9.47C Vancouver 9.47C VancouverJan 21, 2022 11:28 PM - The Canadian Press
ਬੀ.ਸੀ. ਦੇ ਕਈ ਇਲਾਕਿਆਂ 'ਚ ਜਾਰੀ ਸਪੈਸ਼ਲ ਐਵਲਾਂਸ਼ ਚੇਤਾਵਨੀ 'ਚ ਹੁਣ ਦੱਖਣਪੂਰਬੀ ਬੀ.ਸੀ. ਦੇ ਹਿੱਸਿਆਂ ਨੂੰ ਵੀ ਸ਼ਾਮਿਲ ਕਰ ਦਿੱਤਾ ਗਿਆ ਹੈ।
ਕਈ ਇਲਾਕਿਆਂ 'ਚ ਨਿੱਘੇ ਤਾਪਮਾਨ ਕਾਰਨ ਸਨੋਪੈਕ ਦੇ ਅਨਸਟੇਬਲ ਬਣਨ ਵਿਚਾਲੇ ਰੀਕਰੀਏਸ਼ਨਲ ਯੂਜ਼ਰਸ ਲਈ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਇਸ ਸੰਬੰਧੀ ਚੇਤਾਵਨੀ ਪਹਿਲਾਂ ਵੀਰਵਾਰ ਨੂੰ ਜਾਰੀ ਕੀਤੀ ਗਈ ਸੀ।
ਐਵਲਾਂਸ਼ ਕੈਨੇਡਾ ਅਤੇ ਪਾਰਕਸ ਕੈਨੇਡਾ ਵੱਲੋਂ ਇੱਕ ਐਡਵਾਈਜਰੀ ਜਾਰੀ ਕੀਤੀ ਗਈ ਹੈ ਅਤੇ ਇਸ ਨੂੰ ਤੁਰੰਤ ਪ੍ਰਭਾਵ ਨਾਲ ਲਾਗੂ ਕੀਤਾ ਜਾ ਰਿਹਾ ਹੈ।
ਐਡਵਾਈਜਰੀ ਨੂੰ ਸੋਮਵਾਰ ਤਕ ਜਾਰੀ ਰੱਖਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਨੌਰਥ ਅਤੇ ਸਾਊਥ ਕੋਲੰਬੀਆਸ, ਪਰਸੈਲਸ, ਕੂਟਨੀ ਬਾਊਂਡਰੀ, ਗਲੇਸ਼ੀਅਰ ਅਤੇ ਕੂਟਨੀ ਨੈਸ਼ਨਲ ਪਾਰਕ ਲਈ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਐਲਬਰਟਾ ਦੇ ਕੁਝ ਇਲਾਕਿਆਂ ਲਈ ਵੀ ਅਜਿਹੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਬੀ.ਸੀ. ਦੇ ਸੀ ਟੁ ਸਕਾਈ ਰਿਜਨ ਅਤੇ ਸਕਵਾਮਿਸ਼ ਅਤੇ ਪੈਂਬਰਟਨ ਵਿਚਾਲੇ ਸਾਊਥ ਕੋਸਟ ਇਨਲੈਂਡ ਇਲਾਕੇ ਲਈ ਵੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਐਵਲਾਂਸ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਦੱਖਣੀ ਬੀ.ਸੀ. ਅਤੇ ਪੱਛਮੀ ਐਲਬਰਟਾ ਦੇ ਕਈ ਇਲਾਕਿਆਂ 'ਚ ਸਨੋਪੈਕ ਦੀਆਂ ਪਰਤਾਂ ਕਮਜੋਰ ਪੈ ਗਈਆਂ ਹਨ।
