11.3C Vancouver 11.3C VancouverJun 26, 2020 7:21 PM -
ਵੈਸਟਜੈਟ ਏਅਰਲਾਈਨਜ਼ ਦਾ ਕਹਿਣਾ ਹੈ ਕਿ ਉਹਨਾਂ ਵੱਲੋਂ 1 ਜੁਲਾਈ ਤੋਂ ਆਪਣੇ ਜਹਾਜ਼ਾਂ ਵਿੱਚ ਯਾਤਰੀਆਂ ਦੀਆਂ ਸੀਟਾਂ ਵਿਚਕਾਰ ਦੂਰੀ ਬਣਾਕੇ ਰੱਖਣ ਦੀ ਨੀਤੀ ਦਾ ਅੰਤ ਕੀਤਾ ਜਾਂ ਰਿਹਾ ਹੈ।
ਵੈਸਟਜੈਟ ਵੱਲੋਂ ਪਿਛਲੇ ਕੁਝ ਮਹੀਨਿਆਂ ਤੋਂ ਕੋਵਿਡ-19 ਦੇ ਫੈਲਾਅ ਨੂੰ ਰੋਕਣ ਲਈ ਵਿਚਲੀਆਂ ਸੀਟਾਂ ਅਤੇ ਨੇੜਲੀਆਂ ਸੀਟਾਂ ਦੀ ਖਰੀਦ ਉੱਤੇ ਰੋਕ ਲਗਾਈ ਹੋਈ ਸੀ।
ਹਵਾਈ ਯਾਤਰਾ ਖੇਤਰ ਵਿੱਚ ਵੱਧਦੀ ਹੋਈ ਮੰਗ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵੈਸਟਜੈਟ ਦਾ ਕਹਿਣਾ ਹੈ ਕਿ ਉਹਨਾਂ ਵੱਲੋਂ ਹੁਣ ਇੰਟਰਨੈਸ਼ਨਲ ਏਅਰ ਟਰਾਂਸਪੋਰਟ ਐਸੋਸੀਏਸ਼ਨ ਦੀਆਂ ਸਿਹਤ ਹਦਾਇਤਾਂ ਦੀ ਪਾਲਣਾ ਕੀਤੀ ਜਾਵੇਗੀ।
ਆਈ.ਏ.ਟੀ.ਏ. ਵੱਲੋਂ ਪਿਛਲੇ ਮਹੀਨੇ ਫ਼ਲਾਈਟਾਂ ਵਿੱਚ ਸਰੀਰਕ ਦੂਰੀ ਦੇ ਨਿਯਮਾਂ ਨੂੰ ਖਤਮ ਕਰਨ ਦੀ ਮੰਗ ਕੀਤੀ ਸੀ ਅਤੇ ਕਈ ਅਜਿਹੇ ਕਦਮ ਸੁਝਾਏ ਸਨ ਜੋ ਫੈਡਰਲ ਸਰਕਾਰ ਦੀਆਂ ਹਦਾਇਤਾਂ ਦੇ ਵਿਰੋਧ ਵਿੱਚ ਸਨ।
ਟਰਾਂਸਪੋਰਟ ਕੈਨੇਡਾ ਵੱਲੋਂ ਹਵਾਈ ਯਾਤਰਾ ਇੰਡਸਟਰੀ ਲਈ ਅਪ੍ਰੈਲ ਵਿੱਚ ਜਾਰੀ ਹਦਾਇਤਾਂ ਵਿੱਚ ਸਰੀਰਕ ਦੂਰੀ ਨੂੰ ਕੋਵਿਡ-19 ਦੇ ਫ਼ੈਲਾਅ ਨੂੰ ਰੋਕਣ ਲਈ ਇਹ ਅਹਿਮ ਕਦਮ ਦੱਸੀਆਂ ਗਿਆ ਹੈ।
ਫ਼ੈਡਰਲ ਹਦਾਇਤਾਂ ਦੇ ਮੁਤਾਬਕ, ਵੈਸਟਜੈਟ ਵੱਲੋਂ ਬੋਰਡਿੰਗ ਤੋਂ ਪਹਿਲਾਂ ਯਾਤਰੀਆਂ ਦਾ ਸਰੀਰਕ ਤਾਪਮਾਨ ਚੈੱਕ ਕਰਨ, ਜਹਾਜ਼ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰਨ, ਮਾਸਕ ਪਹਿਣਨਾ ਲਾਜ਼ਮੀ ਕਰਨ ਅਤੇ ਫ਼ਲਾਈਟ ਦੌਰਾਨ ਖਾਣ-ਪੀਣ ਦੀ ਸੇਵਾ ਵਿੱਚ ਕਟੌਤੀ ਕਰਨ ਵਰਗੀਆਂ ਸਾਵਧਾਨੀਆਂ ਵਰਤੀਆਂ ਜਾਂ ਰਹੀਆਂ ਹਨ।
