10.44C Vancouver 10.44C VancouverOct 22, 2021 7:17 PM - Connect News
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਬੰਦੂਕ ਲਹਿਰਾਉਂਦੇ ਵੇਖੇ ਗਏ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਉਸ ਦੇ ਖਿਲਾਫ ਦੋਸ਼ ਤੈਅ ਕਰਨ ਦੀ ਸਿਫਾਰਿਸ਼ ਕੀਤੀ ਗਈ ਹੈ।
ਵੈਨਕੂਵਰ ਪੁਲਿਸ ਨੇ ਵੀਰਵਾਰ ਨੂੰ ਇਸ ਵਿਅਕਤੀ ਦੀ ਇੱਕ ਤਸਵੀਰ ਜਾਰੀ ਕਰਦੇ ਹੋਏ ਲੋਕਾਂ ਤੋਂ ਇਸ ਦੀ ਪਛਾਣ 'ਚ ਮਦਦ ਦੀ ਅਪੀਲ ਕੀਤੀ ਸੀ।
ਪੁਲਿਸ ਨੇ ਦੱਸਿਆ ਕਿ ਵਿਅਕਤੀ ਨੂੰ ਗ੍ਰੈਨਵਿਲ ਸਟ੍ਰੀਟ ਅਤੇ ਪੈਸੀਫਿਕ ਸੈਂਟਰ ਮਾਲ ਕੋਲ ਮੰਗਲਵਾਰ ਸਵੇਰੇ ਕਰੀਬ 10.15 ਵਜੇ ਵੇਖਿਆ ਗਿਆ ਸੀ।
ਸਰਵੇਲੈਂਸ ਵੀਡੀਓ 'ਚ ਵਿਖਾਈ ਦਿੰਦਾ ਸੀ ਕਿ ਵਿਅਕਤੀ ਨੇ ਜੈਕਿਟ ਵਿੱਚੋਂ ਬੰਦੂਕ ਬਾਹਰ ਕੱਢੀ ਅਤੇ ਫਿਰ ਕਿਸੇ ਵੱਲ ਸਿੱਧੀ ਕਰਨ ਤੋਂ ਬਾਅਦ ਉਸ ਨੂੰ ਮੁੜ ਜੈਕਿਟ 'ਚ ਪਾ ਲਿਆ।
ਉਸ ਨੂੰ ਬਾਅਦ 'ਚ ਮਾਲ 'ਚ ਦਾਖਿਲ ਹੁੰਦੇ ਵੇਖਿਆ ਗਿਆ ਸੀ।
ਸ਼ੱਕੀ ਦੀ ਉਮਰ 54 ਸਾਲ ਹੈ ਅਤੇ ਉਸ ਨੂੰ ਵੀਰਵਾਰ ਰਾਤ ਗ੍ਰਿਫਤਾਰ ਕੀਤਾ ਗਿਆ।
ਜਾਣਕਾਰੀ ਦਿੱਤੀ ਗਈ ਹੈ ਕਿ ਅਸਲ ਜਿਹੀ ਵਿਖਣ ਵਾਲੀ ਇਹ ਬੰਦੂਕ ਫੇਕ ਸੀ।
