27.77C Vancouver 27.77C VancouverJun 3, 2020 5:22 PM -
ਜੌਰਜ ਫਲੌਇਡ ਦੀ ਮੌਤ ਦੇ ਵਿਰੋਧ ਵਿੱਚ ਕੀਤੇ ਜਾ ਰਹੇ ਪ੍ਰਦਰਸ਼ਨਾਂ ਦੌਰਾਨ ਕੰਮ ਕਰ ਰਹੇ ਪੱਤਰਕਾਰਾਂ ਦੇ ਅਧਿਕਾਰਾਂ ਦੀ ਕਥਿਤ ਉਲੰਘਣਾ ਕਰਨ ਲਈ ਅਮਰੀਕਨ ਸਿਵਲ ਲਿਬਰਟੀਜ਼ ਯੂਨੀਅਨ ਵੱਲੋਂ ਮਿੰਨੀਐਪਲਸ ਪੁਲਿਸ ਅਤੇ ਮਿਨੇਸੋਟਾ ਸਟੇਟ ਪਟਰੋਲ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।
ਮਿਨੇਸੋਟਾ ਦੀ ਏ.ਸੀ.ਐੱਲ.ਯੂ. ਵੱਲੋਂ ਬੁੱਧਵਾਰ ਨੂੰ ਦਰਜ ਕੀਤੇ ਇਸ ਮੁਕੱਦਮੇ ਵਿੱਚ ਲੌ ਇਨਫੋਰਸਮੈਂਟ (law enforcement) ਤੇ ਸੰਵਿਧਾਨ ਦੀ ਉਲੰਘਣਾ ਦੇ ਕਥਿਤ ਦੋਸ਼ ਲਾਏ ਗਏ ਹਨ।
ਇਸ ਮੁਕੱਦਮੇ ਦਾ ਮੁੱਖ ਦਾਅਵੇਦਾਰ ਜੈਰਡ ਗੋਯੇਟ ਨਾਂ ਦਾ ਫ੍ਰੀਲਾਂਸ ਪੱਤਰਕਾਰ ਹੈ, ਜਿਸ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਉਸ ਦੇ ਚਿਹਰੇ ਤੇ ਰਬੜ ਬੁਲੇਟ ਨਾਲ ਹਮਲਾ ਕੀਤਾ।
ਇਸ ਮੁਕੱਦਮੇ ਵਿੱਚ ਉਨ੍ਹਾਂ ਪੱਤਰਕਾਰਾਂ ਨਾਲ ਸੰਬੰਧਤ ਜਾਣਕਾਰੀ ਵੀ ਸਾਂਝੀ ਕੀਤੀ ਗਈ ਹੈ ਜੋ ਪਿਛਲੇ ਹਫ਼ਤੇ ਪ੍ਰਦਰਸ਼ਨਾਂ ਦੌਰਾਨ ਜਾਂ ਤਾਂ ਜ਼ਖ਼ਮੀ ਹੋਏ ਜਾਂ ਹਿਰਾਸਤ ਵਿੱਚ ਲਏ ਗਏ ਸਨ।
ਇਸ ਵਿੱਚ ਪੁਲਿਸ ਉੱਤੇ ਖ਼ਬਰਾਂ ਦੇ ਪ੍ਰਸਾਰਣ ਦੌਰਾਨ ਦਖਲਅੰਦਾਜ਼ੀ ਕਰਨ ਅਤੇ ਮੀਡੀਆ ਦੇ ਮੈਂਬਰਾਂ ਨੂੰ ਡਰਾਉਣ ਲਈ ਦੰਗਿਆਂ ਉੱਤੇ ਕਾਬੂ ਪਾਉਣ ਵਾਸਤੇ ਇਸਤੇਮਾਲ ਕੀਤੇ ਜਾਂਦੇ ਹਥਿਆਰਾਂ ਦੀ ਵਰਤੋਂ ਦੇ ਕਥਿਤ ਦੋਸ਼ ਵੀ ਸ਼ਾਮਲ ਹਨ।
ਏ.ਸੀ.ਐੱਲ.ਯੂ. ਅਮਰੀਕਾ ਭਰ ਵਿੱਚ ਉਨ੍ਹਾਂ ਪੁਲਿਸ ਵਿਭਾਗਾਂ ਤੇ ਕਾਨੂੰਨੀ ਕਾਰਵਾਈ ਕਰਨ ਲਈ ਵਚਨ ਬੱਧ ਹੈ ਜਿਨ੍ਹਾਂ ਨੇ ਪੱਤਰਕਾਰਾਂ ਨੂੰ ਨਿਸ਼ਾਨਾ ਬਣਾ ਉਨ੍ਹਾਂ ਤੇ ਹਮਲੇ ਅਤੇ ਗ੍ਰਿਫਤਾਰੀਆਂ ਕੀਤੀਆਂ।
