14.21C Vancouver 14.21C VancouverJul 30, 2020 9:36 PM -
ਨੌਰਥ-ਵੈੱਸਟ ਅਤੇ ਨੌਰਥ-ਸੈਂਟਰਲ ਬੀ.ਸੀ. ਵਿਚ ਸਥਿਤ ਟੌਲਟੈਨ ਨੇਸ਼ਨ ਦੁਆਰਾ ਗੈਰ-ਜ਼ਰੂਰੀ ਯਾਤਰਾ ਵਾਸਤੇ ਉਨ੍ਹਾਂ ਦੇ ਖੇਤਰ ਵਿਚੋਂ ਲੰਘਣ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ।
ਇਹ ਪਾਬੰਦੀ ਕੋਵਿਡ-19 ਦੇ ਖਤਰੇ ਨੂੰ ਦੇਖਦੇ ਹੋਏ ਲਗਾਈ ਗਈ ਹੈ।
ਨੇਸ਼ਨ ਦੁਆਰਾ ਜਾਰੀ ਕੀਤੇ ਗਏ ਬਿਆਨ ਵਿਚ ਕਿਹਾ ਗਿਆ ਹੈ ਕਿ, ਸ਼ਿਕਾਰੀਆਂ ਤੋਂ ਲੈਕੇ ਜੰਗਲੀ-ਜੀਵਨ ਦੇ ਉਤਸ਼ਾਹੀਆਂ ਤੱਕ, ਹਰ ਕਿਸੇ ਨੂੰ ਇਸ ਖੇਤਰ ਰਾਹੀਂ ਯਾਤਰਾ ਕਰਨ ਤੋਂ ਗੁਰੇਜ਼ ਕਰਨਾ ਚਾਹੀਦਾ ਹੈ।
ਇਹ ਖੇਤਰ 96 ਹਜ਼ਾਰ ਵਰਗ ਕਿਲੋਮੀਟਰ ਵਿਚ ਫੈਲਿਆ ਹੋਇਆ ਹੈ ਅਤੇ ਇਸ ਵਿਚ ਟੈਲੀਗ੍ਰਾਫ ਕ੍ਰੀਕ ਅਤੇ ਡੀਜ਼ ਲੇਕ ਦੀਆਂ ਕਮਿਊਨਿਟੀਆਂ ਵੀ ਸ਼ਾਮਿਲ ਹਨ।
ਬਿਆਨ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਸਟਾਈਕਾਇਨ ਬਰਿੱਜ ਦੇ ਨਾਲ ਨਾਲ ਹੋਰ ਵੀ ਕਈ ਐਕਸੈੱਸ ਪੋਇੰਟਸ ਨੂੰ ਬੰਦ ਕੀਤਾ ਜਾਵੇਗਾ ਅਤੇ ਨਿਗਰਾਨੀ ਰੱਖੀ ਜਾਵੇਗੀ। ਇਸ ਫ਼ੈਸਲੇ ਵਿਚ ਆਰ.ਸੀ.ਐਮ.ਪੀ. ਵੱਲੋਂ ਵੀ ਸਾਥ ਦਿੱਤਾ ਜਾ ਰਿਹਾ ਹੈ।
ਨੇਸ਼ਨ ਦਾ ਕਹਿਣਾ ਹੈ ਕਿ ਟੌਲਟੈਨ ਪ੍ਰਦੇਸ਼ ਦੇ ਇੰਨਡੀਜਿਨਸ ਭਾਈਚਾਰੇ ਨੂੰ ਕੋਵਿਡ-19 ਤੋਂ ਕਾਫ਼ੀ ਜ਼ਿਆਦਾ ਖਤਰਾ ਹੈ। ਇਹ ਇਲਾਕਾ ਦੂਰ-ਦੁਰਾਡੇ ਦਾ ਹੋਣ ਕਾਰਣ ਇੱਥੇ ਮੈਡੀਕਲ ਸਹੂਲਤਾਂ ਦੀ ਵੀ ਘਾਟ ਹੈ ਅਤੇ ਟੈਸਟਿੰਗ ਦੀ ਵੀ ਕਮੀ ਹੈ।
