ਐਲਬਰਟਾ ਅਤੇ ਬੀ.ਸੀ. ਦੇ ਪ੍ਰੀਮੀਅਰਜ਼ ਨੇ ਪੀ.ਐਮ.ਕਾਰਨੀ ਨਾਲ ਕਈ ਅਹਿਮ ਮੁੱਦਿਆਂ 'ਤੇ ਕੀਤੀ ਚਰਚਾ

ਐਲਬਰਟਾ ਅਤੇ ਬੀ.ਸੀ. ਦੇ ਪ੍ਰੀਮੀਅਰਜ਼ ਨੇ ਬੀਤੇ ਦਿਨ ਔਟਵਾ ਵਿੱਚ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਕਈ ਅਹਿਮ ਮੁੱਦਿਆਂ 'ਤੇ ਚਰਚਾ ਕੀਤੀ। ਭਾਵੇਂ ਪਾਈਪਲਾਈਨ ਦੇ ਮੁੱਦੇ 'ਤੇ ਪਹਿਲਾਂ ਕਾਫੀ ਤਕਰਾਰ ਰਹੀ ਹੈ ਪਰ ਇਸ ਵਾਰ ਮਾਹੌਲ ਕਾਫੀ ਸੁਖਾਵਾਂ ਦੇਖਣ ਨੂੰ ਮਿਲਿਆ। ਐਲਬਰਟਾ ਬੀ.ਸੀ. ਦੇ ਵੈਸਟ ਕੋਸਟ ਤੱਕ ਇੱਕ ਨਵੀਂ ਪਾਈਪਲਾਈਨ ਚਾਹੁੰਦਾ ਹੈ, ਜਿਸ ਦਾ ਈਬੀ ਪਹਿਲਾਂ ਵਿਰੋਧ ਕਰਦੇ ਰਹੇ ਹਨ। ਉਨ੍ਹਾਂ ਦਾ ਤਰਕ ਹੈ ਕਿ ਅਜੇ ਤੱਕ ਕਿਸੇ ਪ੍ਰਾਈਵੇਟ ਕੰਪਨੀ ਨੇ ਇਸ ਵਿੱਚ ਪੈਸਾ ਲਗਾਉਣ ਦੀ ਇੱਛਾ ਨਹੀਂ ਜਤਾਈ।

ਈਬੀ ਨੇ ਸਾਫ਼ ਕੀਤਾ ਕਿ ਪਾਈਪਲਾਈਨ ਦਾ ਪ੍ਰੋਜੈਕਟ ਐਲਬਰਟਾ ਦੀ ਜ਼ਿੰਮੇਵਾਰੀ ਹੈ। ਡੇਵਿਡ ਈਬੀ ਨੇ ਟੈਂਕਰਾਂ 'ਤੇ ਲੱਗੀ ਪਾਬੰਦੀ ਹਟਾਉਣ ਦੇ ਖਿਲਾਫ ਹਨ ਅਤੇ ਫਰਸਟ ਨੇਸ਼ਨ ਨਾਲ ਸਬੰਧਾਂ 'ਤੇ ਪੈਣ ਵਾਲੇ ਪ੍ਰਭਾਵ ਨੂੰ ਲੈ ਕੇ ਚਿੰਤਤ ਹਨ।ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਪਾਈਪਲਾਈਨ ਤੋਂ ਇਲਾਵਾ ਬਿਜਲੀ ਦੇ ਸਬੰਧਾਂ, ਨਿਊਕਲੀਅਰ ਊਰਜਾ ਅਤੇ ਮੌਜੂਦਾ ਬਿਟੂਮਨ ਪਾਈਪਲਾਈਨ ਦੇ ਵਿਸਤਾਰ 'ਤੇ ਜ਼ੋਰ ਦਿੱਤਾ।

ਪੀ.ਐਮ. ਕਾਰਨੀ ਉਨ੍ਹਾਂ ਨੇ ਇਸ ਪ੍ਰੋਜੈਕਟ ਨੂੰ ਕੈਨੇਡਾ ਦੀ ਆਰਥਿਕਤਾ ਮਜ਼ਬੂਤ ਕਰਨ ਲਈ ਜ਼ਰੂਰੀ ਦੱਸਿਆ ਅਤੇ ਪਿਛਲੇ ਸਾਲ ਸਮਿਥ ਨਾਲ ਹੋਏ ਊਰਜਾ ਸਮਝੌਤੇ ਦੀ ਵਚਨਬੱਧਤਾ ਦੁਹਰਾਈ। ਪ੍ਰੀਮੀਅਰ ਸਮਿਥ ਨੇ ਭਰੋਸਾ ਦਿੱਤਾ ਹੈ ਕਿ ਉਹ ਫਰਸਟ ਨੇਸ਼ਨ ਨਾਲ ਸਲਾਹ-ਮਸ਼ਵਰਾ ਕਰਨਗੇ ਅਤੇ ਇਸ ਪ੍ਰਕਿਰਿਆ ਦੌਰਾਨ ਬੀ.ਸੀ. ਨੂੰ ਪੂਰੀ ਜਾਣਕਾਰੀ ਦਿੰਦੇ ਰਹਿਣਗੇ। ਪੀ.ਐਮ. ਕਾਰਨੀ ਨੇ ਸੋਸ਼ਲ ਮੀਡੀਆ 'ਤੇ ਇਸ ਮੁਲਾਕਾਤ ਨੂੰ ਸਾਰਥਕ ਦੱਸਿਆ ਅਤੇ ਕਿਹਾ ਕਿ ਤਿੰਨੋਂ ਆਗੂ ਕੈਨੇਡਾ ਦੀ ਮਜ਼ਬੂਤ ਆਰਥਿਕਤਾ ਲਈ ਮਿਲ ਕੇ ਕੰਮ ਕਰਨ ਲਈ ਵਚਨਬੱਧ ਹਨ।