7.14C Vancouver 7.14C VancouverAug 6, 2025 7:00 PM - Connect Newsroom
ਵੈਨਕੂਵਰ ਪੁਲਿਸ ਨੇ 2023 ਵਿਚ ਸਰੀ ਦੇ 32 ਸਾਲਾ ਨਿਵਾਸੀ ਦੇ ਹੋਏ ਕਤਲ ਦੀ ਗੁੱਥੀ ਸੁਲਝਾਉਣ ਲਈ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਹੈ। 4 ਅਗਸਤ, 2023 ਨੂੰ , ਜੋਸ ਕੇਜ਼ ਨਾਮ ਦੇ ਵਿਅਕਤੀ ਦਾ ਤੜਕੇ 3.15 ਵਦੇ ਗ੍ਰੈਨਵਿਲ ਸਟਰੀਟ 'ਤੇ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਉਹ ਪੰਜ ਮਾਸੂਮ ਬੱਚਿਆਂ ਦਾ ਪਿਤਾ ਸੀ। ਪੁਲਿਸ ਦਾ ਮੰਨਣਾ ਹੈ ਕਿ ਕੁਝ ਲੋਕਾਂ ਕੋਲ ਇਸ ਕੇਸ ਨਾਲ ਜੁੜੀ ਮਹੱਤਵਪੂਰਨ ਜਾਣਕਾਰੀ ਹੈ ਪਰ ਉਨ੍ਹਾਂ ਨੇ ਇਸ ਨੂੰ ਜਾਂਚਕਰਤਾਵਾਂ ਨਾਲ ਸਾਂਝਾ ਨਹੀਂ ਕੀਤਾ।
ਕਾਂਸਟੇਬਲ ਜੇਸਨ ਡੌਸੇਟ ਨੇ ਕਿਹਾ ਕਿ ਗ੍ਰੈਨਵਿਲ ਮਾਲ ਵੀਕਐਂਡ ਮੌਕੇ ਸਵੇਰ ਤਿੰਨ ਵਜੇ ਤੋਂ ਹੀ ਵਿਅਸਤ ਰਹਿੰਦਾ ਹੈ ਅਤੇ ਕਿਸੇ ਨੇ ਦੇਖਿਆ ਹੋਵੇਗਾ ਕਿ ਉਸ ਦਿਨ ਕੀ ਹੋਇਆ ਸੀ। ਪੁਲਿਸ ਨੇ ਕਿਹਾ ਕਿ ਉਹ ਇਸ ਮਾਮਲੇ ਵਿਚ ਕਾਰਨ ਨਿਰਾਧਾਰਤ ਨਹੀਂ ਕਰ ਸਕੀ ਹੈ ਅਤੇ ਇਹ ਵੀ ਨਹੀਂ ਪਤਾ ਕਿ ਹਮਲਾ ਟਾਰਗੇਟਡ ਸੀ ਜਾਂ ਅਚਾਨਕ ਕੀਤਾ ਗਿਆ ਸੀ।
ਪੁਲਿਸ ਨੇ ਕਿਹਾ ਕਿ ਜੋਸ ਕੇਜ਼ ਦੀ ਮੌਤ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਵੀਪੀਡੀ ਦੇ ਹੋਮੀਸਾਈਡ ਯੂਨਿਟ ਨਾਲ 604-717-2500 'ਤੇ ਸੰਪਰਕ ਕਰਨ ਲਈ ਕਿਹਾ ਜਾਂਦਾ ਹੈ।
