14.94C Vancouver 14.94C VancouverOct 20, 2021 10:23 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਚਲਾਏ ਗਏ ਪ੍ਰੋਜੈਕਟ ਦੌਰਾਨ ਕੈਟਾਲਿਟਿਕ ਕਨਵਰਟਰ ਚੋਰੀਆਂ ਦੇ ਮਾਮਲੇ 'ਚ ਜਿੰਮੇਵਾਰ ਅਪਰਾਧੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਇਸ ਤੋਂ ਬਾਅਦ ਹੁਣ 2 ਆਦਮੀਆਂ ਖਿਲਾਫ ਦੋਸ਼ਾਂ ਨੂੰ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੂੰ ਮਨਜੂਰੀ ਦੇ ਦਿੱਤੀ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਸ਼ਹਿਰ 'ਚ ਕੈਟਾਲਿਟਿਕ ਕਨਵਰਟਰਾਂ ਦੀ ਚੋਰੀ ਇੱਕ ਅਹਿਮ ਪ੍ਰੇਸ਼ਾਨੀ ਬਣਦੀ ਜਾ ਰਹੀ ਹੈ ਜਿਸ ਕਾਰਨ ਕਾਰ ਮਾਲਕਾਂ ਨੂੰ ਹਜ਼ਾਰਾਂ ਡਾਲਰ ਦਾ ਨੁਕਸਾਨ ਝੱਲਣਾ ਪੈ ਰਿਹਾ ਹੈ।
ਬੀਤੇ 7 ਦਿਨ 'ਚ ਇਸ ਪ੍ਰਕਾਰ ਦੀਆਂ ਚੋਰੀਆਂ ਦੇ 18 ਮਾਮਲੇ ਰਿਪੋਰਟ ਹੋਏ ਸਨ।
ਇਸ ਸੰਬੰਧੀ ਵੀ.ਪੀ.ਡੀ. ਦੇ ਪ੍ਰਾਪਰਟੀ ਕਰਾਈਮ ਯੂਨਿਟ ਵੱਲੋਂ ਇੱਕ ਪ੍ਰੋਜੈਕਟ ਚਲਾਇਆ ਗਿਆ।
ਇਸ ਮਾਮਲੇ 'ਚ ਪੁਲਿਸ ਦੇ ਹੱਥ ਲੱਗੇ 2 ਸ਼ੱਕੀਆਂ ਨੂੰ ਇਨ੍ਹਾਂ ਚੋਰੀਆਂ ਦੇ ਕਈ ਮਾਮਲਿਆਂ 'ਚ ਸ਼ਾਮਿਲ ਮੰਨਿਆ ਜਾ ਰਿਹਾ ਹੈ।
ਸ਼ੱਕੀਆਂ ਦੀ ਪਛਾਣ 27 ਸਾਲਾ ਟਾਈਸਨ ਫਸਟ ਅਤੇ 50 ਸਾਲਾ ਰਿਚਰਡ ਮੈਂਟਲਰ ਵਜੋਂ ਹੋਈ ਹੈ।
ਪੁਲਿਸ ਕੋਲ ਇਸ ਸਾਲ ਕੈਟੈਲਿਟੀਕ ਕਨਵਰਟਰ ਚੋਰੀਆਂ ਸੰਬੰਧਤ 425 ਸ਼ਿਕਾਇਤਾਂ ਪਹੁੰਚੀਆਂ ਹਨ।
ਇਸ ਪ੍ਰਕਾਰ ਦੀ ਚੋਰੀ ਦੀਆਂ ਬੀਤੇ ਸਾਲ 204 ਸ਼ਿਕਾਇਤਾਂ ਦਰਜ ਹੋਈਆਂ ਸਨ।
ਯਾਦ ਰਹੇ ਕੈਟੈਲਿਟੀਕ ਕਨਵਰਟਰ ਕਿਸੇ ਗੱਡੀ ਦੇ ਔਗਜ਼ੱਸ਼ਟ ਸਿਸਟਮ ਦਾ ਹਿੱਸਾ ਹੁੰਦੇ ਹਨ।
