20.61C Vancouver 20.61C VancouverJul 22, 2021 7:21 PM -
ਵੈਨਕੂਵਰ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਚਰਚ ਦੇ ਬਾਹਰ ਕਿਸੇ ਪ੍ਰਕਾਰ ਦੀ ਕੋਈ ਸ਼ੱਕੀ ਗਤੀਵਿਧੀ ਵਿਖਾਈ ਦੇਵੇ ਤਾਂ ਪੁਲਿਸ ਨੂੰ ਸੂਚਿਤ ਕੀਤਾ ਜਾਵੇ।
ਪਿਛਲੇ ਕੁਝ ਹਫ਼ਤਿਆਂ 'ਚ ਚਰਚਾਂ ਨਾਲ ਸੰਬੰਧਤ ਅਪਰਾਧਾਂ 'ਚ ਤੇਜ਼ੀ ਆਉਣ ਤੋਂ ਬਾਅਦ ਇਹ ਅਪੀਲ ਕੀਤੀ ਗਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਪੁਲਿਸ ਚਾਹੁੰਦੀ ਹੈ ਕਿ ਲੋਕ ਸਾਵਧਾਨ ਰਹਿਣ ਅਤੇ ਕੁਝ ਵੀ ਸ਼ੱਕੀ ਜਾਪਦਾ ਹੈ ਤਾਂ ਪੁਲਿਸ ਨੂੰ ਦੱਸਣ।
ਵੈਨਕੂਵਰ ਪੁਲਿਸ ਵੱਲੋਂ ਹਾਲ ਦੀ ਘੜੀ 13 ਸ਼ਰਾਰਤ ਜਾਂ ਤੋੜਭੰਨ ਦੇ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜੋ ਕਿ ਚਰਚ ਪ੍ਰਾਪਰਟੀਆਂ ਨਾਲ ਸੰਬੰਧਤ ਹਨ।
ਇਹ ਮਾਮਲੇ 2 ਜੂਨ ਤੋਂ ਬਾਅਦ ਦੇ ਦੱਸੇ ਗਏ ਹਨ।
ਇਸ 'ਚ ਖਿੜਕੀਆਂ ਦੀ ਤੋੜਭੰਨ, ਪੇਂਟ ਛਿੜਕਣ ਅਤੇ ਅੱਗ ਲਗਾਉਣ ਦੀਆਂ ਧਮਕੀਆਂ ਜਿਹੇ ਮਾਮਲੇ ਸ਼ਾਮਿਲ ਹਨ।
ਇਹਨਾਂ ਮਾਮਲਿਆਂ ਸੰਬੰਧੀ ਫਿਲਹਾਲ ਕੋਈ ਗ੍ਰਿਫਤਾਰੀਆਂ ਨਹੀਂ ਹੋਈਆਂ ਹਨ।
