13.36C Vancouver 13.36C VancouverOct 6, 2026 5:43 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਐਨ.ਡੀ.ਪੀ. ਦੇ ਲੀਡਰ ਡੇਵਿਡ ਈਬੀ ਨੇ ਅੱਜ ਸਵੇਰ ਕੋਕੁਇਟਲਮ ਵਿਖੇ ਕੰਪੇਨ ਦੌਰਾਨ ਮਰੀਜ਼ਾਂ ਦੇ ਵੇਟਿੰਗ ਟਾਈਮ ਨੂੰ ਘਟਾਉਣ ਲਈ ਕਈ ਐਲਾਨ ਕੀਤੇ ਹਨ। ਇਸ ਕਦਮ ਤਹਿਤ ਉਨ੍ਹਾਂ 8 ਨਵੀਆਂ ਐਮ.ਆਰ.ਆਈ. ਮਸ਼ੀਨਾਂ ਅਤੇ 10 ਨਵੇਂ ਸੀਟੀ ਸਕੈਨਰ ਖ਼ਰੀਦੇ ਜਾਣ ਦਾ ਵਾਅਦਾ ਕੀਤਾ, ਜਿਨ੍ਹਾਂ ਵਿੱਚੋਂ ਇੱਕ ਐਮ.ਆਰ.ਆਈ. ਮਸ਼ੀਨ ਉਨ੍ਹਾਂ Eagle Ridge Hospital ਵਿਚ ਸਥਾਪਿਤ ਕੀਤੇ ਜਾਣ ਦੀ ਗੱਲ ਆਖੀ।
ਇਸ ਤੋਂ ਇਲਾਵਾ ਉਨ੍ਹਾਂ ਸਰਜਰੀ ਦੇ ਲੰਬੇ ਇੰਤਜ਼ਾਰ ਨੂੰ ਖ਼ਤਮ ਕਰਨ ਲਈ ਇੱਕ ਨਵੀਂ coordinated regional surgical waitlists ਲਾਗੂ ਕੀਤੇ ਜਾਣ ਦਾ ਭਰੋਸਾ ਦਿੱਤਾ, ਜਿਸ ਦਾ ਮਕਸਦ ਮਰੀਜ਼ਾਂ ਨੂੰ ਪੂਰੇ ਰੀਜ਼ਨ ਵਿਚ ਉਪਲਬਧਤਾ ਦੇ ਆਧਾਰ 'ਤੇ ਜਲਦ ਤੋਂ ਜਲਦ ਸਰਜਰੀ ਦੀ ਤਾਰੀਖ਼ ਦੇਣਾ ਹੋਵੇਗਾ।
ਸਿਹਤ ਪ੍ਰਣਾਲੀ ਨੂੰ ਹੋਰ ਅਧੁਨਿਕ ਬਣਾਉਣ ਲਈ ਉਹਨਾਂ robotic ਦੀ ਮਦਦ ਨਾਲ ਕੀਤੀ ਜਾਣ ਵਾਲੀ ਸਰਜਰੀ ਵਿਚ ਵੀ ਨਵਾਂ ਨਿਵੇਸ਼ ਕਰਨ ਦੀ ਗੱਲ ਆਖੀ ਹੈ। ਈਬੀ ਵਲੋਂ ਇਹ ਘੋਸ਼ਣਾਵਾਂ ਉਸ ਸਮੇਂ ਕੀਤੀਆਂ ਗਈਆਂ ਹਨ, ਜਦੋਂ ਤਾਜ਼ਾ ਚੋਣ ਸਰਵਿਆਂ ਵਿਚ ਬੀ.ਸੀ. ਐਨ.ਡੀ.ਪੀ. ਬੀ. ਸੀ. ਕੰਜ਼ਰਵੇਟਿਵ ਤੋਂ 5 ਤੋਂ 7.5 ਫੀਸਦੀ ਅੰਕ ਪਿੱਛੇ ਚੱਲ ਰਹੀ ਹੈ।
