13.2C Vancouver 13.2C VancouverNov 3, 2021 9:19 PM - The Canadian Press
ਬੀ.ਸੀ. ਦੇ ਵਿਲੀਅਮਸ ਲੇਕ ਇਲਾਕੇ ਦੇ ਮੇਅਰ ਨੇ ਮੁਆਫੀ ਮੰਗੀ ਹੈ।
ਸੋਸ਼ਲ ਮੀਡੀਆ 'ਤੇ ਰੈਜ਼ੀਡੈਂਸ਼ੀਅਲ ਸਕੂਲਾਂ ਸੰਬੰਧੀ ਇੱਕ ਆਰਟੀਕਲ ਸਾਂਝਾ ਕਰਨ ਤੋਂ ਬਾਅਦ ਹੋ ਰਹੀ ਆਲੋਚਨਾ ਵਿਚਾਲੇ, ਮੇਅਰ ਵਾਲਟਰ ਕੌਬ ਨੇ ਮੁਆਫੀ ਮੰਗੀ ਹੈ।
ਆਰਟੀਕਲ 'ਚ ਕਿਹਾ ਗਿਆ ਸੀ ਕਿ ਇਨ੍ਹਾਂ ਸਕੂਲਾਂ 'ਚ ਦੁੱਖ-ਤਕਲੀਫ ਦਾ ਸਾਹਮਣਾ ਕਰਨ ਵਾਲੀ ਜਾਦਾਤਰ ਬਜੁਰਗ ਪੌਪੂਲੇਸ਼ਨ ਹੁਣ ਇਸ ਦੁਨੀਆ 'ਚ ਨਹੀਂ ਹੈ, ਜਾਂ ਬਹੁਤਿਆਂ ਨੇ ਉਸ ਗਲਤੀ ਨੂੰ ਮੁਆਫ ਕਰ ਦਿੱਤਾ ਹੈ।
ਇਸ 'ਚ ਇਹ ਵੀ ਕਿਹਾ ਗਿਆ ਹੈ ਕਿ, ਨਵੀਂ ਪੀੜ੍ਹੀ ਦੇ ਬਹੁਤੇ ਲੋਕ ਪੀੜਤ ਹੋਣ ਦਾ ਦਿਖਾਵਾ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਲਗਦਾ ਹੈ ਕਿ ਪੈਸਾ ਮਿਲਣ ਨਾਲ ਉਹ ਦੁੱਖ ਦੂਰ ਹੋ ਜਾਵੇਗਾ।
ਹਾਲਾਂਕਿ ਹੁਣ ਵਾਲਟਰ ਕੌਬ ਦੀ ਇਸ ਪੋਸਟ ਨੂੰ ਸੋਸ਼ਲ ਮੀਡੀਆ ਤੋਂ ਹਟਾ ਦਿੱਤਾ ਗਿਆ ਹੈ।
ਬੀਤੀ ਰਾਤ ਇੱਕ ਕਾਉਂਸਿਲ ਬੈਠਕ ਦੌਰਾਨ ਮੇਅਰ ਨੇ ਕਿਹਾ ਕਿ ਉਹ ਇਸ ਆਰਟੀਕਲ ਨੂੰ ਸਾਂਝਾ ਕਰਨ ਲਈ ਗੰਭੀਰਤਾ ਨਾਲ ਮੁਆਫੀ ਮੰਗ ਰਹੇ ਹਨ ਅਤੇ ਉਹ ਇਸ ਨੂੰ ਐਂਡੋਰਸ ਨਹੀਂ ਕਰ ਰਹੇ ਹਨ।
ਹਾਲਾਂਕਿ ਵਿਲੀਅਮਸ ਲੇਕ ਫਰਸਟ ਨੇਸ਼ਨ ਚੀਫ਼, ਵਿਲੀ ਸੈਲਰਸ ਨੇ ਇਸ ਨੂੰ 'ਨਿੱਜੀ ਹਮਲਾ' ਦੱਸਿਆ ਕਿਉਂਕਿ ਇਹ ਪੋਸਟ ਕੌਬ ਨੇ ਆਪਣੇ ਨਿੱਜੀ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਸੀ।
ਇਸ ਬੈਠਕ 'ਚ ਫਰਸਟ ਨੇਸ਼ਨਸ ਵੱਲੋਂ ਹਿੱਸਾ ਲੈ ਰਹੀ ਸ਼ਾਰਲੀਨ ਬੈਲੇਉ ਦਾ ਕਹਿਣਾ ਸੀ ਕਿ ਕਾਉਂਸਿਲ ਨੂੰ ਕੌਬ ਦੇ ਐਕਸ਼ਨ ਦੀ ਜਾਂਚ ਕਰਨੀ ਚਾਹੀਦੀ ਹੈ।
