13.29C Vancouver 13.29C VancouverMar 25, 2020 9:42 PM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਹਾਊਸਿੰਗ ਮੰਤਰੀ, ਸਿਲੀਨਾ ਰੌਬਿਨਸਨ ਨੇ ਅੱਜ ਸੂਬੇ ਦੇ ਰੈਂਟਰਸ ਦੇ ਲਈ ਅਹਿਮ ਐਲਾਨ ਕੀਤਾ ਹੈ।
ਦੋਨਾਂ ਨੇ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਦੱਸਿਆ ਕਿ, ਜਿਹੜੇ ਲੋਕਾਂ ਲਈ ਮੌਜੂਦਾ ਸਥਿਤੀ ਕਾਰਨ ਆਪਣੇ ਰੈਂਟ ਭਰਨੇ ਮੁਮਕਿਨ ਨਹੀਂ ਹਨ, ਉਨ੍ਹਾਂ ਨੂੰ ਅਗਲੇ 4 ਮਹੀਨੇ ਤਕ, ਹਰ ਮਹੀਨੇ $500 ਮੁਹਈਆ ਕਰਵਾਏ ਜਾਣਗੇ।
ਪ੍ਰੀਮਿਅਰ ਜੌਨ ਹੌਰਗਨ ਨੇ ਆਖਿਆ ਕਿ ਅਗਲੇ ਕੁਝ ਮਹੀਨਿਆਂ ਤਕ ਕਿਸੇ ਦੇ ਘਰ ਵੀ ਖਾਲੀ ਨਹੀਂ ਕਰਵਾਏ ਜਾਣਗੇ, ਯਾਨੀ ਕਿ ਹਾਲ ਦੀ ਘੜੀ ਐਵਿਕਸ਼ਨਸ ਨੂੰ ਰੋਕ ਦਿੱਤਾ ਗਿਆ ਹੈ।
$500 ਦੀ ਰੈਂਟ ਸਬਸਿਡੀ, ਬੀ.ਸੀ. ਹਾਊਸਿੰਗ ਵੱਲੋਂ ਪ੍ਰਦਾਨ ਕੀਤੀ ਜਾਵੇਗੀ।
ਹੌਰਗਨ ਨੇ ਆਖਿਆ ਕਿ ਇਹ ਸੁਵਿਧਾ ਸਿਰਫ ਉਨ੍ਹਾਂ ਲਈ ਹੈ ਜੋ ਆਪਣੇ ਕਿਰਾਏ ਦੇਣ ਲਈ ਅਸਮਰੱਥ ਹੋ ਗਏ ਹਨ।
ਹੌਰਗਨ ਨੇ ਮੰਨਿਆ ਕਿ $500 ਦੇ ਨਾਲ ਹੀ ਸਾਰੇ ਰੈਂਟ ਕਵਰ ਨਹੀਂ ਕੀਤੇ ਜਾ ਸਕਦੇ, ਪਰ ਉਨ੍ਹਾਂ ਕਿਹਾ ਕਿ ਹੋਰ ਸਰਕਾਰੀ ਪਲੈਨ ਵੀ ਹਨ ਜਿੰਨਾ ਆਸਰੇ ਇਨ੍ਹਾਂ ਮਾਮਲਿਆਂ 'ਚ ਮਦਦ ਮਿਲ ਸਕੇਗੀ।
