19.63C Vancouver 19.63C VancouverJun 27, 2024 3:50 PM - The Canadian Press
ਵੈਸਟਜੈੱਟ ਨੇ ਮਕੈਨਿਕ ਯੂਨੀਅਨ ਦੀ ਸੰਭਾਵੀ ਹੜਤਾਲ ਦੇ ਮੱਦੇਨਜ਼ਰ ਵੀਰਵਾਰ ਅਤੇ ਸ਼ੁੱਕਰਵਾਰ ਦੀਆਂ 25 ਫਲਾਈਟਾਂ ਰੱਦ ਕਰ ਦਿੱਤੀਆਂ ਹਨ। ਬੁੱਧਵਾਰ ਰਾਤ ਏਅਰਲਾਈਨ ਵਲੋਂ ਜਾਰੀ ਕੀਤੇ ਬਿਆਨ ਵਿਚ ਦੱਸਿਆ ਗਿਆ ਕਿ ਰੱਦ ਕਰਨ ਨਾਲ 3,300 ਯਾਤਰੀ ਪ੍ਰਭਾਵਿਤ ਹੋਣਗੇ।
ਇਹ ਦੂਜੀ ਵਾਰ ਹੈ ਜਦੋਂ ਵੈਸਟਜੈਟ ਨੇ ਏਅਰਕ੍ਰਾਫਟ ਮਕੈਨਿਕਸ ਫਰਾਟਰਨਲ ਐਸੋਸੀਏਸ਼ਨਦਾ ਸਟਰਾਈਕ ਨੋਟਿਸ ਮਿਲਣ ’ਤੇ ਫਲਾਈਟਸ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ ਤੋਂ ਪਹਿਲਾਂ ਪਿਛਲੇ ਹਫ਼ਤੇ ਏਅਰਲਾਈਨ ਨੇ 40 ਉਡਾਣਾਂ ਰੱਦ ਕੀਤੀਆਂ ਸਨ, ਜਿਸ ਨਾਲ 6,500 ਯਾਤਰੀ ਪ੍ਰਭਾਵਿਤ ਹੋਏ ਸਨ, ਉਸ ਸਮੇਂ ਯੂਨੀਅਨ ਨੇ 72 ਘੰਟੇ ਦੀ ਹੜਤਾਲ ਦਾ ਨੋਟਿਸ ਦਿੱਤਾ ਸੀ।
ਹਾਲਾਂਕਿ, 20 ਜੂਨ ਨੂੰ ਯੂਨੀਅਨ ਨੇ ਹੜਤਾਲ ਦਾ ਨੋਟਿਸ ਵਾਪਸ ਲੈ ਲਿਆ ਸੀ ਅਤੇ ਗੱਲਬਾਤ ’ਤੇ ਵਾਪਸ ਆਉਣ ਦੀ ਸਹਿਮਤੀ ਜਤਾਈ ਸੀ ਪਰ ਯੂਨੀਅਨ ਨੇ ਵੈਸਟਜੈਟ ਵਲੋਂ ਦਿੱਤੇ ਤਾਜ਼ਾ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਅਤੇ ਹੁਣ ਦੂਜੀ ਵਾਰ ਨੋਟਿਸ ਦਿੰਦੇ ਹੋਏ ਸ਼ੁੱਕਰਵਾਰ ਸ਼ਾਮ ਤੋਂ ਹੜਤਾਲ ’ਤੇ ਜਾਣ ਦੀ ਚਿਤਾਵਨੀ ਦਿੱਤੀ ਹੈ।
ਵੈਸਟਜੈੱਟ ਦੇ ਮੁਖੀ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਨੇ ਕਿਹਾ ਕਿ ਹੜਤਾਲ ਦੀ ਟਾਈਮਿੰਗ ਬਿਲਕੁਲ਼ ਕੈਨੇਡਾ ਡੇਅ ਦੇ ਲੌਂਗ ਵੀਕਐਂਡ ਤੋਂ ਪਹਿਲਾਂ ਆ ਰਹੀ ਹੈ, ਜਿਸ ਕਾਰਨ ਯਾਤਰੀਆਂ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਲਈ ਏਅਰਪੋਰਟ ’ਤੇ ਯਾਤਰੀਆਂ ਨੂੰ ਹੋਣ ਵਾਲੀ ਦਿੱਕਤ ਤੋਂ ਬਚਾਉਣ ਲਈ ਫਲਾਈਟਸ ਰੱਦ ਕਰਨ ਦਾ ਫੈਸਲਾ ਮਜਬੂਰੀ ਵੱਸ ਲੈਣਾ ਪਿਆ ਹੈ।
