12C Vancouver 12C VancouverApr 21, 2020 1:44 AM -
ਬੀ.ਸੀ. ਸਰਕਾਰ ਨੇ ਸੂਬੇ ਦੇ ਪਿਛੜੇ ਇਲਾਕਿਆਂਅਤੇ ਇੰਡੀਜਨਸ ਭਾਈਚਾਰਿਆਂ (Indigenous communities) 'ਚ ਬੁਨਿਆਦੀ ਸਿਹਤ ਸੰਭਾਲ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਅਤੇ ਕੋਵਿਡ-19 ਦੇ ਫੈਲਾਅ ਨਾਲ ਨਜਿੱਠਣ ਲਈ ਉਨ੍ਹਾਂ ਨੂੰ ਮਦਦ ਪ੍ਰਦਾਨ ਕਰਨ ਲਈ, ਇੱਕ ਨਵੇਂ ਫਰੇਮਵਰਕ ਦਾ ਐਲਾਨ ਕੀਤਾ ਹੈ ਜੋ ਤੁਰੰਤ ਕੀਤੀਆਂ ਜਾਣ ਵਾਲੀਆਂ ਕਾਰਵਾਈਆਂ ਦੀ ਰੂਪ ਰੇਖਾ ਦਰਸਾਉਂਦਾ ਹੈ।
ਇਸ ਫ੍ਰੇਮਵਰਕ ਵਿੱਚ ਮੈਡੀਕਲ ਆਵਾਜਾਈ ਦੀ ਸੇਵਾਵਾਂ ਵਿੱਚ ਸੁਧਾਰ ਲਈ ਹੋਰ ਹਵਾਈ ਜਹਾਜ਼ , ਹੈਲੀਕਾਪਟਰਜ਼, 55 ਨਵੀਆਂ ਐਂਬੂਲੈਂਸ, ਕਮਿਊਨਿਟੀ ਅਤੇ ਪਰਿਵਾਰ ਦੇ ਨੇੜੇ ਇਕੱਲੇ ਰਹਿਣ (self-isolation) ਲਈ ਰਿਹਾਇਸ਼ ਦੀ ਸਹੂਲਤ, ਕੋਵਿਡ--19 ਦੀ ਜਲਦੀ ਟੈਸਟਿੰਗ, ਵੀਡੀਓ ਲਿੰਕ ਰਾਹੀਂ ਡਾਕਟਰ ਤੱਕ ਪਹੁੰਚ ਅਤੇ ਘਰ ਤੋਂ ਦੂਰ ਹਸਪਤਾਲਾਂ ਦੇ ਨੇੜੇ, ਇਕੱਲੇ ਰਹਿਣ (self isolation) ਲਈ ਰਿਹਾਇਸ਼ ਦੀ ਸਹੂਲਤ ਸ਼ਾਮਿਲ ਹੈ।
ਵਿਕਟੋਰੀਆ ਵਿੱਚ ਇਸ ਸੰਬੰਧੀ ਐਲਾਨ ਕਰਦਿਆਂ ਪ੍ਰੀਮੀਅਰ, ਜੌਨ ਹੌਰਗਨ ਨੇ ਕਿਹਾ ਕਿ ਇਹ ਉਪਰਾਲੇ ਕੋਵਿਡ-19 ਫੈਲਣ ਨੂੰ ਰੋਕਣ ਵਿੱਚ ਮਦਦ ਅਤੇ ਭਵਿੱਖ ਵਿੱਚ ਵਧੀਆ ਸਿਹਤ ਸੰਭਾਲ ਸੇਵਾਵਾਂ ਪ੍ਰਦਾਨ ਕਰਨ ਦੇ ਸਹਿਯੋਗ ਲਈ ਜਰੂਰੀ ਹਨ।
ਇਸ ਮੌਕੇ ਤੇ ਇੰਡੀਜਨਸ ਰਿਲੇਸ਼ਨ ਅਤੇ ਰਿਕਨਸੀਲੀਏਸ਼ਨ ਮੰਤਰੀ (Minister of Indiginous Relations and Reconciliation), ਸਕਾਟ ਫਰੇਜ਼ਰ ਨੇ ਕਿਹਾ ਕਿ ਇਹ ਯੋਜਨਾਵਾਂ ਇਨ੍ਹਾਂ ਇਲਾਕਿਆਂ ਦੇ ਵਿਲੱਖਣ ਹਾਲਾਤ ਅਤੇ ਚੁਣੌਤੀਆਂ ਅਨੁਸਾਰ ਜਰੂਰੀ ਹਨ।
