19.04C Vancouver 19.04C VancouverMay 27, 2020 1:45 AM -
ਵੈਨਕੂਵਰ ਨੂੰ ਐਨ.ਐਚ.ਐਲ. ਮੁਕਾਬਲਿਆਂ ਦੀ ਮੇਜ਼ਬਾਨੀ ਕਰਨ ਦਾ ਮੌਕਾ ਮਿਲ ਸਕਦਾ ਹੈ।
ਐਨ.ਐਚ.ਐਲ. ਕਮਿਸ਼ਨਰ ਗੈਰੀ ਬੈੱਟਮੈਨ ਨੇ ਆਖਿਆ ਹੈ ਕਿ ਲੀਗ ਆਪਣੇ 24 ਟੀਮਾਂ ਦੇ ਪਲੇਅ-ਆਫ ਫਾਰਮੈਟ ਨੂੰ ਦੋ ਹੱਬ ਸ਼ਹਿਰਾਂ (two hub cities) ਦੇ ਵਿੱਚ ਵੰਡਣ ਦੀ ਕੋਸ਼ਿਸ਼ ਕਰੇਗੀ।
ਹਾਲਾਂਕਿ ਸ਼ਹਿਰਾਂ ਦੀ ਚੋਣ ਉਸੇ ਵੇਲੇ ਕੀਤੀ ਜਾਵੇਗੀ ਜਦ ਲੀਗ ਦੀ ਸ਼ੁਰੂਆਤ ਸੰਬੰਧੀ ਕੋਈ ਫਾਈਨਲ ਫੈਸਲਾ ਲਿਆ ਜਾਵੇਗਾ।
ਬੈੱਟਮੈਨ ਨੇ ਕਿਹਾ ਕਿ ਹਰ ਹੱਬ, ਹਰ ਕਾਨਫਰੰਸ 'ਚ ਚੋਟੀ ਦੀਆਂ 12 ਟੀਮਾਂ ਨੂੰ ਹੋਸਟ ਕਰੇਗਾ ਜਿਸ ਦੇ ਵਿੱਚੋਂ ਇੱਕ ਈਸਟਰਨ ਕਾਨਫਰੰਸ ਨਾਲ ਅਤੇ ਦੂਜੀ ਵੈਸਟਰਨ ਕਾਨਫਰੰਸ ਦੇ ਨਾਲ ਸੰਬੰਧਤ ਹੋਵੇਗੀ।
ਜੇਕਰ ਐਨ.ਐਚ.ਐਲ ਦਾ ਸੀਜ਼ਨ ਅੱਗੇ ਵੱਧ ਪਾਉਂਦਾ ਹੈ, ਤਾਂ ਲੋਕੇਸ਼ਨ ਦੇ ਤੌਰ 'ਤੇ ਜਿਹੜੇ ਸ਼ਹਿਰਾਂ ਦਾ ਚਰਚਾ ਹੈ ਉਸ ਦੇ ਵਿੱਚ, ਸ਼ਿਕਾਗੋ, ਕੋਲੰਬਸ, ਓਹਾਇਓ, ਡੈਲਸ, ਐਡਮਿੰਟਨ, ਲਾਸ ਵੇਗਸ, ਲੌਸ ਐਂਜਲਸ , ਮੀਨੀਆਪੌਲਿਸ/ਸੇਂਟ ਪੌਲ, ਪਿਟਸਬਰਗ, ਟੋਰੌਂਟੋ ਅਤੇ ਵੈਨਕੂਵਰ ਸ਼ਾਮਿਲ ਹਨ।
ਲੀਗ ਦਾ ਫੈਸਲਾ ਲੋਕਲ ਸਿਹਤ ਅਧਿਕਾਰੀਆਂ ਵੱਲੋਂ ਮਨਜ਼ੂਰੀ ਦਿੱਤੇ ਜਾਣ ਤੋਂ ਬਾਅਦ ਹੀ ਲਿਆ ਜਾਵੇਗਾ।
ਡਾ. ਬੌਨੀ ਹੈਨਰੀ ਨੇ ਕੀਤਾ ਹਾਕੀ ਦਾ ਸਵਾਗਤ, ਪਰ ਕਿਹਾ ਨਿਯਮਾਂ 'ਚ ਤਬਦੀਲੀ ਦਾ ਅਜੇ ਨਹੀਂ ਵਿਚਾਰ
ਐਨ.ਐਚ.ਐਲ. ਦੇ ਮੁਕਾਬਲਿਆਂ ਦੇ ਵੈਨਕੂਵਰ 'ਚ ਆਉਣ ਦੀ ਸੰਭਾਵਨਾ ਬਾਰੇ ਅੱਜ ਦੀ ਕੋਵਿਡ-19 ਮਾਮਲਿਆਂ ਸੰਬੰਧੀ ਪ੍ਰੈਸ ਬ੍ਰੀਫਿੰਗ ਦੌਰਾਨ, ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਨੂੰ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਹ ਵੀ ਇਲਾਕੇ 'ਚ ਹਾਕੀ ਦਾ ਸਵਾਗਤ ਕਰਨਾ ਚਾਹੁੰਦੀ ਹਨ, ਪਰ ਫ਼ਿਲਹਾਲ ਸਿਹਤ ਅਧਿਕਾਰੀਆਂ ਜਾਂ ਪ੍ਰੀਮਿਅਰ ਵੱਲੋਂ ਕੋਵਿਡ-19 ਕਾਰਨ ਜਾਰੀ ਪਬੰਦੀਆਂ ਸੰਬੰਧੀ ਨਿਯਮਾਂ 'ਚ ਤਬਦੀਲੀ ਕਰਨ ਦਾ ਕੋਈ ਫੈਸਲਾ ਨਹੀਂ ਕੀਤਾ ਗਿਆ ਹੈ।
