20.1C Vancouver 20.1C VancouverJun 4, 2026 2:41 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਸਰਕਾਰ ਨੇ ਦੇਸ਼ ਦੀ ਨਵੀਂ ਏਆਈ ਰਣਨੀਤੀ ਜਾਰੀ ਕਰਦੇ ਹੋਏ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਵੱਡੇ ਮੌਕੇ ਖੋਲ੍ਹਣ ਦਾ ਐਲਾਨ ਕੀਤਾ ਹੈ, ਪੀ.ਐਮ.ਮਾਰਕ ਕਾਰਨੀ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਮੰਤਰੀ ਈਵਾਨ ਸੋਲੋਮਨ ਨੇ ਅੱਜ ਟੋਰੌਂਟੋ ਵਿਖੇ ਰਾਸ਼ਟਰੀ ਏਆਈ ਰਣਨੀਤੀ ਜਾਰੀ ਕੀਤੀ। ਇਸ ਤਹਿਤ ਸਰਕਾਰ $2.3-ਬਿਲੀਅਨ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ। ਇਸ ਦਾ ਟੀਚਾ ਸਾਲ 2031 ਤੱਕ ਕੈਨੇਡੀਅਨਜ਼ ਲਈ ਏ. ਆਈ. ਨਾਲ ਸਬੰਧਤ 90,000 ਨਵੀਆਂ ਨੌਕਰੀਆਂ ਤੇ ਕੰਮ ਦੇ ਮੌਕੇ ਪੈਦਾ ਕਰਨਾ ਅਤੇ AI adoption ਰਾਹੀਂ 2,500,000 ਹੋਰ ਨਵੀਆਂ ਨੌਕਰੀਆਂ ਸਿਰਜਣ ਵਿਚ ਮਦਦ ਕਰਨਾ ਹੈ।
ਕਾਰੋਬਾਰਾਂ ਵਿਚ ਏ.ਆਈ. ਦੀ ਵਰਤੋਂ ਨੂੰ ਮੌਜੂਦਾ 12 ਫੀਸਦੀ ਤੋਂ ਵਧਾ ਕੇ 2034 ਤੱਕ 60 ਫੀਸਦੀ ਤੱਕ ਲਿਜਾਣ ਦਾ ਟੀਚਾ ਹੈ। ਇਸ ਤੋਂ ਇਲਾਵਾ ਏ.ਆਈ. ਵਿਚ ਦੇਸ਼ ਦੀ ਪ੍ਰਭੂਸੱਤਾ ਨੂੰ ਮਜ਼ਬੂਤ ਕਰਨ ਲਈ 2031 ਤੱਕ ਵਿਸ਼ਵ ਮੋਹਰੀ ਸੁਪਰਕੰਪਿਊਟਰ ਸਥਾਪਤ ਕਰਨਾ ਅਤੇ 100 ਮੈਗਾਵਾਟ ਦੀ ਸਮਰਥਾ ਵਾਲੇ ਡਾਟਾ ਸੈਂਟਰ ਦਾ ਵਿਸਥਾਰ ਕਰਨਾ ਸ਼ਾਮਲ ਹੈ। ਕੈਨੇਡੀਅਨਜ਼ ਨੂੰ AI literacy training ਤੱਕ ਮੁਫਤ ਪਹੁੰਚ ਮਿਲੇਗੀ।
ਪ੍ਰਾਈਵੇਸੀ ਅਤੇ ਬੱਚਿਆਂ ਦੀ ਜਾਣਕਾਰੀ ਨੂੰ ਸੁਰੱਖਿਆ ਕਰਨ ਲਈ ਨਵੇਂ ਕਾਨੂੰਨ ਦੀ ਤਜਵੀਜ਼ ਕੀਤੀ ਗਈ ਹੈ ਪਰ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਏਆਈ ਚੈਟਬੋਟਸ 'ਤੇ ਪਾਬੰਦੀ ਲਗਾਉਣ ਦੀ ਜੋ ਚਰਚਾ ਸੀ, ਉਸ ਨੂੰ ਫਿਲਹਾਲ ਇਸ ਯੋਜਨਾ ਵਿਚ ਸ਼ਾਮਲ ਨਹੀਂ ਕੀਤਾ ਗਿਆ ਕਿਉਂਕਿ ਇਸ 'ਤੇ ਅਜੇ ਸਮੀਖਿਆ ਚੱਲ ਰਹੀ ਹੈ।
