News

ਸਕਵਾਮਿਸ਼ ਦੇ ਉੱਤਰੀ ਹਿੱਸੇ ਵਿਚ ਜੰਗਲ ਵਿਚ ਲੱਗੀ ਅੱਗ ਨੂੰ ਸੋਮਵਾਰ ਤੱਕ ਸੀਮਤ ਦਾਇਰੇ ਵਿਚ ਕਰਨ 'ਤੇ ਸਫਲਤਾ ਹਾਸਲ ਕਰ ਲਈ ਗਈ ਹੈ।ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੇ ਸੂਚਨਾ ਅਧਿਕਾਰੀ ਸਾਰਾਹ ਬਡ ਦਾ ਕਹਿਣਾ ਹੈ ਕਿ ਜ਼ਮੀਨੀ ਅਮਲਾ ਹੁਣ ਡ੍ਰਾਈਡਨ ਕ੍ਰੀਕ ਜੰਗਲ ਦੀ ਅੱਗ ਨੂੰ ਪੂਰੀ ਤਰ੍ਹਾਂ ਕਾਬੂ ਵਿਚ ਲਿਆਉਣ ਲਈ ਕੰਮ ਕਰ ਰਿਹਾ ਹੈ।

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਦੇ ਲੀਡਰ ਪੀਅਰ ਪੌਲੀਐਵ ਦੀ ਪ੍ਰਧਾਨਗੀ ਨੂੰ ਚੁਣੌਤੀ ਮਿਲਣ ਜਾ ਰਹੀ ਹੈ। ਜਨਵਰੀ ਵਿਚ ਕੰਜ਼ਰਵੇਟਿਵ ਪਾਰਟੀ ਮੈਂਬਰ ਵੋਟ ਜ਼ਰੀਏ ਇਹ ਤੈਅ ਕਰਨ ਜਾ ਰਹੇ ਹਨ ਕਿ ਉਨ੍ਹਾਂ ਨੂੰ ਪਾਰਟੀ ਦੇ ਪ੍ਰਧਾਨ ਰਹਿਣਾ ਚਾਹੀਦਾ ਹੈ ਜਾਂ ਨਹੀਂ। ਰਿਪੋਰਟਸ ਮੁਤਾਬਕ, ਪਾਰਟੀ ਦੇ ਨੈਸ਼ਨਲ ਕੌਂਸਲ ਨੇ ਸ਼ਨੀਵਾਰ ਨੂੰ ਇੱਕ ਮੀਟਿੰਗ ਦੌਰਾਨ ਲੀਡਰਸ਼ਿਪ ਸਮੀਖਿਆ ਲਈ ਵੋਟ ਕਰਵਾਉਣ ਦਾ ਫੈਸਲਾ ਕੀਤਾ, ਇਸ ਦਾ ਆਯੋਜਨ ਕੈਲਗਰੀ ਵਿਚ ਹੋਵੇਗਾ।

ਮੈਟਰੋ ਵੈਨਕੂਵਰ ਦੀ ਇੱਕ ਝੀਲ ਵਿਚ ਆਪਣੀ ਮੰਗੇਤਰ ਨਾਲ ਸਵੀਮਿੰਗ ਦੌਰਾਨ ਐਤਵਾਰ ਨੂੰ ਲਾਪਤਾ ਹੋਏ 29 ਸਾਲਾ ਨੌਜਵਾਨ ਦੀ ਪੁਲਿਸ ਨੇ ਮੌਤ ਹੋਣ ਦਾ ਖ਼ਦਸ਼ਾ ਜਤਾਇਆ ਹੈ, ਉਹ ਬਰਨਬੀ ਦਾ ਰਹਿਣ ਵਾਲਾ ਸੀ। ਫਰਸਟ ਰਿਸਪੋਂਡਰ ਨੂੰ ਸ਼ਾਮ ਕਰੀਬ 6.30 ਵਜੇ ਸਾਈਪ੍ਰਸ ਪ੍ਰੋਵਿੰਸ਼ੀਅਲ ਪਾਰਕ ਨੇੜੇ ਕੈਬਿਨ ਝੀਲ ਵਿਚ ਨੌਜਵਾਨ ਦੇ ਡੁੱਬਣ ਦੀ ਰਿਪੋਰਟ ਮਿਲੀ ਸੀ।

ਸਕਵਾਮਿਸ਼ ਨਦੀ ਵਿਚ ਲਾਪਤਾ ਹੋਏ ਨੌਜਵਾਨ ਦੀ ਪਛਾਣ ਸਰੀ ਦੇ 24 ਸਾਲਾ ਨਵਦੀਪ ਸਿੰਘ ਸਿੱਧੂ ਵਜੋਂ ਸਾਹਮਣੇ ਆਈ ਹੈ। ਨਵਦੀਪ ਸਿੱਧੂ ਸ਼ਨੀਵਾਰ ਨੂੰ ਆਪਣੇ ਦੋਸਤਾਂ ਨਾਲ ਕੈਂਪਿੰਗ ਲਈ ਗਿਆ ਸੀ। ਉਸ ਦੀ ਪਛਾਣ ਦੀ ਪੁਸ਼ਟੀ ਉਸ ਦੇ ਪਰਿਵਾਰ ਨੇ ਕੀਤੀ ਹੈ। ਸਿੱਧੂ ਦੇ ਪਰਿਵਾਰ ਮੁਤਾਬਕ, ਚਾਰੋਂ ਵਿਅਕਤੀ ਰਾਤ ਕਰੀਬ 12.30 ਵਜੇ ਹਾਈਵੇਅ ਤੋਂ ਲਗਭਗ 40 ਕਿਲੋਮੀਟਰ ਦੀ ਦੂਰੀ 'ਤੇ ਬੱਜਰੀ ਵਾਲੀ ਸੜਕ ਦੇ ਕੋਲ ਬਾਲਣ ਦੀ ਲੱਕੜ ਲੱਭਣ ਲਈ ਗਏ ਸਨ, ਜਦੋਂ ਉਹਨਾਂ ਦੀ ਗੱਡੀ ਪਾਣੀ ਵਿਚ ਜਾ ਡਿੱਗੀ।

ਓਨਟਾਰੀਓ ਦੀ ਪੀਲ ਪੁਲਿਸ ਨੇ ਲੋਕਲ ਅਤੇ ਸੂਬੇ ਦੀਆਂ ਹੋਰ ਲਾਅ ਇਨਫੋਰਸਮੈਂਟ ਏਜੰਸੀਆਂ ਨਾਲ ਸਾਂਝੇ ਓਪਰੇਸ਼ਨ ਤਹਿਤ ਜਬਰੀ ਵਸੂਲੀ ਤੇ ਹੋਰ ਅਪਰਾਧਾਂ ਨਾਲ ਜੁੜੇ ਸੰਗਠਿਤ ਅਪਰਾਧਿਕ ਨੈਟਵਰਕ ਦਾ ਪਰਦਾਫਾਸ਼ ਕੀਤਾ ਹੈ। ਇਸ ਓਪਰੇਸ਼ਨ ਵਿਚ 18 ਲੋਕ ਗ੍ਰਿਫਤਾਰ ਕੀਤੇ ਗਏ ਹਨ, ਜਿਨ੍ਹਾਂ ਵਿਚ ਕਈ ਪੰਜਾਬੀ ਨੌਜਵਾਨ ਹਨ। ਇਨ੍ਹਾਂ 'ਤੇ ਲਗਭਗ 100 ਚਾਰਜਿਜ਼ ਲਗਾਏ ਗਏ ਹਨ, ਜਿਸ ਵਿਚ ਜ਼ਬਰਨ ਵਸੂਲੀ, ਅਪਰਾਧਿਕ ਸੰਗਠਨ ਨਾਲ ਲਿੰਕ ਤੇ ਟੋਅ ਟਰੱਕ ਨਾਲ ਜੁੜੇ ਅਪਰਾਧਾਂ ਦੇ ਦੋਸ਼ ਸ਼ਾਮਲ ਹਨ।