17.61C Vancouver 17.61C VancouverJun 3, 2020 3:36 PM -
ਕਲੋਨਾ ਆਰ.ਸੀ.ਐਮ.ਪੀ. ਦੇ ਉੱਚ ਅਫ਼ਸਰ ਦਾ ਕਹਿਣਾ ਹੈ ਕਿ ਸੋਸ਼ਲ ਮੀਡੀਆ ਉੱਤੇ ਸਾਂਝੀ ਕੀਤੀ ਜਾ ਰਹੀ ਵੀਡੀਓ ਜਿਸ ਵਿੱਚ ਇੱਕ ਅਫ਼ਸਰ ਨੂੰ ਇੱਕ ਡਰਾਈਵਰ ਦੇ ਮੁੱਕਾ ਮਾਰਦੇ ਦੇਖਿਆ ਜਾ ਸਕਦਾ ਹੈ, ਸਾਰੀ ਕਹਾਣੀ ਬਿਆਨ ਨਹੀਂ ਕਰਦੀ।
ਇਹ ਵੀਡੀਓ ਉਦੋਂ ਕਿਸੇ ਵੱਲੋਂ ਫ਼ਿਲਮਾਈ ਗਈ ਸੀ ਜਦ ਸ਼ਨੀਵਾਰ ਨੂੰ ਇੱਕ ਪਾਰਕਿੰਗ ਲਾਟ ਵਿੱਚ ਦੋ ਪੁਲਿਸ ਅਫ਼ਸਰ ਇੱਕ ਆਦਮੀ ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਅਤੇ ਇੱਕ ਤੀਸਰੇ ਅਫਸਰ ਨੇ ਉੱਥੇ ਆਕੇ ਆਦਮੀ ਦੇ ਚਿਹਰੇ ਤੇ ਮੁੱਕੇ ਮਾਰਨੇ ਸ਼ੁਰੂ ਕਰ ਦਿੱਤੇ ਸਨ।
ਸੁਪਰੀਟੈਂਡੈਂਟ ਬ੍ਰੈਂਟ ਮੰਡਲ ਨੇ ਇਸ ਗੱਲ ਨੂੰ ਸਵੀਕਾਰ ਕੀਤਾ ਹੈ ਕਿ ਇਸ ਵੀਡੀਓ ਵਿੱਚ ਦੇਖੀਆਂ ਜਾ ਸਕਦੀਆਂ ਗੱਲਾਂ ਕੁਝ ਲੋਕਾਂ ਲਈ ਕਾਫੀ ਹੈਰਾਨੀਜਨਕ ਹੋ ਸਕਦੀਆਂ ਹਨ ਅਤੇ ਜ਼ਿਆਦਾਤਰ ਮਾਮਲਿਆਂ ਵਿੱਚ ਸ਼ਾਂਤਮਈ ਢੰਗ ਨਾਲ ਗ੍ਰਿਫ਼ਤਾਰੀ ਕਰਨ ਦਾ ਮਕਸਦ ਹੁੰਦਾ ਹੈ।
ਮੰਡਲ ਮੁਤਾਬਕ ਡਰਾਈਵਰ ਕਥਿਤ ਤੌਰ ਤੇ ਗ੍ਰਿਫਤਾਰੀ ਦੌਰਾਨ ਵਿਰੋਧ ਕਰ ਰਿਹਾ ਸੀ ਅਤੇ ਸਥਿਤੀ ਤੇ ਕਾਬੂ ਪਾਉਣ ਲਈ ਤੀਸਰੇ ਪੁਲਿਸ ਅਫ਼ਸਰ ਨੂੰ ਬੁਲਾਇਆ ਗਿਆ।
ਉਨ੍ਹਾਂ ਕਿਹਾ ਕਿ ਜਦ ਤੀਸਰੇ ਅਫਸਰ ਨੇ ਸ਼ੱਕੀ ਨੂੰ ਵਿਰੋਧ ਕਰਦੇ ਦੇਖਿਆ ਤਾਂ ਸਥਿਤੀ ਤੇ ਕਾਬੂ ਪਾਉਣ ਲਈ ਉਸ ਨੇ ਆਦਮੀ ਉਤੇ ਹੱਥ ਚੁੱਕਿਆ।
ਪੁਲਿਸ ਮੁਤਾਬਕ ਅਫਸਰ ਇੱਕ ਗੱਡੀ ਵਿੱਚ ਮੌਜੂਦ ਨਸ਼ੇ ਦੀ ਹਾਲਤ ਵਿੱਚ ਇੱਕ ਆਦਮੀ ਨਾਲ ਸੰਬੰਧਤ ਰਿਪੋਰਟ ਦੇ ਜਵਾਬ ਵਿੱਚ ਉਥੇ ਪਹੁੰਚੇ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ 30 ਸਾਲਾ ਆਦਮੀ ਨੂੰ ਪਹਿਲਾਂ ਆਰ.ਸੀ.ਐੱਮ.ਪੀ. ਡੀਟੈਚਮੈਂਟ ਅਤੇ ਫੇਰ ਮਾਮੂਲੀ ਸੱਟਾਂ ਲਈ ਹਸਪਤਾਲ ਲੈ ਜਾਂਦਾ ਗਿਆ।
