10.81C Vancouver 10.81C VancouverJun 19, 2025 2:17 PM - The Canadian Press
ਕੈਨੇਡਾ ਦੇ ਪ੍ਰਤੀਯੋਗਤਾ ਬਿਊਰੋ ਨੇ ਸਰਕਾਰ ਨੂੰ ਘਰੇਲੂ ਏਅਰਲਾਈਨਜ਼ ਲਈ ਵਿਦੇਸ਼ੀ ਮਾਲਕੀ 'ਤੇ ਪਾਬੰਦੀ ਹਟਾਏ ਜਾਣ ਦੀ ਸਿਫਾਰਿਸ਼ ਕੀਤੀ ਹੈ। ਵਾਚਡੌਗ ਨੇ ਏਅਰਲਾਈਨ ਦੀ ਇੱਕ ਨਵੀਂ ਕਲਾਸ ਬਣਉਣ ਦਾ ਸੁਝਾਅ ਦਿੱਤਾ ਹੈ,ਜੋ ਸਿਰਫ ਕੈਨੇਡਾ ਵਿਚ ਹੀ ਓਪਰੇਟ ਹੋਵੇ ਪਰ ਉਸ ਦੇ ਮਾਲਕ ਵਿਦੇਸ਼ੀ ਹੋ ਸਕਦੇ ਹਨ।
ਪ੍ਰਤੀਯੋਗਤਾ ਬਿਊਰੋ ਨੇ ਕਿਹਾ ਕਿ ਘਰੇਲੂ ਏਅਰਲਾਈਨਜ਼ ਵਿਚ 100 ਫੀਸਦੀ ਵਿਦੇਸ਼ੀ ਮਲਕੀਅਤ ਨੂੰ ਮਨਜ਼ੂਰੀ ਦੇਣੀ ਚਾਹੀਦੀ ਹੈ,ਇਸ ਨਾਲ ਗਲੋਬਲ ਮੁਹਾਰਤ ਲਈ ਦਰਵਾਜ਼ੇ ਖੁੱਲ੍ਹਣਗੇ,ਨਾਲ ਹੀ ਏਅਰਲਾਈਨਜ਼ ਵਿਚ ਨਕਦੀ ਦਾ ਸੰਕਟ ਦੂਰ ਹੋ ਸਕਦਾ ਹੈ।
ਮੌਜੂਦਾ ਸਮੇਂ ਕੈਨੇਡੀਅਨ ਏਅਰਲਾਈਨ ਵਿਚ ਵਿਦੇਸ਼ੀ ਮਲਕੀਅਤ 49 ਫੀਸਦੀ ਤੱਕ ਸੀਮਤ ਹੈ,ਨਾਲ ਹੀ ਕੋਈ ਇੱਕ ਵਿਦੇਸ਼ੀ ਇਕਾਈ 25 ਫੀਸਦੀ ਤੋਂ ਵੱਧ ਮਾਲਕੀ ਨਹੀਂ ਲੈ ਸਕਦੀ, ਇਸੇ ਹਿੱਸੇ ਨੂੰ ਪ੍ਰਤੀਯੋਗਤਾ ਬਿਊਰੋ ਨੇ 49 ਫੀਸਦੀ ਤੱਕ ਵਧਾਉਣ ਦਾ ਪ੍ਰਸਤਾਵ ਰੱਖਿਆ ਹੈ। ਵਾਚਡੌਗ ਨੇ ਕਿਹਾ ਕਿ ਇਸ ਨਾਲ ਕੈਨੇਡਾ ਦੇ ਬਾਜ਼ਾਰ ਵਿਚ ਹੋਰ ਏਅਰਲਾਈਨਜ਼ ਨੂੰ ਬੜ੍ਹਾਵਾ ਮਿਲੇਗਾ, ਜਿਸ ਨਾਲ ਮੁਕਾਬਲੇਬਾਜ਼ੀ ਵਧੇਗੀ ਅਤੇ ਲੋਕਾਂ ਨੂੰ ਫਾਇਦਾ ਹੋਵੇਗਾ।
