13.33C Vancouver 13.33C VancouverOct 6, 2026 6:30 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਦੇ ਟੰਬਲਰ ਰਿਜ ਸੈਕੰਡਰੀ ਸਕੂਲ ਵਿਚ ਹੋਈ ਸਮੂਹਿਕ ਗੋਲੀਬਾਰੀ ਦੇ ਸਬੰਧ ਵਿਚ ਅਮਰੀਕਾ ਦੇ ਇੱਕ 30 ਸਾਲਾ ਸ਼ੱਕੀ ਵਿਅਕਤੀ ਨੂੰ ਸਾਜ਼ਿਸ਼ ਰਚਣ ਦੇ ਦੋਸ਼ ਹੇਠ ਚਾਰਜ ਕੀਤਾ ਗਿਆ ਹੈ। ਇਸ ਦੀ ਪੁਸ਼ਟੀ ਅਮਰੀਕਾ ਦੇ ਕਾਰਜਕਾਰੀ Attorney Neil Floyd ਵਲੋਂ ਕੀਤੀ ਗਈ ਹੈ। ਮੁਲਜ਼ਮ ਪੱਛਮੀ ਵਾਸ਼ਿੰਗਟਨ ਦਾ ਰਹਿਣ ਵਾਲਾ ਹੈ।
Floyd ਨੇ ਕਿਹਾ ਕਿ ਮੁਲਜ਼ਮ ਨੂੰ ਵਿਦੇਸ਼ੀ ਧਰਤੀ 'ਤੇ ਲੋਕਾਂ ਦੇ ਕਤਲ ਦੀ ਸਾਜ਼ਿਸ਼ ਰਚਣ ਦੇ ਮਾਮਲੇ ਵਿਚ ਹਿਰਾਸਤ ਵਿਚ ਲਿਆ ਗਿਆ ਹੈ। ਉਹਨਾਂ ਕਿਹਾ ਕਿ ਇਹ ਗ੍ਰਿਫਤਾਰੀ 10 ਫਰਵਰੀ 2026 ਨੂੰ ਬ੍ਰਿਟਿਸ਼ ਕੋਲੰਬੀਆ ਦੇ ਟੰਬਲਰ ਰਿਜ ਵਿਚ ਸਥਿਤ ਸਕੂਲ ਵਿਖੇ ਹੋਈ ਸ਼ੂਟਿੰਗ ਦੀ ਦੁਖਦਾਈ ਘਟਨਾ ਨਾਲ ਜੁੜੀ ਹੋਈ ਹੈ।
ਗੌਰਤਲਬ ਹੈ ਕਿ ਇਸ ਸਮੂਹਿਕ ਗੋਲੀਬਾਰੀ ਵਿਚ 18 ਸਾਲਾ ਹਮਲਾਵਰ ਵਲੋਂ ਚਲਾਈਆਂ ਗਈਆਂ ਗੋਲੀਆਂ ਵਿਚ ਪੰਜ ਵਿਦਿਆਰਥੀਆਂ ਅਤੇ ਇੱਕ ਐਜੂਕੇਸ਼ਨਲ ਅਸਿਸਟੈਂਟ ਦੀ ਮੌਤ ਹੋ ਗਈ ਸੀ। ਇਸ ਤੋਂ ਬਾਅਦ ਹਮਲਾਵਰ ਨੇ ਖ਼ੁਦ ਨੂੰ ਵੀ ਗੋਲੀ ਮਾਰ ਲਈ ਸੀ। ਸਕੂਲ ਨੇੜੇ ਸਥਿਤ ਇੱਕ ਘਰ ਵਿਚ ਹਮਲਾਵਰ ਦੀ ਮਾਂ ਅਤੇ ਮਤਰੇਆ ਭਰਾ ਵੀ ਮ੍ਰਿਤਕ ਪਾਏ ਗਏ ਸਨ।
