13.45C Vancouver 13.45C VancouverNov 13, 2025 2:46 PM - Connect Newsroom - Ramandeep Kaur
ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਸਕਾਈ ਟਰੇਨ ਸਟੇਸ਼ਨ ਕੋਲ ਹੈਂਡਗੰਨ ਦੀ ਰਿਪੋਰਟ ਮਿਲਣ 'ਤੇ ਇੱਕ 16 ਸਾਲਾ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ 7 ਨਵੰਬਰ ਨੂੰ ਰਾਤ 8:45 ਵਜੇ ਦੇ ਆਸਪਾਸ ਉਨ੍ਹਾਂ ਨੂੰ ਕੋਲੰਬੀਆ ਸਕਾਈਟ੍ਰੇਨ ਸਟੇਸ਼ਨ ਕੋਲ ਇੱਕ ਸ਼ੱਕੀ ਵਲੋਂ ਪਿਸਤੋਲ ਸੁੱਟਣ ਅਤੇ ਫਿਰ ਇਸ ਨੂੰ ਚੁੱਕ ਕੇ ਆਪਣੀ ਪੈਂਟ ਦੇ ਕਮਰਬੰਦ ਵਿਚ ਰੱਖਣ ਦੀ 911 'ਤੇ ਸੂਚਨਾ ਮਿਲੀ ਸੀ।
ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਬੁੱਧਵਾਰ ਨੂੰ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਅਧਿਕਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਸ਼ੱਕੀ ਨੂੰ ਲੱਭਿਆ ਤੇ ਗ੍ਰਿਫਤਾਰ ਕੀਤਾ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਇਹ ਇੱਕ ਨਕਲੀ ਹੈਂਡਗੰਨ ਸੀ। ਪੁਲਿਸ ਨੇ ਕਿਹਾ ਕਿ ਨਕਲੀ ਹੈਂਡਗੰਨ ਦੇ ਗਲਤ ਇਸਤੇਮਾਲ ਦੇ ਮਾਮਲੇ ਵਿਚ ਵੀ ਚਾਰਜਿਜ਼ ਲਗਾਏ ਜਾ ਸਕਦੇ ਹਨ। ਸਾਰਜੈਂਟ ਐਂਡਰੂ ਲੀਵਰ ਨੇ ਕਿਹਾ ਕਿ firearm ਨਾਲ ਸਬੰਧਤ ਕਿਸੇ ਵੀ ਕਾਲ ਨੂੰ ਗੰਭੀਰ ਘਟਨਾ ਮੰਨਿਆ ਜਾਂਦਾ ਹੈ।
ਲੀਵਰ ਨੇ ਕਿਹਾ ਕਿ ਅਸੀਂ ਉਸ ਵਿਅਕਤੀ ਦਾ ਧੰਨਵਾਦ ਕਰਨਾ ਚਾਹੁੰਦੇ ਹਾਂ ਜਿਸ ਨੇ 911 'ਤੇ ਕਾਲ ਕੀਤੀ, ਉਨ੍ਹਾਂ ਅਪੀਲ ਕੀਤੀ ਕਿ ਜੇ ਕਿਸੇ ਨੂੰ ਕਦੇ ਵੀ ਕੁਝ ਅਜਿਹਾ ਲੱਗਦਾ ਹੋ ਜੋ ਉਸ ਲਈ ਜਾਂ ਦੂਜਿਆਂ ਲਈ ਚਿੰਤਾ ਦਾ ਕਾਰਨ ਬਣਦਾ ਹੈ ਤਾਂ ਇਸ ਬਾਰੇ ਤੁਰੰਤ ਪੁਲਿਸ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
