13.91C Vancouver 13.91C VancouverOct 22, 2020 9:35 PM -
ਅਮਰੀਕਾ 'ਚ ਡੈਮੋਕ੍ਰੈਟਿਕ ਰਾਸ਼ਟਰਪਤੀ ਉਮੀਦਵਾਰ ਜੋ ਬਾਈਡਨ ਦਾ ਕਹਿਣਾ ਹੈ ਕਿ ਅੱਜ ਦੀ ਡੌਨਲਡ ਟ੍ਰੰਪ ਨਾਲ ਹੋਣ ਵਾਲੀ ਡਿਬੇਟ ਤੋਂ ਪਹਿਲਾਂ, ਉਨ੍ਹਾਂ ਦਾ ਕੋਵਿਡ-19 ਟੈਸਟ ਨੈਗੇਟਿਵ ਆਇਆ ਹੈ।
ਡੈਲਾਵੇਅਰ ਦੇ ਵੈਲਮਿੰਗਟਨ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਦੇ ਦੌਰਾਨ ਉਨ੍ਹਾਂ ਇਸ ਸੰਬੰਧੀ ਜਾਣਕਾਰੀ ਦਿੱਤੀ।
ਇਸ ਗੱਲਬਾਤ ਤੋਂ ਬਾਅਦ ਬਾਈਡਨ ਨੇ ਟੈਨੈਸੀ ਦੇ ਨੈਸ਼ਵਿਲ ਲਈ ਉਡਾਣ ਭਰੀ, ਜਿੱਥੇ ਕਿ ਡੌਨਲਡ ਟ੍ਰੰਪ ਨਾਲ ਉਨ੍ਹਾਂ ਦੀ ਦੂਜੀ ਡਿਬੇਟ ਹੋਣ ਵਾਲੀ ਹੈ।
3 ਨਵੰਬਰ ਦੀਆਂ ਚੋਣਾਂ ਤੋਂ ਪਹਿਲਾਂ, ਇਹ ਦੋਨਾਂ ਵਿਚਾਲੇ ਹੋਣ ਵਾਲੀ ਆਖਰੀ ਡਿਬੇਟ ਹੈ।
ਬਾਈਡਨ ਨੇ ਦੱਸਿਆ ਕਿ ਉਨ੍ਹਾਂ ਵਾਇਰਸ ਸੰਬੰਧੀ ਟੈਸਟਿੰਗ ਵੀਰਵਾਰ ਨੂੰ ਕਰਵਾਈ ਸੀ।
ਟ੍ਰੰਪ ਨੂੰ 'ਓਬਾਮਾਕੇਅਰ' ਬੰਦ ਹੋਣ ਦਾ ਭਰੋਸਾ
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਕਿਹਾ ਹੈ ਕਿ "ਬਹੁਤ ਚੰਗਾ ਹੋਵੇਗਾ" ਜੇਕਰ ਸੁਪ੍ਰੀਮ ਕੋਰਟ ਵੱਲੋਂ ਓਬਾਮਾ ਵੇਲੇ ਦੇ ਹੈਲਥ ਕਨੂੰਨ ਨੂੰ ਖਤਮ ਕਰ ਦਿੱਤਾ ਜਾਵੇ।
ਅਗਲੇ ਮਹੀਨੇ ਅਫੋਰਡੇਬਲ ਕੇਅਰ ਐਕਟ 'ਤੇ ਸੁਣਵਾਈ ਹੋਣੀ ਹੈ।
ਟ੍ਰੰਪ ਨੇ ਇਹ ਟਿੱਪਣੀਆਂ ਅੱਜ ਸੀ.ਬੀ.ਐਸ. ਦੇ ਨਾਲ ਇੱਕ ਇੰਟਰਵਿਊ ਦੌਰਾਨ ਕੀਤੀਆਂ, ਜੋ ਕਿ ਐਤਵਾਰ ਰਾਤ ਨੂੰ ਪ੍ਰਸਾਰਿਤ ਕੀਤੀ ਜਾਵੇਗੀ।
ਹਾਲਾਂਕਿ ਟ੍ਰੰਪ ਨੇ ਇਹ ਇੰਟਰਵਿਊ ਅੱਜ ਫੇਸਬੁੱਕ 'ਤੇ ਪੋਸਟ ਕਰ ਦਿੱਤੀ ਹੈ।
ਯਾਦ ਰਹੇ ਡੈਮੋਕ੍ਰੈਟਸ ਨੇ ਸੁਪ੍ਰੀਮ ਕੋਰਟ ਲਈ ਟ੍ਰੰਪ ਨਾਮਿਨੀ, ਐਮੀ ਕੋਨੀ ਬੈਰੇਟ 'ਤੇ ਲਗਾਤਾਰ ਸਵਾਲ ਚੁੱਕੇ ਹਨ ਕਿ ਰਿਪਬਲਿਕਨਸ ਉਨ੍ਹਾਂ ਆਸਰੇ ਇਸ ਕਨੂੰਨ ਨੂੰ ਖਤਮ ਕਰਨਾ ਚਾਹੁੰਦੇ ਹਨ।
