12.16C Vancouver 12.16C VancouverJan 24, 2022 9:37 PM - The Canadian Press
ਵੈਨਕੂਵਰ ਪੁਲਿਸ ਵੱਲੋਂ ਡਾਊਨਟਾਊਨ ਇਲਾਕੇ 'ਚ ਵਾਪਰੀ ਇੱਕ ਚਾਕੂ ਚੱਲਣ ਦੀ ਵਾਰਦਾਤ ਦੀ ਘਟਨਾ ਦਾ ਵੀਡੀਓ ਜਾਰੀ ਕੀਤਾ ਗਿਆ ਹੈ।
ਘਟਨਾ ਇੱਕ ਕੌਫੀ ਸ਼ੌਪ ਦੇ ਕੋਲ ਵਾਪਰੀ ਸੀ।
ਸ਼ੱਕੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਹੈ ਕਿ ਘਟਨਾ ਸ਼ਨੀਵਾਰ ਨੂੰ ਵਾਪਰੀ ਸੀ।
ਉਨ੍ਹਾਂ ਕਿਹਾ ਕਿ ਘਟਨਾ ਬੇਹੱਦ ਪ੍ਰੇਸ਼ਾਨ ਕਰਨ ਵਾਲੀ ਹੈ ਅਤੇ ਵਾਰਦਾਤ ਤੋਂ ਬਾਅਦ ਇੱਕ 25 ਸਾਲਾ ਆਦਮੀ ਨੂੰ ਜਾਨਲੇਵਾ ਜਖਮਾਂ ਨਾਲ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵੈਨਕੂਵਰ ਦੇ ਹਾਰਬਰ ਸੈਂਟਰ ਮੌਲ ਕੋਲ ਟਿਮ ਹੌਰਟਨਸ ਦੇ ਬਾਹਰ ਲਾਈਨ-ਅਪ ਸੀ ਅਤੇ ਇਸੇ 'ਚ ਇੱਕ ਆਦਮੀ ਉਡੀਕ ਕਰ ਰਿਹਾ ਸੀ।
ਇੰਨੇ ਨੂੰ ਇੱਕ ਅਣਜਾਣ ਵਿਅਕਤੀ ਮਾਸਕ ਪਹਿਨੇ ਹੋਏ ਇਸ ਆਦਮੀ ਦੇ ਪਿੱਛੇ ਤੋਂ ਆਇਆ ਅਤੇ ਉਸ 'ਤੇ ਹਮਲਾ ਕਰ ਦਿੱਤਾ।
ਪੁਲਿਸ ਨੇ ਆਖਿਆ ਹੈ ਕਿ ਹਮਲੇ ਦੀ ਵੀਡੀਓ ਇਸ ਉਮੀਦ ਨਾਲ ਸਾਂਝੀ ਕੀਤੀ ਜਾ ਰਹੀ ਹੈ ਕਿ 20 ਤੋਂ 30 ਸਾਲ ਦੇ ਦਰਮਿਆਨ ਦੀ ਉਮਰ ਦੇ ਮੰਨੇ ਜਾ ਰਹੇ ਹਮਲਾਵਰ ਦੀ ਪਛਾਣ ਕੀਤੀ ਜਾ ਸਕੇ।
ਵੀਡੀਓ ਵੇਖਣ ਲਈ ਲਿੰਕ ਕਲਿੱਕ ਕਰੋ:
https://vpd.ca/news/2022/01/24/vpd-investigates-random-stabbing-in-downtown-coffee-shop/
