ਮਾਮਲਾ 19 ਅਕਤੂਬਰ ਦੀ ਰਾਤ ਕਰੀਬ 11 ਵਜੇ ਦਾ ਦੱਸਿਆ ਗਿਆ ਹੈ।
ਇੱਕ ਮੋਟਰਸਾਈਕਲ ਚਾਲਕ ਈਸਟ ਹੇਸਟਿੰਗਸ ਸਟ੍ਰੀਟ ਅਤੇ ਕਮਰਸ਼ਲ ਡਰਾਈਵ ਕੋਲ ਪਹੁੰਚ ਰਿਹਾ ਸੀ ਜਦ ਇੱਕ ਚਾਂਦੀ ਰੰਗੀ ਐਸ.ਯੂ.ਵੀ. ਦੀ ਉਸ ਨਾਲ ਟੱਕਰ ਹੋ ਗਈ।
ਵਾਹਨ ਚਾਲਕ ਉਸ ਮੌਕੇ ਗੱਡੀ ਨੂੰ ਖੱਬੇ ਮੋੜ ਰਿਹਾ ਸੀ ਅਤੇ ਟੱਕਰ ਤੋਂ ਬਾਅਦ ਉਹ ਮੌਕੇ ਤੋਂ ਰਫੂਚੱਕਰ ਹੋ ਗਿਆ।
29 ਸਾਲਾ ਮੋਟਰਸਾਈਕਲ ਚਾਲਕ ਨੂੰ ਗੰਭੀਰ ਸੱਟਾਂ ਲੱਗੀਆਂ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਹਾਲਾਂਕਿ ਹੁਣ ਪੀੜਤ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਚੁੱਕੀ ਹੈ ਅਤੇ ਉਹ ਆਪਣੇ ਘਰ 'ਚ ਰਿਕਵਰ ਕਰ ਰਿਹਾ ਹੈ।
ਪੁਲਿਸ ਨੇ ਵਾਹਨ ਚਾਲਕ ਸੰਬੰਧੀ ਇੱਕ ਵੀਡੀਓ ਵੀ ਜਾਰੀ ਕੀਤੀ ਹੈ।
