18.8C Vancouver 18.8C VancouverMay 15, 2020 12:42 AM -
ਕੈਮਲੂਪਸ ਕੋਲ ਇੱਕ ਕਾਰ ਅਤੇ ਮੋਟਰਸਾਈਕਲ ਦੀ ਟੱਕਰ ਜਾਨਲੇਵਾ ਸਾਬਿਤ ਹੋਈ ਹੈ।
ਮਾਮਲਾ ਬੁੱਧਵਾਰ ਦਾ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਮੋਟਰਸਾਈਕਲ 'ਤੇ ਸਵਾਰ ਇੱਕ ਔਰਤ ਦੀ ਉਸ ਵੇਲੇ ਜਾਨ ਚਲੀ ਗਈ, ਜਦ ਮੋਟਰਸਾਈਕਲ ਇੱਕ ਟਰੈਫਿਕ ਲਾਈਟ ਦੇ ਕੋਲ ਕਾਰ ਨਾਲ ਟਕਰਾ ਗਿਆ।
ਘਟਨਾ 'ਚ ਸ਼ਾਮਿਲ ਗੱਡੀ ਐਲਬਰਟਾ ਦੀ ਨੰਬਰ ਪਲੇਟ ਵਾਲੀ ਸੀ ਅਤੇ ਗੱਡੀ ਇੱਕ ਔਰਤ ਚਲਾ ਰਹੀ ਸੀ। ਕਥਿਤ ਤੌਰ 'ਤੇ ਲਾਲ ਬੱਤੀ ਕੋਲ ਗੱਡੀ ਨੂੰ ਖੱਬੇ ਮੋੜਿਆ ਗਿਆ ਅਤੇ ਇਸੇ ਦੌਰਾਨ ਮੋਟਰਸਾਈਕਲ ਦੀ ਗੱਡੀ ਨਾਲ ਟੱਕਰ ਹੋਈ।
ਪੀੜਤ ਔਰਤ ਦਾ ਨਾਮ ਜਨਤਕ ਨਹੀਂ ਕੀਤਾ ਗਿਆ ਹੈ।
ਪੀੜਤ ਨੂੰ ਲੋਕਲ ਨਿਵਾਸੀ ਦੱਸਿਆ ਗਿਆ ਹੈ ਅਤੇ ਪੀੜਤ ਔਰਤ ਦੀ ਉਮਰ 50 ਤੋਂ 60 ਸਾਲ ਦੇ ਦਰਮਿਆਨ ਦੀ ਸੀ।
ਗੱਡੀ ਚਲਾ ਰਹੀ ਔਰਤ ਦੀ ਉਮਰ 70 ਤੋਂ 80 ਸਾਲ ਦੇ ਦਰਮਿਆਨ ਦੱਸੀ ਗਈ ਹੈ।
ਹਾਦਸੇ ਦਾ ਸ਼ਿਕਰ ਹੋਈ ਔਰਤ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ।
ਘਟਨਾ ਇੱਕ ਸਰਵੇਲੈਂਸ ਕੈਮਰੇ 'ਚ ਕੈਦ ਹੋ ਗਈ ਹੈ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
