13.96C Vancouver 13.96C VancouverAug 26, 2025 4:39 PM - Pervez Sandhu
ਐਤਵਾਰ ਨੂੰ ਸਰੀ 'ਚ ਲਕਸ਼ਮੀ ਨਾਰਾਇਣ ਮੰਦਿਰ ਵਿਖੇ ਭਾਰਤ ਦਾ ਸੁਤੰਤਰਤਾ ਦਿਹਾੜਾ ਮਨਾਉਂਦੇ ਹੋਏ ਇੱਕ ਰੈਸਲਿੰਗ ਚੈਂਪੀਅਨਸ਼ਿਪ ਦਾ ਪ੍ਰਬੰਧ ਕੀਤਾ ਗਿਆ।
ਹਰ ਸਾਲ ਦੀ ਤਰ੍ਹਾਂ ਇਸ ਮੌਕੇ ਵੱਡੀ ਗਿਣਤੀ 'ਚ ਭਲਵਾਨਾਂ ਨੇ ਪ੍ਰਤੀਯੋਗਤਾ 'ਚ ਹਿੱਸਾ ਲਿਆ।
ਕੰਪੀਟੀਸ਼ਨ 'ਚ ਪੁਰਸ਼ਾਂ ਅਤੇ ਔਰਤਾਂ, ਦੋਵੇਂ ਵਰਗਾਂ 'ਚ ਹੀ ਚੰਗੀ ਪਾਰਟੀਸੀਪੇਸ਼ਨ ਵੇਖਣ ਨੂੰ ਮਿਲੀ। ਭਲਵਾਨੀ ਦੇ ਮੁਕਾਬਲੇ ਸਵੇਰ ਕਰੀਬ ਸਾਡੇ ਅੱਠ ਵਜੇ ਤੋਂ ਸ਼ੁਰੂ ਹੋ ਗਏ ਸਨ।
ਭਲਵਾਨੀ ਨਾਲ ਜੁੜੇ ਇਲਾਕੇ ਦੇ ਨਾਮੀ ਕੋਚ ਸੁੱਚਾ ਮਾਨ ਦਾ ਕਹਿਣਾ ਸੀ ਕਿ ਪ੍ਰਤੀਯੋਗਤਾ ਹਰ ਸਾਲ ਦੀ ਤਰ੍ਹਾਂ ਹਿੱਟ ਰਹੀ ਅਤੇ ਖਿਡਾਰੀਆਂ ਨੇ ਚੰਗੇ ਦਾਅ ਲਗਾਏ ਅਤੇ ਸਭ ਨੂੰ ਪ੍ਰਭਾਵਿਤ ਕੀਤਾ।
ਉਨ੍ਹਾਂ ਦੱਸਿਆ ਕਿ ਮੁਕਾਬਲਿਆਂ 'ਚ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਪੱਧਰ ਦੇ ਭਲਵਾਨ ਹਿੱਸਾ ਲੈਣ ਪਹੁੰਚੇ ਸਨ।
ਉਨ੍ਹਾਂ ਉਚੇਚੇ ਤੌਰ 'ਤੇ ਰੁਸਤਮ ਰੈਸਲਿੰਗ ਕਲੱਬ ਦੇ ਭਲਵਾਨਾਂ ਦੀ ਪਰਫਾਰਮੈਂਸ ਦੀ ਸ਼ਲਾਘਾ ਕੀਤੀ।
ਪ੍ਰਬੰਧਕ ਵਿਨੈ ਸ਼ਰਮਾ ਨੇ ਕਿਹਾ, "ਮੈਂ ਪ੍ਰਤੀਯੋਗਤਾ 'ਚ ਹਿੱਸਾ ਲੈ ਰਹੇ ਖਿਡਾਰੀਆਂ ਦੀ ਪ੍ਰਤਿਭਾ ਤੋਂ ਪ੍ਰਭਾਵਿਤ ਹਾਂ ਅਤੇ ਈਵੈਂਟ ਨੂੰ ਕਾਮਯਾਬ ਬਣਾਉਣ ਲਈ ਭਾਰਤੀ ਡਾਇਸਪੋਰਾ ਦਾ ਧੰਨਵਾਦੀ ਹਾਂ, ਅਤੇ ਨਾਲ ਹੀ ਕੈਨੇਡਾ 'ਚ ਵਸਦੇ ਸਾਰੇ ਭਾਰਤੀ ਲੋਕਾਂ ਨੂੰ ਭਾਰਤ ਦੇ ਸੁਤੰਤਰਤਾ ਦਿਹਾੜੇ ਲਈ ਵੀ ਵਧਾਈ ਦਿੰਦਾ ਹਾਂ।"
