13.61C Vancouver 13.61C VancouverOct 20, 2021 9:15 PM - Connect News
ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ 2 ਰੈਪਲਿਕਾ ਪਾਈਪ ਬੰਬ ਬਰਾਮਦ ਹੋਏ ਹਨ।
ਇਹ ਰੈਪਲਿਕਾ ਪਾਈਪ ਬੰਬ ਇੱਕ ਸੁਰੱਖਿਅਤ ਇੰਜੈਕਸ਼ਨ ਸਾਈਟ ਦੇ ਅੰਦਰ ਬਰਾਮਦ ਹੋਏ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਅਸਲ ਜਿਹੇ ਦਿਖਣ ਵਾਲੇ ਇਹ ਬੰਬ ਸਫਾਈ ਕਰਨ ਵਾਲੇ ਸਟਾਫ਼ ਨੂੰ ਟਾਇਲੈਟ 'ਚ ਮਿਲੇ।
ਇਹ ਇੰਜੈਕਸ਼ਨ ਸਾਈਟ ਪੈਂਡਰ ਅਤੇ ਐਬੌਟ ਸਟ੍ਰੀਟਸ ਦੇ ਕੋਲ ਸਥਿਤ ਹੈ। ਮਾਮਲਾ ਸ਼ਨੀਵਾਰ ਦੁਪਹਿਰ ਦਾ ਦੱਸਿਆ ਗਿਆ ਹੈ।
ਸਟਾਫ਼ ਨੂੰ ਲੱਗਿਆ ਸੀ ਕਿ ਇਹ ਬੰਬ ਅਸਲੀ ਨਹੀਂ ਹਨ ਅਤੇ ਇਨ੍ਹਾਂ ਨੂੰ ਵੈਨਕੂਵਰ ਪੁਲਿਸ ਦੇ ਸਪੁਰਦ ਕੀਤਾ ਗਿਆ।
ਪੁਲਿਸ ਵੱਲੋਂ ਇੱਕ ਬੰਬ ਟੈਕਨੀਸ਼ਨ ਦੀ ਮਦਦ ਆਸਰੇ ਇਨ੍ਹਾਂ ਨੂੰ ਨਸ਼ਟ ਕਰ ਦਿੱਤਾ ਗਿਆ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਪਹਿਲੀ ਨਜਰ 'ਚ ਇਹ ਬੰਬ ਬਿਲਕੁਲ ਅਸਲੀ ਜਾਪਦੇ ਹਨ ਅਤੇ ਇਨ੍ਹਾਂ ਦੀ ਪੂਰੀ ਜਾਂਚ ਜਰੂਰੀ ਸੀ।
ਉਨ੍ਹਾਂ ਕਿਹਾ ਕਿ ਪੁਲਿਸ ਅਜਿਹੇ ਮਾਮਲਿਆਂ ਨੂੰ ਗੰਭੀਰਤਾ ਨਾਲ ਲੈਂਦੀ ਹੈ।
