17.75C Vancouver 17.75C VancouverSep 2, 2025 6:46 PM - Connect Newsroom
ਬਰਨਬੀ ਵਿਚ ਪੁਲਿਸ ਵਲੋਂ ਗੋਲੀ ਮਾਰ ਕੇ ਇੱਕ ਵਿਅਕਤੀ ਨੂੰ ਗੰਭੀਰ ਰੂਪ ਵਿਚ ਜ਼ਖਮੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ ਅਤੇ ਇਸ ਦੀ ਜਾਂਚ ਇਨਡੀਪੈਂਡੈਂਟ ਇਨਵੈਸਟੀਗੇਸ਼ਨ ਆਫਿਸ ਆਫ ਬੀ.ਸੀ. ਨੇ ਆਪਣੇ ਹੱਥਾਂ ਵਿਚ ਲੈ ਲਈ ਹੈ। ਪੁਲਿਸ ਨਿਗਰਾਨ ਏਜੰਸੀ ਨੇ ਕਿਹਾ ਕਿ ਉਹ ਘਟਨਾ ਵਿਚ ਸ਼ਾਮਲ ਅਧਿਕਾਰੀ ਦੇ ਵਰਤਾਰੇ ਦੀ ਜਾਂਚ ਕਰ ਰਹੀ ਹੈ।
ਏਜੰਸੀ ਮੁਤਾਬਕ, ਸੋਮਵਾਰ ਨੂੰ ਦੁਪਹਿਰ 3 ਵਜੇ ਦੇ ਕਰੀਬ ਪੁਲਿਸ ਨੂੰ ਡੰਡਾਸ ਸਟ੍ਰੀਟ ਦੇ 4300 ਬਲਾਕ ਵਿਚ ਇੱਕ ਘਰ ਵਿਚ ਘਰੇਲੂ ਝਗੜੇ ਦੀ ਰਿਪੋਰਟ 'ਤੇ ਬੁਲਾਇਆ ਗਿਆ ਸੀ। ਆਰ.ਸੀ.ਐਮ.ਪੀ. ਮੁਤਾਬਕ, ਇਸ ਦੌਰਾਨ ਅਫਸਰ ਦਾ ਸਾਹਮਣਾ ਗਲੀ ਵਿਚ ਘਰ ਦੇ ਬਾਹਰ ਉਸ ਵਿਅਕਤੀ ਨਾਲ ਹੋਇਆ ਜਿਸ ਦੇ ਕੋਲ ਇੱਕ ਤੇਜ਼ਧਾਰ ਹਥਿਆਰ ਸੀ। ਇਸ ਦੌਰਾਨ ਤਕਰਾਰ ਵਧਣ 'ਤੇ ਅਫਸਰ ਨੇ ਗੋਲੀ ਚਲਾ ਦਿੱਤੀ।
ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਵਿਅਕਤੀ ਅੱਜ ਵੀ ਹਸਪਤਾਲ ਵਿਚ ਹੈ ਅਤੇ ਉਸ ਦੀ ਹਾਲਤ ਗੰਭੀਰ ਹੈ। ਇਨਡੀਪੈਂਡੈਂਟ ਇਨਵੈਸਟੀਗੇਸ਼ਨ ਆਫਿਸ ਇਸ ਗੱਲ ਦੀ ਜਾਂਚ ਕਰ ਰਿਹਾ ਹੈ ਕਿ ਕੀ ਗੋਲੀ ਚਲਾਉਣਾ ਜਾਇਜ਼ ਸੀ ਜਾਂ ਕਾਰਵਾਈ ਵਿਚ ਅਣਗਹਿਲੀ ਸੀ ਜਾਂ ਕੀ ਇਹ ਕਾਰਵਾਈ ਵਿਅਕਤੀ ਨੂੰ ਗੰਭੀਰ ਸੱਟ ਪਹੁੰਚਣ ਦੀ ਥ੍ਰੈਸ਼ਹੋਲਡ ਨੂੰ ਪੂਰਾ ਕਰਦੀ ਹੈ।
