21.53C Vancouver 21.53C VancouverMay 11, 2022 10:32 PM - The Canadian Press
ਵੈਨਕੂਵਰ ਪੁਲਿਸ ਨੇ ਬੁਲਿੰਗ ਸੰਬੰਧੀ ਚੇਤਾਵਨੀ ਜਾਰੀ ਕੀਤੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਟੀਨੇਜਰਸ ਦੀ ਸ਼ਮੂਲੀਅਤ ਵਾਲੀਆਂ ਹਿੰਸਕ ਘਟਨਾਵਾਂ ਦੀ ਲੜੀ ਤੋਂ ਬਾਅਦ ਇਹ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਪੁਲਿਸ ਅਨੁਸਾਰ ਇਨ੍ਹਾਂ ਮਾਮਲਿਆਂ 'ਚ ਕਈ ਟੀਨੇਜਰਸ ਜਖਮੀ ਵੀ ਹੋਏ ਹਨ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਪੁਲਿਸ ਨੂੰ ਫਿਕਰ ਹੈ ਕਿ ਹਿੰਸਕ ਘਟਨਾਵਾਂ 'ਚ ਵਾਧਾ ਹੋ ਸਕਦਾ ਹੈ।
ਪੁਲਿਸ ਦਾ ਮੰਨਣਾ ਹੈ ਕਿ ਯੁਵਾ ਵਰਗ 'ਚ ਕਈ ਅਪਰਾਧ ਹੁਣ ਵੀ ਰਿਪੋਰਟ ਨਹੀਂ ਹੁੰਦੇ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸੇ ਕਾਰਨ ਟੀਨੇਜਰਸ ਨੂੰ ਅੱਗੇ ਆਉਣ ਲਈ ਉਤਸ਼ਾਹਤ ਕੀਤਾ ਜਾ ਰਿਹਾ ਹੈ ਤਾਂ ਜੋ ਕੋਈ ਹੋਰ ਉਨ੍ਹਾਂ ਦੀ ਤਰ੍ਹਾਂ ਬੁਲਿੰਗ ਦਾ ਸ਼ਿਕਾਰ ਨਾ ਹੋਵੇ।
ਪੁਲਿਸ ਨੇ ਅਜਿਹੀਆਂ ਕੁਝ ਘਟਨਾਵਾਂ ਦੇ ਵੇਰਵੇ ਵੀ ਸਾਂਝੇ ਕੀਤੇ ਹਨ।
9 ਅਪ੍ਰੈਲ ਨੂੰ ਵੈਨਕੂਵਰ ਆਰਟ ਗੈਲਰੀ ਕੋਲ ਇੱਕ ਟੀਨੇਜਰ ਨੇ ਇੱਕ ਹੋਰ ਲੜਕੇ ਦੇ ਸਿਰ 'ਤੇ ਪੈਲੇਟ ਬੰਦੂਕ ਤਾਣ ਦਿੱਤੀ ਸੀ।
ਇਸ ਮਾਮਲੇ ਦੀ ਜਾਣਕਾਰੀ ਇੱਕ ਸਿਕਿਉਰਿਟੀ ਫੁਟੇਜ ਆਸਰੇ ਹਾਸਿਲ ਹੋਈ ਸੀ।
16 ਅਪ੍ਰੈਲ ਨੂੰ 14 ਅਤੇ 15 ਸਾਲ ਦੇ 2 ਲੜਕਿਆਂ 'ਤੇ ਕੈਰਿਸਡੇਲ 'ਚ ਹਮਲਾ ਕੀਤਾ ਗਿਆ ਸੀ।
ਉਨ੍ਹਾਂ ਨਾਲ ਚਾਕੂ ਦੇ ਜੋਰ 'ਤੇ ਲੁੱਟ ਨੂੰ ਅੰਜਾਮ ਦਿੱਤਾ ਗਿਆ ਸੀ।
24 ਅਪ੍ਰੈਲ ਨੂੰ ਇੱਕ 13 ਸਾਲਾ ਲੜਕੇ ਨੂੰ ਫੁਸਲਾ ਕੇ ਸਟੈਨਲੀ ਪਾਰਕ ਲਿਜਾਇਆ ਗਿਆ ਸੀ ਜਿੱਥੇ ਕਥਿਤ ਇਨਟੌਕਸੀਕੇਟਿਡ ਗਰੁੱਪ ਨੇ ਉਸ 'ਤੇ ਹਮਲਾ ਕੀਤਾ ਸੀ।
