10.28C Vancouver 10.28C VancouverFeb 21, 2020 10:36 PM -
ਵਰਲਡ ਹੈਲਥ ਅਰਗੇਨਾਈਜੇਸ਼ਨ ਨੇ ਕੋਵਿਡ-19 ਦੇ ਨਵੇਂ ਮਾਮਲਿਆਂ ਨੂੰ ਲੈਕੇ ਫਿਕਰ ਜ਼ਾਹਿਰ ਕੀਤਾ ਹੈ।
ਖਾਸ ਤੌਰ 'ਤੇ ਜਿੰਨਾ ਲੋਕਾਂ ਨੇ ਚੀਨ ਦਾ ਸਫਰ ਨਹੀਂ ਕੀਤਾ, ਅਤੇ ਫੇਰ ਵੀ ਇਸ ਵਾਇਰਸ ਦੀ ਚਪੇਟ 'ਚ ਆ ਗਏ ਹਨ, ਉਨ੍ਹਾਂ ਨੂੰ ਲੈਕੇ ਇਸ ਵਾਇਰਸ ਸੰਬੰਧੀ ਵਧੇਰੇ ਫਿਕਰ ਜ਼ਾਹਿਰ ਕੀਤਾ ਜਾ ਰਿਹਾ ਹੈ।
ਦੱਖਣੀ ਕੋਰੀਆ 'ਚ ਵੀ ਜਿਸ ਰਫਤਾਰ ਨਾਲ ਇਸ ਵਾਇਰਸ ਨਾਲ ਜੁੜੇ ਮਾਮਲੇ ਉਜਾਗਰ ਹੋਏ ਹਨ, ਉਸਤੋਂ ਵੀ ਇਸ ਵਾਇਰਸ ਦੇ ਆਸਾਨੀ ਨਾਲ ਵਧਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ।
WHO ਦੇ ਮੁਖੀ ਨੇ ਵੀ ਅੱਜ ਕਿਹਾ ਕਿ ਸਿਹਤ ਅਧਿਕਾਰੀਆਂ ਨੂੰ ਇਸਤੇ ਜਲਦੀ ਅਤੇ ਵਧੇਰੇ ਕੰਮ ਕਰਨ ਦੀ ਲੋੜ ਹੈ, ਜਿਸਦੇ ਨਾਲ ਇਸ ਵਾਇਰਸ ਦੇ ਗੰਭੀਰ ਨਤੀਜਿਆਂ 'ਤੇ ਕਾਬੂ ਪਾਇਆ ਜਾ ਸਕੇ।
ਯਾਦ ਰਹੇ ਇਸ ਵਾਇਰਸ ਕਾਰਨ ਵਿਸ਼ਵ ਭਰ 'ਚ ਕਰੀਬ 2,200 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ, ਜਿਸਦੇ ਵਿੱਚ ਵਧੇਰੇ ਲੋਕ ਚੀਨ ਤੋਂ ਹਨ।
ਕੱਲ ਹੀ ਬੀ.ਸੀ. 'ਚ ਕੋਵਿਡ-19 ਦਾ ਇੱਕ ਹੋਰ ਮਾਮਲਾ ਸਾਹਮਣੇ ਆਇਆ ਸੀ, ਅਤੇ ਪੀੜਤ ਇੱਕ ਔਰਤ ਹੈ, ਜੋ ਕਿ ਹਾਲ 'ਚ ਇਰਾਨ ਤੋਂ ਪਰਤੀ ਹੈ।
