14.99C Vancouver 14.99C VancouverSep 4, 2020 2:30 AM -
ਬ੍ਰਿਟਿਸ਼ ਕੋਲੰਬੀਆ ਨਵੇਂ ਸਿੱਖਿਅਕ ਸਮਰਥਨ, ਪ੍ਰਦਰਸ਼ਨੀ ਅਤੇ ਆਨਲਾਈਨ ਸਰੋਤਾਂ ਦੇ ਵਿਕਾਸ ਦੁਆਰਾ ਆਪਣੀ ਆਰਥਿਕਤਾ, ਇਤਿਹਾਸ ਅਤੇ ਸਭਿਆਚਾਰ ਵਿੱਚ ਪੰਜਾਬੀ ਕਨੇਡੀਅਨ ਭਾਈਚਾਰੇ ਦੇ ਯੋਗਦਾਨ ਦਾ ਜਸ਼ਨ ਮਨਾ ਰਿਹਾ ਹੈ।
ਪ੍ਰਾਜੈਕਟ ਇੱਕ ਸਵਾਗਤਸ਼ੀਲ ਅਤੇ ਸੰਮਿਲਤ ਸਮਾਜ ਦੀ ਸਿਰਜਣਾ ਲਈ ਸੂਬੇ ਦੀ ਵਚਨਬੱਧਤਾ ਦਾ ਹਿੱਸਾ ਹੈ।
"ਪੰਜਾਬੀ ਭਾਈਚਾਰੇ ਦਾ ਇੱਕ ਲੰਮਾ ਅਤੇ ਵਿਲੱਖਣ ਇਤਿਹਾਸ ਹੈ ਜਿਸ ਨੇ ਸਾਡੇ ਸੂਬੇ ਦੀ ਤਾਕਤ ਅਤੇ ਸਫਲਤਾ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ", ਪ੍ਰੀਮੀਅਰ ਜੌਨ ਹੌਰਗਨ ਨੇ ਕਿਹਾ। "ਸਾਡੇ ਬਹੁਸਭਿਆਚਾਰਕ ਭਾਈਚਾਰਿਆਂ ਦੀ ਲਚਕਤਾ ਅਤੇ ਵਿਭਿੰਨਤਾ ਦਾ ਸਨਮਾਨ ਕਰਦੇ ਹੋਏ ਪੰਜਾਬੀ ਕਨੇਡੀਅਨ ਲੈਗੇਸੀ (ਵਿਰਾਸਤ) ਪ੍ਰਾਜੈਕਟ ਇਹ ਕਹਾਣੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਨਾਲ ਸਾਂਝਾ ਕਰੇਗਾ"।
ਫਰੇਜ਼ਰ ਵੈਲੀ ਯੂਨੀਵਰਸਿਟੀ ਦੇ ਸਾਊਥ ਏਸ਼ੀਅਨ ਸਟੱਡੀਜ਼ ਇੰਸਟੀਚਿਊਟ ਅਤੇ ਹੋਰ ਭਾਈਚਾਰਕ ਭਾਈਵਾਲਾਂ ਦੇ ਸਹਿਯੋਗ ਨਾਲ ਹੱਕ ਐਂਡ ਹਿਸਟਰੀ: ਪੰਜਾਬੀ ਕਨੇਡੀਅਨ ਲੈਗੇਸੀ ਪ੍ਰਾਜੈਕਟ ਦੇ ਨਿਰਮਾਣ ਲਈ ਸੂਬਾ ਐਬਟਸਫੋਰਡ ਕਮਿਊਨਟੀ ਫਾਊਂਡੇਸ਼ਨ ਨੂੰ $1.14 ਮਿਲੀਅਨ ਪ੍ਰਦਾਨ ਕਰ ਰਿਹਾ ਹੈ।
ਹੱਕ ਐਂਡ ਹਿਸਟਰੀ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਪੰਜਾਬੀ ਕਨੇਡੀਅਨਾਂ ਦੇ ਆਪਣੇ ਵਿਸ਼ਾਲ ਅਤੇ ਮਹੱਤਵਪੂਰਣ ਇਤਿਹਾਸ ਨੂੰ ਰਿਕਾਰਡ ਕਰਨ, ਜਨਤਕ ਵਿਦਿਅਕ ਅਤੇ ਇਤਿਹਾਸਕ ਰਿਕਾਰਡਾਂ ਨੂੰ ਦਰੁਸਤ ਕਰਨ ਅਤੇ ਵਧਾਉਣ ਲਈ ਅਤੇ ਭਵਿੱਖ ਦੀਆਂ ਪੀੜੀਆਂ ਲਈ ਮੌਜੂਦਾ ਸਮੇਂ ਤੋਂ ਅੱਗੇ ਵਧਣ ਵਾਲੀ ਭਾਈਚਾਰਕ ਵਿਰਾਸਤ ਬਣਾਉਣ ਲਈ ਪ੍ਰਤੀਬਿੰਬਤ ਕਰਦਾ ਹੈ। ਇਹ ਪ੍ਰਾਜੈਕਟ ਬੀ.ਸੀ. ਵਿਚ ਪੰਜਾਬੀ ਭਾਈਚਾਰੇ ਦੇ ਵਡਮੁੱਲੇ ਯੋਗਦਾਨ ਨੂੰ ਉਸਦੀ ਆਰਥਿਕਤਾ, ਇਤਿਹਾਸ ਅਤੇ ਸੰਸਕ੍ਰਿਤੀ ਅਤੇ ਅਨਿਆਂ ਅਤੇ ਵਿਤਕਰੇ ਦੇ ਬਾਵਜੂਦ ਭਾਈਚਾਰੇ ਦੀ ਲਚਕਤਾ ਨੂੰ ਪ੍ਰਦਰਸ਼ਿਤ ਕਰੇਗਾ।
"ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਨੂੰ ਉਹਨਾਂ ਲੋਕਾਂ ਬਾਰੇ ਵਧੇਰੇ ਜਾਣਨ ਲਈ ਮੌਕਿਆਂ ਦੀ ਜਰੂਰਤ ਹੈ ਜੋ ਸਾਡੀ ਵੰਨ-ਸੁਵੰਨਤਾ ਅਤੇ ਬਹੁਸਭਿਆਚਾਰਕ ਸਮਾਜ ਵਿੱਚ ਸ਼ਾਮਲ ਹਨ," ਵੈਨਕੂਵਰ-ਫਰੇਜ਼ਰ ਵਿਊ ਦੇ ਐੱਮ ਐੱਲ ਏ ਜੋਰਜ ਚਾਓ ਨੇ ਕਿਹਾ। "ਪੰਜਾਬੀ ਕਨੇਡੀਅਨ ਲੈਗੇਸੀ ਪ੍ਰਾਜੈਕਟ ਸਾਡੇ ਸੂਬੇ ਦੇ ਇਤਿਹਾਸ ਦੇ ਵਿਲੱਖਣ ਹਿੱਸੇ ਦੀ ਗਹਿਰੀ ਸਮਝ ਪ੍ਰਦਾਨ ਕਰੇਗਾ, ਜੋ ਅੰਤਰ ਸਭਿਆਚਾਰਕ ਸੰਪਰਕ ਬਣਾਉਣ ਅਤੇ ਸਾਰੇ ਪਿਛੋਕੜ ਦੇ ਲੋਕਾਂ ਵਿੱਚ ਸਤਿਕਾਰ ਅਤੇ ਸਨਮਾਨ ਵਧਾਉਣ ਵਿੱਚ ਸਹਾਇਤਾ ਕਰੇਗਾ"।
ਇਸ ਪ੍ਰਾਜੈਕਟ ਨੂੰ ਸ਼ਾਮਲ ਕਰਨ ਲਈ ਅਗਲੇ ਕੁਝ ਸਾਲਾਂ ਵਿੱਚ ਵਿਕਸਤ ਕੀਤਾ ਜਾਣਾ ਜਾਰੀ ਰਹੇਗਾ:
"ਸਾਡੇ ਬਹੁਸਭਿਆਚਾਰਕ ਸਮਾਜ ਵਿੱਚ ਸਿੱਖਿਆ ਇੱਕ ਦੂਜੇ ਲਈ ਵਧੇਰੇ ਸਤਿਕਾਰ ਅਤੇ ਸਨਮਾਨ ਵਧਾਉਣ ਦੀ ਕੁੰਜੀ ਹੈ," ਫਰੇਜ਼ਰ ਵੈਲੀ ਯੂਨੀਵਰਸਿਟੀ ਦੇ ਸਾਊਥ ਏਸ਼ੀਅਨ ਸਟੱਡੀਜ਼ ਇੰਸਟੀਚਿਊਟ ਦੀ ਡਾਇਰੈਕਟਰ ਸਤਵਿੰਦਰ ਕੌਰ ਬੈਂਸ ਨੇ ਕਿਹਾ। "ਪ੍ਰਾਜੈਕਟ ਦਾ ਮੁੱਖ ਟੀਚਾ ਬੀ.ਸੀ. ਦੇ ਵਿਭਿੰਨ ਸਮਾਜ ਦੇ ਮੁੱਲ ਨੂੰ ਦਰਸਾਉਂਦੇ ਹੋਏ ਨਸਲਵਾਦ ਨੂੰ ਘਟਾਉਣ ਦੇ ਟੀਚੇ ਨਾਲ ਪੰਜਾਬੀ ਕੈਨੇਡੀਅਨਾਂ ਦੇ ਮਹੱਤਵਪੂਰਣ ਯੋਗਦਾਨ ਦੇ ਇਤਿਹਾਸਕ ਰਿਕਾਰਡ ਨੂੰ ਬਿਹਤਰ ਬਣਾਉਣਾ ਹੈ"।
ਹੱਕ ਐਂਡ ਹਿਸਟਰੀ ਦਾ ਵਿਕਾਸ: ਪੰਜਾਬੀ ਕੈਨੇਡੀਅਨ ਲੈਗੇਸੀ ਪ੍ਰਾਜੈਕਟ ਦੀ ਅਗਵਾਈ ਪੰਜਾਬੀ ਲੈਗੇਸੀ ਐਡਵਾਈਜ਼ਰੀ ਕਮੇਟੀ ਵੱਲੋਂ ਗੋਲਡਨ, ਪ੍ਰਿੰੰਸ ਜਾਰਜ, ਵੈਨਕੂਵਰ ਆਈਲੈਂਡ, ਕਲੋਨਾ, ਵੈਨਕੂਵਰ, ਸਰ੍ਹੀ ਅਤੇ ਐਬਟਸਫੋਰਡ ਦੇ ਸਾਊਥ ਏਸ਼ੀਅਨ ਕਨੇਡੀਅਨ ਕਮਿਊਨਟੀ ਭਾਈਵਾਲਾਂ ਨਾਲ ਰਲ ਕੇ ਕੀਤੀ ਗਈ ਹੈ। ਇਹ ਪ੍ਰਾਜੈਕਟ ਬੀ ਸੀ ਵਿੱਚ ਰੰਗਦਾਰ ਅਤੇ ਮੂਲਵਾਸੀ ਭਾਈਚਾਰਿਆਂ ਦੇ ਇਤਿਹਾਸ ਅਤੇ ਯੋਗਦਾਨ 'ਤੇ ਬਣਨ ਵਾਲੇ ਵਿਦਿਅਕ ਸਰੋਤਾਂ ਦੇ ਅਨੁਕੂਲ ਹੈ, ਜਿਸ ਬਾਰੇ 2019 ਦੀਆਂ ਗਰਮੀਆਂ ਵਿੱਚ ਨਸਲਵਾਦ ਅਤੇ ਨਫਰਤ 'ਤੇ ਕੀਤੇ ਗਏ ਸਰਕਾਰੀ ਭਾਈਚਾਰਕ ਸਲਾਹ-ਮਸ਼ਵਰੇ ਦੌਰਾਨ ਸੁਣਿਆ ਗਿਆ ਸੀ।
ਫੌਰੀ ਤੱਥ:
