18.44C Vancouver 18.44C VancouverMay 8, 2020 10:41 PM -
ਵਰਲਡ ਹੈਲਥ ਔਰਗੇਨਾਈਜ਼ੇਸ਼ਨ ਦੇ ਮੁਖੀ ਦਾ ਕਹਿਣਾ ਹੈ ਕਿ ਅਜੈਂਸੀ ਨੂੰ $1.7 ਬਿਲੀਅਨ ਦੇ ਫੰਡ ਦੀ ਲੋੜ ਹੈ ਜਿਸਦੇ ਨਾਲ ਕਿ ਕੋਵਿਡ-19 ਸੰਬੰਧੀ ਰਿਸਪਾਂਸ ਦੇ ਯਤਨਾਂ ਨੂੰ ਇਸ ਪੂਰੇ ਸਾਲ ਲਈ ਜਾਰੀ ਰੱਖਿਆ ਜਾ ਸਕੇ।
ਉਨ੍ਹਾਂ ਦੱਸਿਆ ਕਿ ਇਹ ਫੰਡ ਅਜੇ $1.3 ਬਿਲੀਅਨ ਘੱਟ ਹਨ।
ਬੀਤੇ ਮਹੀਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਐਲਾਨ ਕੀਤਾ ਸੀ ਕਿ ਉਨ੍ਹਾਂ ਵੱਲੋਂ ਹੈਲਥ ਅਜੈਂਸੀ ਨੂੰ ਕੀਤੀ ਜਾਣ ਵਾਲੀ ਫੰਡਿੰਗ ਨੂੰ ਸਸਪੈਂਡ ਕੀਤਾ ਜਾ ਰਿਹਾ ਹੈ।
ਟਰੰਪ ਨੇ ਹੈਲਥ ਅਜੈਂਸੀ ਨੂੰ ਚੀਨ ਦੇ ਪੱਖ 'ਚ ਕੰਮ ਕਰਦੇ ਹੋਣ ਦੇ ਅਤੇ ਪੈਂਡੇਮਿਕ ਸੰਬੰਧੀ ਸਹੀ ਜਾਣਕਾਰੀ ਦੇਣ 'ਚ ਫੇਲ੍ਹ ਹੋਣ ਸੰਬੰਧੀ ਗੱਲ ਆਖੀ ਸੀ।
ਡਬਲਯੂ.ਐਚ.ਓ. ਦਾ ਕਹਿਣਾ ਸੀ ਕਿ ਉਨ੍ਹਾਂ ਵੱਲੋਂ ਅਸੈਸਮੈਂਟ ਕੀਤੀ ਜਾ ਰਹੀ ਹੈ ਕਿ ਅਮਰੀਕਾ ਦਾ ਫੰਡਿੰਗ ਬੰਦ ਕਰਨਾ ਉਨ੍ਹਾਂ ਦੇ ਆਪ੍ਰੇਸ਼ਨਸ 'ਚ ਕਿੰਨਾ ਕੁ ਅਸਰ ਪਵੇਗਾ।
ਸ਼ੁੱਕਰਵਾਰ ਨੂੰ ਇੱਕ ਪ੍ਰੈਸ ਬ੍ਰੀਫਿੰਗ ਦੌਰਾਨ, ਡਬਲਯੂ.ਐਚ.ਓ. ਦੇ ਮੁਖੀ, ਟੈਡਰੋਸ ਘੈਬਰੇਸਸ ਨੇ ਕਿਹਾ ਕਿ ਅਜੈਂਸੀ ਦਾ ਕੋਵਿਡ-19 ਪਲੈਨ ਕਈ ਉਦੇਸ਼ਾਂ 'ਤੇ ਨਿਰਭਰ ਕਰਦਾ ਹੈ।
ਇਸਦੇ ਵਿਚ ਸਾਰੇ ਦੇਸ਼ਾਂ ਨੂੰ ਟੈਕਨਿਕਲ ਅਤੇ ਲੌਜਿਸਟਿਕਲ ਸਹਿਯੋਗ ਹਾਸਿਲ ਕਰਵਾਉਣਾ ਸ਼ਾਮਿਲ ਹੈ।
ਖਾਸ ਤੌਰ 'ਤੇ ਕਮਜੋਰ ਹੈਲਥ ਸਿਸਟਮਸ ਵਾਲਿਆਂ ਲਈ ਸਹਿਯੋਗ ਪ੍ਰਦਾਨ ਕਰਨਾ ਜ਼ਰੂਰੀ ਬਣਾਉਣ ਦੀ ਕੋਸ਼ਿਸ਼ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ $1.7 ਬਿਲੀਅਨ ਦੀ ਅਨੁਮਾਨ ਦੀ ਰਕਮ ਸਿਰਫ ਡਬਲਯੂ.ਐਚ.ਓ. ਦੀ ਲੋੜ ਹੈ, ਅਤੇ ਇਸਦੇ ਵਿੱਚ ਸਾਰੇ ਦੇਸ਼ਾਂ ਨੂੰ ਸ਼ਾਮਿਲ ਨਹੀਂ ਕੀਤਾ ਜਾ ਸਕਦਾ।
ਉਨ੍ਹਾਂ ਦੱਸਿਆ ਕਿ ਅੱਜ ਦੇ ਦਿਨ, 40 ਸਾਲ ਪੂਰੇ ਹੋ ਗਏ ਹਨ, ਜਦ ਸਮਾਲਪੌਕਸ ਨੂੰ ਖਤਮ ਕਰ ਦਿੱਤਾ ਗਿਆ ਸੀ।
ਘੈਬਰੇਸਸ ਨੇ ਕਿਹਾ ਕਿ ਉਸੇ ਕਿਸਮ ਦੀ ਇੱਕਜੁਟਤਾ ਅਤੇ ਸਹਿਯੋਗ ਦੀ ਲੋੜ ਕੋਵਿਡ-19 ਨੂੰ ਹਰਾਉਣ ਲਈ ਵੀ ਚਾਹੀਦੀ ਹੈ।
