News

ਬੀ. ਸੀ. ਦੇ ਪੂਰਬੀ ਕੂਟੇਨੇ ਖੇਤਰ ਵਿਚ ਇਸ ਮਹੀਨੇ ਦੇ ਸ਼ੁਰੂ ਵਿਚ ਰਿੱਛ ਦੇ ਹਮਲੇ ਵਿਚ ਜ਼ਖਮੀ ਹੋਏ ਸੂਬੇ ਦੇ ਇੱਕ 63 ਸਾਲਾ ਸਾਬਕਾ ਬੌਕਸਰ ਦੀ ਤਿੰਨ ਹਫ਼ਤਿਆਂ ਬਾਅਦ ਹਸਪਤਾਲ ਵਿਚ ਮੌਤ ਹੋ ਗਈ। ਜੋਅ ਪੈਂਡਰੀ ਦੀ ਪਤਨੀ ਜੈਨਿਸ ਪੈਂਡਰੀ ਨੇ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਦੀ ਮੌਤ ਸ਼ਨੀਵਾਰ ਸਵੇਰੇ ਹੋਈ, ਡਾਕਟਰਾਂ ਦਾ ਮੰਨਣਾ ਸੀ ਕਿ ਉਨ੍ਹਾਂ ਦੇ ਸਰੀਰ ਵਿਚ ਖੂਨ ਦੀਆਂ ਗੱਠਾਂ ਬਣ ਗਈਆਂ ਸਨ।

ਕੈਨੇਡਾ ਦੀ ਜੌਬਸ ਮਿਨਿਸਟਰ ਪੈਟੀ ਹਾਜਦੂ ਨੇ ਆਗਾਮੀ ਫੈਡਰਲ ਬਜਟ ਵਿਚ ਵਰਕਰਜ਼ ਲਈ ਨਵੇਂ ਸਪੋਰਟ ਪ੍ਰੋਗਰਾਮ ਸ਼ੁਰੂ ਕੀਤੇ ਜਾਣ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ਉਪਾਵਾਂ ਦਾ ਉਦੇਸ਼ ਮੇਜਰ ਇਨਫਰਾਸਟਕਚਰ ਹੈਲਥ ਕੇਅਰ ਅਤੇ ਲੱਖਾਂ ਘਰਾਂ ਦੇ ਨਿਰਮਾਣ ਵਾਸਤੇ ਦੇਸ਼ ਵਿਚ ਸਕਿਲਡ ਵਰਕਫੋਰਸ ਦੀ ਘਾਟ ਨੂੰ ਦੂਰ ਕਰਨਾ ਹੈ।

ਐਲਬਰਟਾ ਦੀਆਂ ਯੂਨੀਅਨ ਨੇ ਸੂਬਾ ਸਰਕਾਰ ਨੂੰ ਬੈਕ-ਟੂ-ਵਰਕ ਕਾਨੂੰਨ ਵਿਚ notwithstanding clause ਦੀ ਵਰਤੋਂ ਨਾ ਕਰਨ ਦੀ ਅਪੀਲ ਕੀਤੀ ਹੈ। ਯੂਨੀਅਨ ਲੀਡਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇ ਸਰਕਾਰ ਇਸ ਧਾਰਾ ਦੀ ਵਰਤੋਂ ਕਰਦੀ ਹੈ,ਜੋ ਕਿ ਕੈਨੇਡਾ ਦੇ ਚਾਰਟਰ ਔਫ ਰਾਈਟਸ ਐਂਡ ਫਰੀਡਮ ਦੇ ਕੁਝ ਹਿੱਸਿਆਂ ਨੂੰ ਓਵਰਰਾਈਡ ਕਰ ਸਕਦੀ ਹੈ,ਤਾਂ ਇਸ ਨਾਲ ਵੱਡਾ ਲੇਬਰ ਰਿਸਪੌਂਸ ਹੋ ਸਕਦਾ ਹੈ।

ਕੈਨੇਡਾ 2025 ਵਿਚ ਖਸਰੇ ਦੇ ਵਾਇਰਸ ਦੇ ਇੱਕ ਵੱਡੇ ਉਭਾਰ ਕਾਰਨ 25 ਸਾਲਾਂ ਤੋਂ ਵੱਧ ਸਮੇਂ ਬਾਅਦ ਆਪਣਾ ਖਸਰਾ-ਮੁਕਤ ਇੰਟਰਨੈਸ਼ਨਲ ਸਟੇਟਸ ਗੁਆ ਸਕਦਾ ਹੈ। 1998 ਤੋਂ ਕੈਨੇਡਾ ਨੂੰ ਖਸਰਾ ਮੁਕਤ ਦੇਸ਼ ਦਾ ਦਰਜਾ ਮਿਲਿਆ ਹੋਇਆ ਸੀ ਪਰ ਇਸ ਸਾਲ ਨਿਊ ਬਰੰਜ਼ਵਿਕ ਤੋਂ ਸ਼ੁਰੂ ਹੋਏ ਅਤੇ ਦੂਜੇ ਸੂਬਿਆਂ ਵਿਚ ਫੈਲੇ ਖਸਰੇ ਦੇ ਮਾਮਲਿਆਂ ਨੇ ਇਸ ਸਟੇਟਸ ਲਈ ਨਿਰਧਾਰਤ ਸਟੈਂਡਡ ਨੂੰ ਪਾਰ ਕਰ ਲਿਆ ਹੈ।

ਸਰੀ ਅਤੇ ਡੈਲਟਾ ਵਿਚ ਐਤਵਾਰ ਤੜਕੇ ਲਗਭਗ ਇਕੋ-ਸਮੇਂ ਦੋ ਗੋਲੀਬਾਰੀ ਦੀਆਂ ਵਾਰਦਾਤਾਂ ਹੋਈਆਂ, ਦੋਹਾਂ ਮਾਮਲਿਆਂ ਵਿਚ ਘਰਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਹਾਲਾਂਕਿ ਖੁਸ਼ਕਿਸਮਤੀ ਨਾਲ ਕੋਈ ਜ਼ਖਮੀ ਨਹੀਂ ਹੋਇਆ। ਪੁਲਿਸ ਮੁਤਾਬਕ,ਦੋਹਾਂ ਘਟਨਾਵਾਂ ਦਾ ਸਮਾਂ ਤੜਕੇ ਕਰੀਬ 2:43 ਵਜੇ ਦੇ ਆਸਪਾਸ ਦਾ ਸੀ।ਸਰੀ ਵਿਚ ਨਿਊਟਨ ਇਲਾਕੇ ਦੀ 124 ਸਟ੍ਰੀਟ ਦੇ 7800 ਬਲਾਕ ਵਿਚ ਇੱਕ ਰਿਹਾਇਸ਼ 'ਤੇ ਗੋਲੀਆਂ ਚਲਾਈਆਂ ਗਈਆਂ। ਇਸੇ ਸਮੇਂ ਡੈਲਟਾ ਪੁਲਿਸ ਨੂੰ 78B ਐਵੇਨਿਊ ਦੇ 11200 ਬਲਾਕ ਵਿਚ ਸ਼ੂਟਿੰਗ ਦੀ ਸੂਚਨਾ ਮਿਲੀ।