16.72C Vancouver 16.72C VancouverMay 5, 2022 9:35 PM - The Canadian Press
ਵਿਕਟੋਰੀਆ 'ਚ ਇੱਕ ਔਰਤ 'ਤੇ ਹਮਲਾ ਕੀਤਾ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਬਿਨਾ ਉਕਸਾਏ ਗਏ ਕੀਤੇ ਹਮਲੇ ਦੌਰਾਨ ਔਰਤ ਦੇ ਸਿਰ ਅਤੇ ਚਿਹਰੇ 'ਤੇ ਗੰਭੀਰ ਸੱਟਾਂ ਲੱਗੀਆਂ ਹਨ।
ਪੁਲਿਸ ਨੂੰ ਉਮੀਦ ਹੈ ਕਿ ਪ੍ਰਤੱਖਦਰਸ਼ੀ ਜਾਂ ਸਰਵੇਲੈਂਸ ਫੁਟੇਜ ਆਸਰੇ ਹਮਲਾਵਰ ਤਕ ਪਹੁੰਚ ਹੋ ਸਕੇਗੀ।
ਪੁਲਿਸ ਦੇ ਬਿਆਨ 'ਚ ਆਖਿਆ ਗਿਆ ਹੈ ਕਿ ਵਿਕਟੋਰੀਆ ਦੇ ਜੇਮਸ ਬੇਅ ਇਲਾਕੇ 'ਚ ਔਰਤ ਸ਼ਨੀਵਾਰ ਰਾਤ ਆਪਣੇ ਕੁੱਤੇ ਨਾਲ ਸੈਰ 'ਤੇ ਨਿਕਲੀ ਸੀ।
ਇਸੇ ਦੌਰਾਨ ਉਸ ਨੂੰ ਪਿੱਛੇ ਤੋਂ ਅਚਾਨਕ ਧੱਕਾ ਮਾਰਿਆ ਗਿਆ ਅਤੇ ਉਸ ਦਾ ਸਿਰ ਤੇ ਚਿਹਰਾ ਇੱਕ ਇਮਾਰਤ ਦੀ ਨੁੱਕਰ ਨਾਲ ਜਾ ਟਕਰਾਇਆ।
ਜਦ ਔਰਤ ਜਮੀਨ 'ਤੇ ਡਿੱਗ ਪਈ ਤਾਂ ਸ਼ੱਕੀ ਨੇ ਉਸ ਦੀਆਂ ਜੇਬਾਂ 'ਚ ਹੱਥ ਮਾਰਿਆ ਪਰ ਮੌਕੇ ਤੋਂ ਨਿਕਲਣ ਤੋਂ ਪਹਿਲਾਂ ਉਸ ਨੇ ਜੇਬਾਂ ਵਿੱਚੋਂ ਕੁਝ ਨਹੀਂ ਕੱਢਿਆ।
ਸ਼ੱਕੀ ਦੀ ਉਮਰ ਕਰੀਬ 50 ਸਾਲ ਅਤੇ ਉਸ ਦੀ ਬਣਤਰ ਪਤਲੀ ਦੱਸੀ ਗਈ ਹੈ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਮਾਮਲੇ ਦੀ ਜਾਣਕਾਰੀ ਮੰਗਲਵਾਰ ਨੂੰ ਪਹੁੰਚੀ ਸੀ।
ਪੁਲਿਸ ਨੇ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲਿਆਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਹੈ।
