10.19C Vancouver 10.19C VancouverJul 31, 2020 7:43 PM -
ਵੈਨਕੂਵਰ 'ਚ ਇੱਕ 'ਓਵਰਡੋਜ਼ ਬਚਾਅ ਸਾਈਟ' 'ਤੇ ਕੰਮ ਕਰਨ ਵਾਲੇ ਵਰਕਰ ਨੂੰ ਇੱਕ ਚੰਗੇ ਵਿਅਕਤੀ ਵਜੋਂ ਯਾਦ ਕੀਤਾ ਜਾ ਰਿਹਾ ਹੈ, ਜਿਸ ਨੇ ਕਿ ਕਈ ਜ਼ਿੰਦਗੀਆਂ ਬਚਾਉਣ 'ਚ ਅਹਿਮ ਭੂਮਿਕਾ ਨਿਭਾਈ ਸੀ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ, 41 ਸਾਲਾ ਥੌਮਸ ਡੋਨਾਘੀ ਨੂੰ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਉਸ ਦਾ ਕਿਸੇ ਅਣਜਾਣ ਵਿਅਕਤੀ ਨਾਲ ਝਗੜਾ ਹੋ ਗਿਆ ਸੀ ਅਤੇ ਘਟਨਾ ਇੱਕ ਓਵਰਡੋਜ਼ ਪ੍ਰਿਵੈਂਸ਼ਨ ਕਲੀਨਿਕ ਦੇ ਬਾਹਰ ਵਾਪਰੀ ਸੀ, ਜਿੱਥੇ ਕਿ ਪੀੜਤ ਵਿਅਕਤੀ ਕੰਮ ਕਰਦਾ ਸੀ।
ਪੀੜਤ ਦੇ ਨਾਲ ਕੰਮ ਕਰਨ ਵਾਲੇ ਵੋਲੰਟੀਅਰਜ਼ ਦਾ ਕਹਿਣਾ ਸੀ ਕਿ, ਡੋਨਾਘੀ ਨੇ ਸੋਮਵਾਰ ਸ਼ਾਮ ਕਰੀਬ 8.30 ਵਜੇ ਬ੍ਰੇਕ ਲਈ ਸੀ, ਜਦ ਉਸ 'ਤੇ ਹਮਲਾ ਕੀਤਾ ਗਿਆ ਅਤੇ ਉਸ ਨੂੰ ਚਾਕੂ ਮਾਰ ਦਿੱਤੇ ਗਏ।
ਪੁਲਿਸ ਵੱਲੋਂ ਘਟਨਾ ਦੀ ਕਿਸੇ ਕਿਸਮ ਦੀ ਡੈਸ਼ਕੈਮ ਫੁਟੇਜ ਦੀ ਭਾਲ ਦੀ ਕੋਸ਼ਿਸ਼ ਹੋ ਰਹੀ ਹੈ, ਅਤੇ ਪੁਲਿਸ ਦਾ ਮੰਨਣਾ ਹੈ ਕਿ ਘਟਨਾ ਦੇ ਕਈ ਪ੍ਰਤੱਖਦਰਸ਼ੀ ਰਹੇ ਹੋਣੇ ਜੋ ਫ਼ਿਲਹਾਲ ਸਾਹਮਣੇ ਨਹੀਂ ਆਏ ਹਨ।
ਇਹ ਸ਼ਹਿਰ ਦਾ ਸਾਲ ਦਾ 9ਵਾਂ ਕਤਲ ਦਾ ਮਾਮਲਾ ਸੀ।
