13.08C Vancouver 13.08C VancouverSep 26, 2023 6:04 PM - The Canadian Press
ਪਿਛਲੇ ਕੁੱਝ ਦਿਨ ਤੋਂ ਐਂਥਨੀ ਰੋਟਾ ਦੇ ਅਸਤੀਫ਼ੇ ਦੀ ਲਗਾਤਾਰ ਮੰਗ ਕੀਤੀ ਜਾ ਰਹੀ ਹੈ।
ਕੈਨੇਡਾ ਦੀ ਸਿਆਸਤ ਵਿੱਚ ਐਂਥਨੀ ਰੋਟਾ ਦਾ ਮੁੱਦਾ ਕਾਫ਼ੀ ਗਰਮਾਇਆ ਹੋਇਆ ਹੈ।
ਸ਼ੁੱਕਰਵਾਰ ਦੁਪਹਿਰ ਤੱਕ ਐਂਥਨੀ ਰੋਟਾ ਨੂੰ ਸੰਸਦ ਦੇ ਦੋਵਾਂ ਪਾਸਿਆਂ ਤੋਂ ਹਾਊਸ ਆਫ ਕਾਮਨਜ਼ ਦਾ ਬਹੁਤ ਹੀ ਸਤਿਕਾਰਤ ਸਪੀਕਰ ਮੰਨਿਆ ਜਾਂਦਾ ਸੀ।
ਪਰ ਜਿਵੇਂ ਹੀ ਰੋਟਾ ਵੱਲੋਂ ਯੂਕਰੇਨ ਦੇ ਰਾਸ਼ਟਰਪਤੀ ਦਾ ਕੈਨੇਡੀਅਨ ਪਾਰਲੀਮੈਂਟ ਵਿੱਚ ਸੰਬੋਧਨ ਸੁਣਨ ਲਈ ਸਪੀਕਰ ਵੱਲੋਂ ਇੱਕ ਅਜਿਹੇ ਵਿਅਕਤੀ ਨੂੰ ਸੱਦਾ ਦਿੱਤਾ ਜਾਂਦਾ ਹੈ।
ਜਿਸ ਨੇ ਨਾਜ਼ੀਆਂ ਦੀ ਯੂਨਿਟ ਵਿੱਚ ਕੰਮ ਕੀਤਾ ਸੀ।
ਇਹ ਮਾਮਲਾ ਕਾਫ਼ੀ ਭਖ ਗਿਆ।
ਐਂਥਨੀ ਨੇ 98 ਸਾਲ ਦਾ ਯੈਰੋਸਲੈਵ ਹੁਨਕਾ ਨੂੰ ਯੂਕਰੇਨੀ ਹੀਰੋ ਅਤੇ ਕੈਨੇਡੀਅਨ ਹੀਰੋ ਵੀ ਆਖਿਆ ਸੀ।
ਹਾਊਸ ਆਫ ਕਾਮਨਜ਼ ਵਿੱਚ ਉਸ ਦੀ ਜਾਣ-ਪਛਾਣ ਵੀ ਸਪੀਕਰ ਨੇ ਹੀ ਕਰਵਾਈ ਸੀ।
ਇਸ ਉੱਤੇ ਐਮਪੀਜ਼ ਨੇ ਖੜ੍ਹੇ ਹੋ ਕੇ ਤਾੜੀਆਂ ਮਾਰੀਆਂ ਸਨ।
ਇਸ ਘਟਨਾ ਨੂੰ ਲੈ ਕੇ ਕੌਮਾਂਤਰੀ ਪੱਧਰ 'ਤੇ ਆਲੋਚਨਾ ਹੋਈ, ਜਿਸ ਤੋਂ ਬਾਅਦ ਐਂਥਨੀ ਰੋਟਾ ਨੂੰ ਮੁਆਫੀ ਮੰਗਣੀ ਪਈ।
ਮੁਆਫੀ ਮੰਗਦੇ ਹੋਏ ਸਪੀਕਰ ਰੋਟਾ ਨੇ ਕਿਹਾ ਇਸ ਵਿਅਕਤੀ ਨੂੰ ਪਾਰਲੀਮੈਂਟ ਵਿੱਚ ਬੁਲਾਉਣ ਵਾਸਤੇ ਸਿਰਫ਼ ਉਹ ਹੀ ਜ਼ਿੰਮੇਵਾਰ ਨੇ ਅਤੇ ਇਸ ਵਿੱਚ ਫੈਡਰਲ ਸਰਕਾਰ ਦੀ ਕੋਈ ਭੂਮਿਕਾ ਨਹੀਂ ਹੈ।
ਜ਼ਿਕਰਯੋਗ ਹੈ ਕਿ ਰੋਟਾ ਨੂੰ ਪਹਿਲੀ ਵਾਰ 2004 ਵਿੱਚ ਸੰਸਦ ਦੇ ਇੱਕ ਲਿਬਰਲ ਮੈਂਬਰ ਵਜੋਂ ਚੁਣਿਆ ਗਿਆ ਸੀ ਅਤੇ ਵਿਰੋਧੀ ਪਾਰਟੀਆਂ ਦੇ ਸਮਰਥਨ ਨਾਲ ਇੱਕ ਰੈਂਕਿੰਗ ਬੈਲਟ ਜਿੱਤਣ ਤੋਂ ਬਾਅਦ 2019 ਵਿੱਚ ਸਪੀਕਰ ਵਜੋਂ ਉਨ੍ਹਾਂ ਨੇ ਕੰਮ ਕੀਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ 2021 ਵਿੱਚ ਦੁਬਾਰਾ ਇਹ ਜਿੱਤ ਬਰਕਰਾਰ ਰੱਖੀ।
ਇਸ ਮੌਕੇ 'ਤੇ ਰੋਟਾ ਨੇ ਸੰਸਦ ਮੈਂਬਰਾਂ ਨੂੰ ਕਿਹਾ ਕਿ ਉਹ ਆਪਣੀ ਬਾਕੀ ਦੀ ਜ਼ਿੰਦਗੀ ਵਿੱਚ ਉਨ੍ਹਾਂ ਦਾ ਵਿਸ਼ਵਾਸ ਕਾਇਮ ਰੱਖਣਗੇ।
