7.55C Vancouver 7.55C VancouverOct 16, 2026 7:16 PM - Connect Newsroom - Ramandeep Kaur
ਬਰਨਬੀ ਦੇ ਇੱਕ 22 ਸਾਲਾ ਨੌਜਵਾਨ ਨੂੰ ਨਾਬਾਲਗ ਕੁੜੀਆਂ ਨਾਲ ਔਨਲਾਈਨ ਸੈਕਸਟੋਰਸ਼ਨ ਦੇ ਮਾਮਲੇ ਵਿਚ ਸਾਢੇ ਤਿੰਨ ਸਾਲ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ। ਅਨਵਰ ਜੇਲਾਸੀ ਨਾਂ ਦੇ ਮੁਲਜ਼ਮ ਵਲੋਂ ਅਕਤੂਬਰ 2022 ਤੋਂ ਦਸੰਬਰ 2023 ਦਰਮਿਆਨ ਸੋਸ਼ਲ ਮੀਡੀਆ 'ਤੇ ਮਿਲੀਆਂ ਓਂਟਾਰੀਓ, ਕਿਊਬੈਕ ਅਤੇ ਨੋਵਾ ਸਕੋਸ਼ੀਆ ਦੀਆਂ 15 ਤੋਂ 18 ਸਾਲ ਵਿਚਕਾਰ ਦੀਆਂ 8 ਤੋਂ 9 ਕੁੜੀਆਂ ਤੋਂ ਨਿਊਡ ਤਸਵੀਰਾਂ ਹਾਸਲ ਕਰਕੇ ਉਨ੍ਹਾਂ ਨੂੰ ਐਕਸਟੋਰਸ਼ਨ ਲਈ ਧਮਕੀਆਂ ਦਿੱਤੀਆਂ ਸਨ।
ਰਿਪੋਰਟ ਮੁਤਾਬਕ, Jelassi ਨੇ ਪੈਸੇ ਤੋਂ ਨਾਂਹ ਕਰਨ ਵਾਲੀ ਓਂਟਾਰੀਓ ਦੀ ਇੱਕ 17 ਸਾਲਾ ਪੀੜਤਾ ਨੂੰ ਔਨਲਾਈਨ ਮੈਸੇਜ ਵਿਚ ਲਿਖਿਆ ਸੀ ਕਿ ਮੈਂ ਤੇਰੀ ਜ਼ਿੰਦਗੀ ਉਦੋਂ ਤੱਕ ਬਰਬਾਦ ਕਰਨ ਵਾਲਾ ਹਾਂ ਜਦੋਂ ਤੱਕ ਤੇਰਾ ਸਾਰਾ ਪਰਿਵਾਰ ਤੈਨੂੰ ਨਿਊਡ ਨਹੀਂ ਦੇਖ ਲੈਂਦਾ। ਇਸੇ ਤਰ੍ਹਾਂ ਉਸ ਨੇ ਇੱਕ ਹੋਰ 17 ਸਾਲਾ ਲੜਕੀ ਨੂੰ 24 ਘੰਟਿਆਂ ਵਿਚ $200 ਦੇਣ ਲਈ ਬਲੈਕਮੇਲ ਕੀਤਾ ਸੀ।
ਵੈਨਕੂਵਰ ਸੂਬਾਈ ਅਦਾਲਤ ਨੇ ਜੇਲ੍ਹ ਦੀ ਸਜ਼ਾ ਦੇ ਨਾਲ Jelassi ਦਾ ਨਾਂ ਅਗਲੇ 20 ਸਾਲਾਂ ਲਈ ਜਾਂ ਜਦੋਂ ਤੱਕ ਉਹ 42 ਸਾਲ ਦਾ ਨਹੀਂ ਹੋ ਜਾਂਦਾ ਸੈਕਸ ਅਪਰਾਧੀ ਰਜਿਸਟਰੀ ਵਿਚ ਸ਼ਾਮਲ ਕਰਨ ਦਾ ਹੁਕਮ ਵੀ ਦਿੱਤਾ ਹੈ।
