ਬਰਨਬੀ ਆਰ.ਸੀ.ਐਮ.ਪੀ. ਦਾ ਟੈਲੀਫੋਨ ਨੰਬਰ ਹੋਇਆ ਸਪੂਫ, ਪੁਲਿਸ ਨੇ ਲੋਕਾਂ ਨੂੰ ਕਾਲਜ਼ ਪ੍ਰਤੀ ਕੀਤਾ ਸਾਵਧਾਨ

ਬਰਨਬੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਸਾਵਧਾਨ ਕਰਦੇ ਹੋਏ ਜਾਣਕਾਰੀ ਦਿੱਤੀ ਹੈ ਕਿ ਉਨ੍ਹਾਂ ਦੀ ਇੱਕ ਡਿਟੈਚਮੈਂਟ ਦੇ ਫੋਨ ਨੰਬਰ ਨੂੰ ਸਪੂਫ ਕਰ ਲਿਆ ਗਿਆ ਅਤੇ ਇਸ ਦੀ ਵਰਤੋਂ ਇੱਕ ਟੈਲੀਫੋਨ ਸਕੈਮ 'ਚ ਕੀਤੀ ਗਈ ਹੈ।

ਸਪੂਫਿੰਗ ਦਾ ਅਰਥ ਹੁੰਦਾ ਹੈ ਕਿ ਕਾਲਰ ਆਈ.ਡੀ. ਜਾਂ ਕਾਲ ਡਿਸਪਲੇ ਨੂੰ ਭਰੋਸੇਯੋਗ ਨੰਬਰ ਵਿਖਾਉਣ ਲਈ ਹੇਰਾਫੇਰੀ ਕੀਤੀ ਜਾਂਦੀ ਹੈ।

ਬਰਨਬੀ ਆਰ.ਸੀ.ਐਮ.ਪੀ. ਨੂੰ 29 ਨਵੰਬਰ ਨੂੰ ਇੱਕ ਰਿਪੋਰਟ ਮਿਲੀ ਸੀ ਕਿ ਇੱਕ ਪੀੜਤ ਨੇ ਬਿਟਕਾਇਨ ਜਰੀਏ $6,000 ਟਰਾਂਸਫਰ ਕੀਤੇ ਹਨ।

ਪੀੜਤ ਨੇ ਅਜਿਹਾ ਇਸਲਈ ਕੀਤਾ ਕਿ ਉਸ ਨੂੰ ਲੱਗਿਆ ਕਿ ਇਹ ਕਾਲ ਬਰਨਬੀ ਆਰ.ਸੀ.ਐਮ.ਪੀ. ਦੇ ਅਧਿਕਾਰਤ ਨੰਬਰ ਤੋਂ ਕੀਤੀ ਗਈ ਹੈ।

ਪੀੜਤ ਨੂੰ ਪਹਿਲਾਂ ਇੱਕ ਵਿਅਕਤੀ ਨੇ ਸੰਪਰਕ ਕੀਤਾ ਅਤੇ ਕਿਹਾ ਕਿ ਜੇਕਰ ਉਹ ਪੈਸਾ ਟਰਾਂਸਫਰ ਨਹੀਂ ਕਰਦਾ ਤਾਂ ਆਰ.ਸੀ.ਐਮ.ਪੀ. ਉਸ ਨਾਲ ਸੰਪਰਕ ਕਰੇਗੀ ਅਤੇ ਇਸ ਤੋਂ ਬਾਅਦ ਉਸ ਨੂੰ ਆਰ.ਸੀ.ਐਮ.ਪੀ. ਦੇ ਨੰਬਰ ਤੋਂ ਕਾਲ ਆ ਗਈ।

ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਕਿਸੇ ਵਿਅਕਤੀ ਨੂੰ ਫੋਨ ਜਾਂ ਈ-ਮੇਲ ਜਰੀਏ ਸੰਪਰਕ ਨਹੀਂ ਕਰਦੇ।

ਪੁਲਿਸ ਨੇ ਲੋਕਾਂ ਨੂੰ ਅਜਿਹੀ ਕਿਸੇ ਵੀ ਕਾਲ ਪ੍ਰਤੀ ਸਾਵਧਾਨ ਕੀਤਾ ਹੈ।