8.13C Vancouver 8.13C VancouverFeb 7, 2020 6:29 PM -
ਬੀਸੀ ਸੁਪਰੀਮ ਕੋਰਟ ਨੇ ਉਬਰ ਵੱਲੋਂ ਸਿਟੀ ਆਫ ਸਰ੍ਹੀ ਦੇ ਖਿਲਾਫ ਕੀਤੀ ਗਈ ਅਰਜ਼ੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਹੁਣ ਸਰ੍ਹੀ ਉਬਰ ਡਰਾਈਵਰਾਂ ਨੂੰ ਟਿਕਟ ਨਹੀਂ ਦੇ ਸਕੇਗੀ।
ਰਾਈਡ ਹੇਲਿੰਗ ਕੰਪਨੀ ਦੇ ਡਰਾਈਵਰਾਂ ਨੂੰ ਸਰ੍ਹੀ ਵਿੱਚ ਜੁਰਮਾਨਾ ਕਰਨ ਤੋਂ ਰੋਕਣ ਵਾਸਤੇ ਉਬਰ ਵੱਲੋਂ ਬੀ.ਸੀ. ਦੇ ਸੁਪਰੀਮ ਕੋਰਟ ਤੋਂ ਹੁਕਮ ਦੀ ਮੰਗ ਕੀਤੀ ਜਾ ਰਹੀ ਸੀ।
ਜੱਜ ਨੇ ਅਦਾਲਤ ਵਿੱਚ ਫ਼ੈਸਲਾ ਸੁਣਾਉਂਦੇ ਹੋਏ ਕਿਹਾ ਕੀ ਸਿਟੀ ਦੋ ਘੋੜਿਆਂ 'ਤੇ ਸਵਾਰ ਹੋਣ ਦੀ ਕੋਸ਼ਿਸ਼ ਵਿੱਚ ਹੈ, ਜਿੱਥੇ ਇੱਕ ਪਾਸੇ ਉਬਰ ਡਰਾਈਵਰਾਂ ਨੂੰ ਲਾਇਸੈਂਸ ਨਾ ਹੋਣ ਵਾਸਤੇ ਟਿਕਟਾਂ ਦਿੱਤੀਆਂ ਜਾ ਰਹੀਆਂ ਹਨ ਉਥੇ ਹੀ ਦੂਸਰੇ ਪਾਸੇ ਡਰਾਈਵਰਾਂ ਨੂੰ ਲਾਇਸੈਂਸ ਦੇਣ ਤੋਂ ਇਨਕਾਰ ਕੀਤਾ ਜਾ ਰਿਹਾ ਹੈ।
ਸਿਟੀ ਆਫ ਸਰ੍ਹੀ ਦੇ ਵਕੀਲ ਦਾ ਕਹਿਣਾ ਸੀ ਕਿ ਸਿਟੀ ਨੂੰ ਇਨ੍ਹਾਂ ਲਾਇਸੈਂਸਿਜ਼ ਨੂੰ ਜਾਰੀ ਕਰਨ ਦੀ ਪ੍ਰਕਿਰਿਆ ਉੱਤੇ ਕੰਮ ਕਰਨ ਲਈ ਸਮਾਂ ਚਾਹੀਦਾ ਹੈ।
ਮੇਅਰ ਡੱਗ ਮੈਕੱਲਮ ਨੇ ਛੋਟੀ ਜਿਹੀ ਸਟੇਟਮੈਂਟ ਜਾਰੀ ਕਰਦੇ ਹੋਏ ਕਿਹਾ ਕਿ ਹੁਣ ਅੱਗੇ ਵਧਣ ਦਾ ਸਮਾਂ ਹੈ ਅਤੇ ਉਹ ਮੇਅਰਜ਼ ਕਾਊਂਸਲ ਨਾਲ ਰਲ੍ਹ ਕੇ ਰੀਜਨਲ ਬਿਜ਼ਨੈੱਸ ਲਾਇਸੈਂਸ 'ਤੇ ਕੰਮ ਕਰਨਗੇ।
ਅਦਾਲਤ ਦੇ ਇਸ ਫੈਸਲੇ ਤੋਂ ਬਾਅਦ ਕਾਊਂਸਲਰ ਲਿੰਡਾ ਐਨਸ ਨੇ ਕਿਹਾ ਕਿ ਹੁਣ ਵਕਤ ਆ ਗਿਆ ਹੈ ਕਿ ਮੇਅਰ ਸਿਆਸੀ ਖੇਡਾਂ ਖੇਡਣੀਆਂ ਬੰਦ ਕਰਨ ਅਤੇ ਸਰ੍ਹੀ ਨਿਵਾਸੀਆਂ ਵਾਸਤੇ ਰਾਈਡ ਹੇਲਿੰਗ ਸੇਵਾਵਾਂ ਦਾ ਸਿਲਸਿਲਾ ਸ਼ੁਰੂ ਹੋਵੇ।
