16.94C Vancouver 16.94C VancouverJul 9, 2021 10:02 PM -
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇੱਕ ਚਿੱਟੀ ਟੈਸਲਾ ਗੱਡੀ ਦੇ ਚਾਲਕ ਨਾਲ ਗੱਲਬਾਤ ਕਰਨੀ ਚਾਹੁੰਦੇ ਹਨ।
ਮਾਮਲਾ ਡਾਊਨਟਾਊਨ ਵੈਨਕੂਵਰ 'ਚ ਵਾਪਰੇ ਭਿਆਨਕ ਕਰੈਸ਼ ਨਾਲ ਸੰਬੰਧਤ ਹੈ ਜਿਸ ਦੌਰਾਨ ਇੱਕ 23 ਮਹੀਨੇ ਦੀ ਬੱਚੀ ਦੀ ਮੌਤ ਹੋ ਗਈ ਸੀ ਅਤੇ ਉਸ ਦਾ ਪਿਤਾ ਗੰਭੀਰ ਜ਼ਖਮੀ ਹੋ ਗਿਆ ਸੀ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਇਹ ਟੈਸਲਾ ਗੱਡੀ ਘਟਨਾ 'ਚ ਸ਼ਾਮਿਲ ਕਾਲੇ ਰੰਗ ਦੀ ਫੋਰਡ ਐਸਕੇਪ ਗੱਡੀ ਦੇ ਪਿੱਛੇ ਸੀ ਅਤੇ ਘਟਨਾ ਤੋਂ ਕੁਝ ਮਿੰਟ ਬਾਅਦ ਤਕ ਮੌਕੇ 'ਤੇ ਮੌਜੂਦ ਰਹੀ ਸੀ।
ਯਾਦ ਰਹੇ ਇਸ ਮਾਮਲੇ 'ਚ ਐਸਕੇਪ ਗੱਡੀ ਦੇ ਚਾਲਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਹਾਲਾਂਕਿ ਉਸ 'ਤੇ ਫਿਲਹਾਲ ਕੋਈ ਦੋਸ਼ ਤੈਅ ਨਹੀਂ ਕੀਤੇ ਗਏ ਹਨ।
ਇਸ ਟੈਸਲਾ ਗੱਡੀ ਦੇ ਚਾਲਕ ਨੂੰ ਅਪੀਲ ਕੀਤੀ ਗਈ ਹੈ ਕਿ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
