10.16C Vancouver 10.16C VancouverNov 24, 2021 10:44 PM - The Canadian Press
ਬੀ.ਸੀ. ਦੇ ਲੇਬਰ ਮੰਤਰੀ ਹੈਰੀ ਬੈਂਸ ਨੇ ਐਲਾਨ ਕੀਤਾ ਹੈ ਕਿ ਸੂਬੇ ਦੇ ਵਿੱਚ 5 ਦਿਨ ਦੀ ਪੇਡ ਸਿਕ ਲੀਵ ਨੂੰ ਜਾਰੀ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਇਸ ਸੰਬੰਧੀ ਐਲਾਨ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕੀਤਾ।
ਇਸ ਪ੍ਰੈਸ ਕਾਨਫਰੰਸ 'ਚ ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਵੀ ਮੌਜੂਦ ਸਨ। ਹੈਰੀ ਬੈਂਸ ਨੇ ਕਿਹਾ ਕਿ ਇਸ ਪੇਡ ਸਿਕ ਲੀਵ ਦਾ ਆਗਾਜ਼ 1 ਜਨਵਰੀ 2022 ਤੋਂ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ਸੂਬੇ 'ਚ ਐਂਪਲਾਇਮੈਂਟ ਸਟੈਂਡਰਡਸ ਵੱਲੋਂ ਕਵਰ ਕੀਤੇ ਜਾ ਰਹੇ ਸਾਰੇ ਹੀ ਵਰਕਰਾਂ ਨੂੰ ਸਾਲਾਨਾ 5 ਦਿਨ ਦੀ ਪੇਡ ਸਿਕ ਲੀਵ ਦੀ ਇਜਾਜ਼ਤ ਹੋਵੇਗੀ।
ਇਸ ਪੇਡ ਸਿਕ ਲੀਵ ਦਾ ਖਰਚਾ ਐਂਪਲਾਇਰਸ ਵੱਲੋਂ ਚੁੱਕਿਆ ਜਾਵੇਗਾ।
ਹੈਰੀ ਬੈਂਸ ਨੇ ਕਿਹਾ ਕਿ ਕਈ ਲੋਕਾਂ ਦਾ ਕਹਿਣਾ ਸੀ ਕਿ 3 ਦਿਨ ਦੀ ਪੇਡ ਸਿਕ ਲੀਵ ਕਾਫੀ ਘੱਟ ਹੈ ਅਤੇ ਕੁਝ ਦਾ ਕਹਿਣਾ ਸੀ ਕਿ 10 ਦਿਨ ਦੀ ਪੇਡ ਸਿਕ ਲੀਵ ਬਹੁਤ ਜ਼ਿਆਦਾ ਹੋਵੇਗੀ ਅਤੇ ਇਸੇ ਕਾਰਨ ਸੂਬਾ ਸਰਕਾਰ ਨੇ 5 ਦਿਨ ਦੀ ਪੇਡ ਸਿਕ ਲੀਵ ਨੂੰ ਹੋਂਦ 'ਚ ਲਿਆਉਣ ਦਾ ਫੈਸਲਾ ਲਿਆ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਸਰਕਾਰ ਦਾ ਚੰਗਾ ਕਦਮ
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਕਿਹਾ ਹੈ ਕਿ ਹੈਲਥ ਕੇਅਰ ਅਤੇ ਫੂਡ ਸੈਕਟਰ ਜਿਹੇ ਕੰਮਾਂ 'ਚ ਵਰਕਰਾਂ ਲਈ ਕੰਮ ਦੀ ਸਥਿਤੀ ਕਾਫੀ ਚੁਣੌਤੀਪੂਰਨ ਰਹਿ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਉਹ ਖੁਦ ਅਤੇ ਉਨ੍ਹਾਂ ਦੇ ਕਈ ਸਾਥੀ ਇਸ ਪੈਂਡੈਮਿਕ ਤੋਂ ਪਹਿਲਾਂ ਹੀ ਪੇਡ ਸਿਕ ਲੀਵ ਦੀ ਮੰਗ ਕਰਦੇ ਰਹੇ ਸਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਪੈਂਡੈਮਿਕ ਦੌਰਾਨ ਸਪਸ਼ਟ ਹੋ ਗਿਆ ਕਿ ਪੇਡ ਸਿਕ ਲੀਵ ਦੀ ਲੋੜ ਕਿਉਂ ਹੈ।
