14.59C Vancouver 14.59C VancouverOct 10, 2023 6:10 PM - Connect News
ਇਜ਼ਰਾਈਲ 'ਤੇ ਹੋਏ ਹਮਲੇ ਦੌਰਾਨ ਲੋਕਾਂ ਦੇ ਮਰਨ ਦੀ ਗਿਣਤੀ ਜਿੱਥੇ ਵੱਧਦੀ ਜਾ ਰਹੀ ਹੈ, ਉੱਥੇ ਹੀ ਵੈਨਕੂਵਰ ਦੇ ਇੱਕ ਪਰਿਵਾਰ ਲਈ ਵੀ ਮੰਦਭਾਗੀ ਖ਼ਬਰ ਆ ਰਹੀ ਹੈ ਇੱਕ 22 ਸਾਲਾ ਨੌਜਵਾਨ ਦੀ ਵੀ ਇਸ ਭਿਆਨਕ ਹਮਲੇ ਵਿੱਚ ਮੌਤ ਹੋ ਗਈ।
ਵੈਨਕੂਵਰ ਦੇ ਸੰਸਦ ਮੈਂਬਰ ਨੇ ਇਸਦੀ ਜਾਣਕਾਰੀ ਦਿੱਤੀ ਹੈ।
ਵੈਨਕੂਵਰ-ਗ੍ਰੈਨਵਿਲ ਦੇ ਐਮਪੀ ਤਾਲੀਬ ਨੂਰਮੁਹੰਮਦ ਨੇ ਵੀ ਐਕਸ 'ਤੇ ਪੋਸਟ ਕਰਕੇ ਪਰਿਵਾਰ ਵਾਲੀਆਂ ਨਾਲ ਹਮਦਰਦੀ ਪ੍ਰਗਟ ਕੀਤੀ।
22 ਸਾਲਾ ਦੇ ਬੇਨ ਮਿਜ਼ਰਾਚੀ ਨੇ ਵੈਨਕੂਵਰ ਦੇ ਕਿੰਗ ਡੇਵਿਡ ਹਾਈ ਸਕੂਲ ਤੋਂ 2018 ਵਿੱਚ ਗ੍ਰੈਜੂਏਸ਼ਨ ਕੀਤੀ ਸੀ।
ਸਕੂਲ ਨੇ ਆਪਣੇ ਫੇਸਬੁੱਕ ਪੇਜ 'ਤੇ ਪੋਸਟ ਪਾ ਕੇ ਜਾਣਕਾਰੀ ਦਿੱਤੀ ਹੈ ਕਿ ਇੱਕ ਸੰਗੀਤ ਸਮਾਰੋਹ ਵਿੱਚ ਸ਼ਾਮਲ ਹੋਣ ਦੌਰਾਨ ਉਸਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ ਗਿਆ ਸੀ।
ਹਾਈ ਸਕੂਲ ਦੇ ਅਨੁਸਾਰ ਮਿਜ਼ਰਾਚੀ ਦਾ ਅੰਤਿਮ ਸੰਸਕਾਰ ਬੁੱਧਵਾਰ ਦੁਪਹਿਰ ਕੀਤਾ ਜਾਵੇਗਾ।
ਦੱਸ ਦਈਏ ਕਿ ਹਮਾਸ ਵੱਲੋਂ ਇਜ਼ਰਾਈਲ 'ਤੇ ਕੀਤੇ ਹਮਲੇ ਵਿੱਚ ਮਾਂਟਰੀਅਲ ਦੇ ਵੀ ਇੱਕ ਨੌਜਵਾਨ ਦੀ ਮੌਤ ਹੋ ਗਈ ਹੈ।
ਇਜ਼ਰਾਈਲ ਅਤੇ ਹਮਾਸ ਦੇ ਵਿਚਕਾਰ ਅੱਜ ਜੰਗ ਦਾ ਚੌਥਾ ਦਿਨ ਹੈ।
ਹਮਾਸ ਨੇ ਗਾਜ਼ਾ ਤੋਂ 7 ਅਕਤੂਬਰ ਨੂੰ ਇਜ਼ਰਾਈਲ ਹਮਲਾ ਕੀਤਾ ਸੀ।
