18.12C Vancouver 18.12C VancouverMay 15, 2020 9:31 PM -
ਬ੍ਰਿਟਿਸ਼ ਕੋਲੰਬੀਆ ਦੀ ਵਰਕਪਲੇਸ ਸੇਫਟੀ ਏਜੈਂਸੀ ਵੱਲੋਂ ਨਵੀਆਂ ਗਾਈਡਲਾਈਨਜ਼ ਜਾਰੀ ਕੀਤੀਆਂ ਗਈਆਂ ਹਨ।
ਸੂਬੇ 'ਚ ਬਹੁਤ ਸਾਰੇ ਵਪਾਰਾਂ ਦੇ ਦੁਬਾਰਾ ਖੁੱਲ੍ਹਣ ਦੇ ਮੱਦੇਨਜ਼ਰ, ਇਨ੍ਹਾਂ ਗਾਈਡਲਾਈਨਜ਼ ਦੇ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਵਰਕਸੇਫ ਬੀ.ਸੀ. ਦੀਆਂ ਗਾਈਡਲਾਈਨਜ਼ 'ਚ ਰੈਸਟੂਰੈਂਟ ਤੋਂ ਲੈ ਕੇ ਦਫ਼ਤਰਾਂ ਤੱਕ ਲਈ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਇਹ ਵੀ ਜਾਣਕਾਰੀ ਦਿੱਤੀ ਗਈ ਹੈ ਕਿ ਖੇਡਾਂ ਅਤੇ ਰਿਕਰੀਏਅਸ਼ਨ, ਅਤੇ ਇਸ ਤੋਂ ਅਲਾਵਾ ਚਾਈਲਡ ਕੇਅਰ ਦੇ ਲਈ ਸਲਾਹਾਂ ਆਉਣ ਵਾਲੇ ਦਿਨਾਂ 'ਚ ਜਾਰੀ ਕੀਤੀਆਂ ਜਾਣਗੀਆਂ।
ਵਰਕਸੇਫ ਦਾ ਕਹਿਣਾ ਹੈ ਕਿ ਕਿਸੇ ਵੀ ਵਪਾਰ ਦੀ ਸ਼ੁਰੂਆਤ ਤੋਂ ਪਹਿਲਾਂ, ਇਹ ਪੁਖਤਾ ਕਰਨਾ ਜ਼ਰੂਰੀ ਹੈ ਕਿ ਕੰਮ ਕਰਨ ਵਾਲਿਆਂ ਦੀ ਸੁਰੱਖਿਆ ਲਈ ਕੋਵਿਡ-19 ਸੇਫਟੀ ਪਲੈਨ ਹੋਣਾ ਚਾਹੀਦਾ ਹੈ।
ਇਸ ਨੂੰ ਸਹੀ ਤਰੀਕੇ ਨਾਲ ਦਰਸ਼ਾਇਆ ਜਾਣਾ ਵੀ ਜ਼ਰੂਰੀ ਹੈ।
ਏਜੈਂਸੀ ਦਾ ਕਹਿਣਾ ਹੈ ਕਿ ਆਉਂਦੇ ਮਹੀਨਿਆਂ ਵਿੱਚ ਬੀ.ਸੀ. 'ਚ ਹੋਰ ਵਪਾਰ ਵੀ ਖੁੱਲ੍ਹਣਗੇ, ਅਤੇ ਇਸ ਨੂੰ ਧਿਆਨ 'ਚ ਰੱਖਦੇ ਹੋਏ ਇੰਡਸਟਰੀ ਸਪੈਸੀਫਿਕ ਗਾਈਡਲਾਈਨਜ਼ (industry specific guidelines) ਨੂੰ ਤਿਆਰ ਕਰਨਾ ਜਾਰੀ ਰੱਖਿਆ ਜਾਵੇਗਾ।
ਪ੍ਰੋਵਿੰਸ਼ੀਅਲ ਸਿਹਤ ਅਫਸਰ, ਡਾ. ਬੌਨੀ ਹੈਨਰੀ ਨੇ ਇਸ ਤੋਂ ਪਹਿਲਾਂ ਵੀ ਕਿਹਾ ਹੈ ਕਿ ਵਪਾਰਾਂ 'ਤੇ ਕੋਈ ਦਬਾਅ ਨਹੀਂ ਹੈ ਕਿ ਇਨ੍ਹਾਂ ਦੀ ਮੰਗਲਵਾਰ ਤੋਂ ਸ਼ੁਰੂਆਤ ਹੋਣੀ ਹੀ ਚਾਹੀਦੀ ਹੈ, ਅਤੇ ਇਸ ਸੰਬੰਧੀ ਫੈਸਲਾ ਕਰਨਾ ਉਨ੍ਹਾਂ ਦੀ ਤਿਆਰੀ 'ਤੇ ਨਿਰਭਰ ਕਰਦਾ ਹੈ।
ਵਰਕਸੇਫ ਬੀ.ਸੀ. ਦੇ ਪਲੈਨ ਸੰਬੰਧੀ ਲਿੰਕ - https://www.worksafebc.com/en/resources/health-safety/checklist/covid-19-safety-plan?lang=en
