News

ਵੈਸਟਜੈੱਟ ਦੇ ਫਲਾਈਟ ਅਟੈਂਡੈਂਟ ਦੀ ਯੂਨੀਅਨ ਨੇ ਉਸ ਦੇ 99.4 ਫੀਸਦੀ ਮੈਂਬਰਾਂ ਵਲੋਂ ਹੜਤਾਲ ਦੇ ਪੱਖ ਵਿਚ ਵੋਟ ਪਾਏ ਜਾਣ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਅਗਸਤ ਦੇ ਲੌਂਗ ਵੀਕੈਂਡ ਦੌਰਾਨ ਹਜ਼ਾਰਾਂ ਕੈਨੇਡੀਅਨ ਦੀਆਂ ਯਾਤਰਾ ਯੋਜਨਾਵਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਬੁੱਧਵਾਰ ਨੂੰ ਸਵੇਰੇ ਆਏ ਵੋਟਿੰਗ ਦੇ ਨਤੀਜਿਆਂ ਮੁਤਾਬਕ,ਯੂਨੀਅਨ ਦੀ ਅਗਵਾਈ ਹੇਠ ਏਅਰਲਾਈਨ ਦੇ ਕਰੀਬ 4,400 ਫਲਾਈਟ ਅਟੈਂਡੈਂਟ ਡੀਲ ਨਾ ਹੋਣ ਦੀ ਸੂਰਤ ਵਿਚ 2 ਅਗਸਤ ਨੂੰ ਕਾਨੂੰਨੀ ਤੌਰ 'ਤੇ ਹੜਤਾਲ ਕਰਨ ਦੇ ਸਮਰਥ ਹੋ ਗਏ ਹਨ।

ਬਰਨਬੀ ਵਿਚ ਇੱਕ ਲੜਕੀ ਨਾਲ ਜਿਨਸੀ ਸ਼ੋਸ਼ਣ ਦੀ ਘਟਨਾ ਹੋਈ ਹੈ। ਪੁਲਿਸ ਨੇ ਪਿਛਲੇ ਹਫ਼ਤੇ ਵਾਪਰੇ ਇਸ ਮਾਮਲੇ ਦੇ ਸਬੰਧ ਵਿਚ ਸ਼ੱਕੀ ਦੀ ਪਛਾਣ ਵਿਚ ਮਦਦ ਮੰਗੀ ਹੈ। ਔਫੀਸਰ ਮੁਤਾਬਕ, 9 ਜੁਲਾਈ ਨੂੰ ਰਾਤ ਕਰੀਬ 11.30 ਵਜੇ ਰਾਇਲ ਓਕ ਐਵੇਨਿਊ ਅਤੇ ਬੇਰੇਸਫੋਰਡ ਸਟ੍ਰੀਟ ਨੇੜੇ ਸ਼ੱਕੀ ਵਲੋਂ ਲੜਕੀ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਪੀੜਤਾ ਨੇ ਦੱਸਿਆ ਕਿ ਉਹ ਇਕੱਲੀ ਜਾ ਰਹੀ ਸੀ ਜਦੋਂ ਇੱਕ ਆਦਮੀ ਪਿੱਛੇ ਤੋਂ ਆਇਆ ਅਤੇ ਉਸ ਨਾਲ ਗਲਤ ਹਰਕਤ ਕੀਤੀ, ਜਿਵੇਂ ਹੀ ਪੀੜਤਾ ਨੇ 911 'ਤੇ ਕਾਲ ਕੀਤਾ, ਸ਼ੱਕੀ ਮੌਕੇ ਤੋਂ ਭੱਜ ਗਿਆ।

ਵੈਨਕੂਵਰ ਆਈਲੈਂਡ ਦੇ ਰਿਮੋਟ ਇਲਾਕੇ ਵਿਚ ਇੱਕ ਹੈਲੀਕਾਪਟਰ ਹਾਦਸਾਗ੍ਰਸਤ ਹੋਣ ਨਾਲ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੈ। ਇਹ ਹਾਦਸਾ ਮੰਗਲਵਾਰ ਸਵੇਰੇ ਕਰੀਬ 6:15 ਵਜੇ ਲੌਫਬਰੋ ਇਨਲੇਟ ਇਲਾਕੇ ਵਿਚ ਵਾਪਰਿਆ। ਵੈਸਟ ਕੋਸਟ ਹੈਲੀਕਾਪਟਰ ਕੰਪਨੀ ਦਾ ਇਹ ਹੈਲੀਕਾਪਟਰ ਉੱਥੇ forestry operations ਵਿਚ ਲੱਗਾ ਹੋਇਆ ਸੀ।

ਬੀ.ਸੀ. ਵਿਚ ਫੋਰੈਸਟਰੀ ਕੰਪਨੀ ਕੈਨਫੋਰ ਨੇ ਆਪਣੀ ਇੱਕ ਹੋਰ ਮਿੱਲ ਬੰਦ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਪ੍ਰਿੰਸ ਜਾਰਜ ਵਿਚ ਸਥਿਤ ਇਸ ਦੀ ਨੌਰਥਵੁੱਡ ਪਲਪ ਵਿਚ ਲਗਭਗ 300 ਨੌਕਰੀਆਂ ਪ੍ਰਭਾਵਿਤ ਹੋਣ ਜਾ ਰਹੀਆਂ ਹਨ। ਕੰਪਨੀ ਵੱਲੋਂ ਜਾਰੀ ਬਿਆਨ ਅਨੁਸਾਰ, ਇਹ ਫੈਸਲਾ ਲਗਾਤਾਰ ਹੋ ਰਹੇ ਵਿੱਤੀ ਨੁਕਸਾਨ ਅਤੇ ਕਿਫਾਇਤੀ ਫਾਈਬਰ ਸਪਲਾਈ ਦੀ ਘਾਟ ਕਾਰਨ ਲਿਆ ਗਿਆ ਹੈ।

ਕੈਨੇਡਾ ਦੇ ਸੈਂਟਰਲ ਬੈਂਕ ਨੇ ਅੱਜ ਆਪਣੀ ਅਹਿਮ ਮੁਦਰਾ ਨੀਤੀ ਦੀ ਮੀਟਿੰਗ ਵਿਚ ਫੈਸਲਾ ਲੈਂਦਿਆਂ ਬੈਂਚਮਾਰਕ ਵਿਆਜ ਦਰ ਨੂੰ 2.25 ਫੀਸਦੀ 'ਤੇ ਹੀ ਬਰਕਰਾਰ ਰੱਖਣ ਦਾ ਐਲਾਨ ਕੀਤਾ ਹੈ। ਗਵਰਨਰ ਟਿਫ ਮੈਕਲੇਮ ਦੀ ਅਗਵਾਈ ਵਿਚ ਲਏ ਗਏ ਇਸ ਫੈਸਲੇ ਵਿਚ ਲਗਾਤਾਰ ਛੇਵੀਂ ਵਾਰ ਬੈਂਕ ਆਫ਼ ਕੈਨੇਡਾ ਨੇ ਵਿਆਜ ਦਰਾਂ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ।