News

ਬੀ. ਸੀ. ਸਰਕਾਰ ਨੇ ਆਪਣੇ ਲੁੱਕ ਵੈਸਟ ਆਰਥਿਕ ਯੋਜਨਾ ਦੇ ਹਿੱਸੇ ਵਜੋਂ ਸੂਬੇ ਦੇ ਜੰਗਲਾਤ ਖੇਤਰ ਨੂੰ ਮਜ਼ਬੂਤ ​​ਕਰਨ ਅਤੇ ਹੜ੍ਹ ਤੇ ਵਾਈਲਡਫਾਇਰ ਵਰਗੀਆਂ ਮੌਸਮੀ ਘਟਨਾਵਾਂ ਤੋਂ ਕਮਿਊਨਿਟੀ ਨੂੰ ਬਚਾਉਣ ਲਈ ਇੱਕ ਨਿਵੇਕਲੀ ਪਹਿਲਕਦਮੀ ਸ਼ੁਰੂ ਕੀਤੀ ਹੈ। ਇਸ ਯੋਜਨਾ ਤਹਿਤ ਸੂਬੇ ਦੇ ਕਾਰੋਬਾਰਾਂ ਨੂੰ ਆਪਣੀਆਂ ਨਵੀਨਤਮ ਟੈਕਨੋਲਜੀ ਨੂੰ ਰੀਅਲ-ਵਰਲਡ ਸੈਟਿੰਗ ਯਾਨੀ ਅਸਲ ਮਾਹੌਲ ਵਿਚ ਟੈਸਟ ਕਰਨ, ਲਾਗੂ ਕਰਨ ਅਤੇ ਵੱਡੇ ਪੱਧਰ 'ਤੇ ਵਰਤਣ ਦਾ ਮੌਕਾ ਦਿੱਤਾ ਜਾ ਰਿਹਾ ਹੈ। ਇਸ ਨਾਲ ਲੋਕਲ ਕੰਪਨੀਆਂ ਨੂੰ ਵਿਕਾਸ ਦੇ ਨਵੇਂ ਮੌਕੇ ਮਿਲਣਗੇ।

ਨਾਨਾਇਮੋ ਆਰ.ਸੀ.ਐਮ.ਪੀ. ਨੇ ਪੰਜ ਮਹੀਨਿਆਂ ਤੱਕ ਚੱਲੀ ਗੁਪਤ ਜਾਂਚ ਤੋਂ ਬਾਅਦ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਨ ਵਾਲੇ ਇੱਕ ਘਰ ਦਾ ਪਰਦਾਫਾਸ਼ ਕੀਤਾ ਹੈ। ਇਸ ਕਾਰਵਾਈ ਦੌਰਾਨ ਅਧਿਕਾਰੀਆਂ ਨੇ ਦੋ ਵਿਅਕਤੀਆਂ ਨੂੰ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ, ਦੋ ਹਥਿਆਰਾਂ ਅਤੇ ਬੁਲੇਟਪਰੂਫ ਜੈਕਟ ਸਮੇਤ ਗ੍ਰਿਫਤਾਰ ਕੀਤਾ।

ਕੈਨੇਡਾ ਦੀ ਫੈਡਰਲ ਸਰਕਾਰ ਨੇ ਅੱਜ ਆਪਣੀ ਇਤਿਹਾਸਕ 'ਬਾਇ ਕੈਨੇਡੀਅਨ ਪਾਲਿਸੀ' ਲਾਗੂ ਕਰ ਦਿੱਤੀ ਹੈ। ਇਸ ਨਵੇਂ ਕਦਮ ਤਹਿਤ ਸਰਕਾਰੀ ਖਰੀਦ ਲਈ ਹੁਣ ਕੈਨੇਡੀਅਨ ਕਾਰੋਬਾਰਾਂ ਅਤੇ ਕੈਨੇਡੀਅਨ ਮਟੀਰੀਅਲ ਨੂੰ ਪਹਿਲ ਦਿੱਤੀ ਜਾਵੇਗੀ, ਯਾਨੀ ਜੋ ਵੀ ਘਰੇਲੂ ਪ੍ਰੋਜੈਕਟ ਹੋਵੇਗਾ ਉਸ ਵਿਚ ਲੱਗਣ ਵਾਲਾ ਮਾਲ ਵੀ ਘਰੇਲੂ ਹੋਵੇਗਾ। ਇਹ ਪਾਲਿਸੀ ਖਾਸ ਤੌਰ 'ਤੇ ਸਟੀਲ, ਐਲੂਮੀਨੀਅਮ ਅਤੇ ਲੱਕੜ ਇੰਡਸਟਰੀ ਨੂੰ ਸਹਾਰਾ ਦੇਣ ਲਈ ਤਿਆਰ ਕੀਤੀ ਗਈ ਸੀ, ਜਿਨ੍ਹਾਂ 'ਤੇ ਅਮਰੀਕੀ ਟੈਰਿਫ ਦਾ ਬੁਰਾ ਅਸਰ ਪਿਆ ਹੈ। ਇਹ ਪੜਾਅਵਾਰ ਢੰਗ ਨਾਲ ਲਾਗੂ ਕੀਤੀ ਜਾ ਰਹੀ ਹੈ।

ਐਡਮਿੰਟਨ ਦੀ ਜੇਲ੍ਹ ਵਿਚ ਸਾਥੀ ਕੈਦੀ ਦਾ ਕਤਲ ਕਰਨ ਵਾਲੇ 24 ਸਾਲਾ ਬਰੈਂਡਨ ਨਿਊਮੈਨ ਅਤੇ ਕੋਡੀ ਨਿਕਲਸ ਨੂੰ ਕਤਲੇਆਮ ਦਾ ਦੋਸ਼ੀ ਠਹਿਰਾਇਆ ਗਿਆ ਹੈ।ਦੋਹਾਂ ਕੈਦੀਆਂ ਨੇ ਬ੍ਰੈਟਨ ਫਿਸ਼ਰ ਨੂੰ 2022 ਵਿਚ ਮਾਰ ਦਿੱਤਾ ਸੀ। ਨਿਊਮੈਨ ਕੈਲਗਰੀ ਵਿਚ ਇਕ ਯੂਥ ਕੌਂਸਲਰ ਡੇਬੋਰਾ ਓਨਵੂ ਦੇ ਕਤਲ ਦੇ ਦੋਸ਼ ਵਿਚ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ।

ਇਨਵਾਇਰਮੈਂਟ ਕੈਨੇਡਾ ਨੇ ਬੀ.ਸੀ. ਦੇ ਕਈ ਹਿੱਸਿਆਂ ਵਿੱਚ ਭਾਰੀ ਮੀਂਹ ਦਾ ਚਿਤਾਵਨੀ ਜਾਰੀ ਕੀਤੀ ਹੈ, ਜਦਕਿ ਫ੍ਰੇਜ਼ਰ ਵੈਲੀ ਵਿੱਚ ਹਾਲੀਆ ਹੜ੍ਹਾਂ ਤੋਂ ਬਾਅਦ ਸਫਾਈ ਅਤੇ ਬਹਾਲੀ ਦਾ ਕੰਮ ਜਾਰੀ ਹੈ।ਇਨਵਾਇਰਮੈਂਟ ਕੈਨੇਡਾ ਦੇ ਮੁਤਾਬਕ ਕੱਲ੍ਹ ਸਵੇਰ ਤੱਕ ਮੈਟਰੋ ਵੈਨਕੂਵਰ ਅਤੇ ਫਰੇਜ਼ਰ ਵੈਲੀ ਦੇ ਇਲਾਕੇ ਵਿੱਚ 70 ਮਿਲੀਮੀਟਰ ਤੱਕ ਮੀਹ ਪਵੇਗਾ।