21.4C Vancouver 21.4C VancouverNov 24, 2020 2:18 AM -
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 1,933 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
17 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 27,407 ਹੋ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਅੱਜ ਪੇਸ਼ ਕੀਤੇ ਗਏ ਅੰਕੜੇ ਬੀਤੇ 3 ਦਿਨ ਦੇ ਮਾਮਲੇ ਦਰਸ਼ਾਉਂਦੇ ਹਨ, ਜਿਸ ਦੌਰਾਨ ਸ਼ੁੱਕਰਵਾਰ ਨੂੰ 713 ਮਾਮਲੇ, ਸ਼ਨੀਵਾਰ ਨੂੰ 626 ਮਾਮਲੇ ਅਤੇ ਐਤਵਾਰ ਨੂੰ 594 ਮਾਮਲੇ ਰਿਪੋਰਟ ਹੋਏ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 348 ਹੋ ਗਈ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 7,360 ਤੱਕ ਪਹੁੰਚ ਗਏ ਹਨ।
ਕੁੱਲ 277 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ 'ਚ 59 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਯਾਦ ਰਹੇ ਅੱਜ ਇਕੱਲੇ ਫਰੇਜ਼ਰ ਹੈਲਥ ਇਲਾਕੇ 'ਚ ਸਭ ਤੋਂ ਵੱਧ 1,304 ਮਾਮਲੇ ਰਿਪੋਰਟ ਹੋਏ ਹਨ।
ਅੱਜ ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕ ਕੋਵਿਡ-19 ਨਾਲ ਜਾਰੀ ਸੰਘਰਸ਼ ਦੀ ਤੁਲਨਾ ਕਿਸੇ ਮੈਰਾਥਨ ਦੌੜ ਨਾਲ ਕਰ ਰਹੇ ਹਨ।
ਪਰ ਉਨ੍ਹਾਂ ਕਿਹਾ ਕਿ ਇਹ ਮੈਰਾਥਨ ਤੋਂ ਵੀ ਮੁਸ਼ਕਿਲ, ਆਇਰਨਮੈਨ ਪ੍ਰਤੀਯੋਗਤਾ ਜਿਹਾ ਸੰਘਰਸ਼ ਹੈ।
ਉਨ੍ਹਾਂ ਕਿਹਾ ਕਿ ਮੈਰਾਥਨ 'ਚ ਤਾਂ ਸਿਰਫ ਦੌੜ ਲਗਾਉਣੀ ਹੁੰਦੀ ਹੈ, ਪਰ ਆਇਰਨਮੈਨ ਪ੍ਰਤੀਯੋਗਤਾ 'ਚ ਦੌੜਨਾ ਵੀ ਹੁੰਦਾ ਹੈ, ਤਾਰੀ ਵੀ ਲਾਉਣੀ ਹੁੰਦੀ ਹੈ ਤੇ ਸਾਈਕਲ ਵੀ ਚਲਾਉਣਾ ਹੁੰਦਾ ਹੈ।
ਉਨ੍ਹਾਂ ਕਿਹਾ ਕਿ ਕਿਸੇ ਤਰ੍ਹਾਂ ਸੂਬਾ ਪਹਿਲੀ ਦੌੜ ਤਾਂ ਪੂਰੀ ਕਰ ਗਿਆ ਸੀ, ਪਰ ਹੁਣ ਦੂਜੀ ਵੇਵ ਦੇ ਦੌਰਾਨ ਇੱਕ ਪਹਾੜੀ ਚੜ੍ਹਨੀ ਹੈ, ਅਤੇ ਜੇਕਰ ਇਸ 'ਚ ਕਾਮਯਾਬੀ ਮਿਲਦੀ ਹੈ ਤਾਂ ਅੱਗੇ ਪਹਾੜੀ ਤੋਂ ਉੱਤਰਦੇ ਹੋਏ ਆਸਾਨੀ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਦੇ ਆਖਰੀ ਦੌਰ 'ਚ ਵੈਕਸੀਨ ਦੇ ਆਸਰੇ ਫਿਨਿਸ਼ ਰੇਖਾ ਵਿਖਾਈ ਦੇਣ ਲੱਗੇਗੀ ਅਤੇ ਪ੍ਰਤੀਯੋਗਤਾ ਪੂਰੀ ਕਰਨੀ ਆਸਾਨ ਹੋ ਸਕਦੀ ਹੈ।
