7.47C Vancouver 7.47C VancouverOct 16, 2026 5:29 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਸਰਕਾਰ ਨੇ ਪੀ.ਆਰ. ਲਈ ਐਕਸਪ੍ਰੈਸ ਐਂਟਰੀ ਸਿਸਟਮ ਵਿਚ ਤਬਦੀਲੀਆਂ ਕਰ ਦਿੱਤੀਆਂ ਹਨ। ਇਮੀਗ੍ਰੇਸ਼ਨ ਮਿਨਿਸਟਰ ਲੀਨਾ ਡਿਆਬ ਵਲੋਂ ਸ਼ੁੱਕਰਵਾਰ ਨੂੰ ਕੀਤੇ ਗਏ ਐਲਾਨ ਮੁਤਾਬਕ, ਜਿਨ੍ਹਾਂ ਉਮੀਦਵਾਰਾਂ ਕੋਲ ਕੈਨੇਡੀਅਨ ਕੰਮ ਦਾ ਤਜਰਬਾ ਹੈ ਜਾਂ ਜਿਨ੍ਹਾਂ ਕੋਲ ਇੰਜੀਨੀਅਰਿੰਗ ਵਰਗੇ ਹਾਈ-ਵੇਜ ਵਾਲੇ ਖੇਤਰਾਂ ਵਿਚ ਨੌਕਰੀ ਦਾ ਔਫਰ ਹੈ, ਹੁਣ ਉਨ੍ਹਾਂ ਨੂੰ ਐਕਸਪ੍ਰੈਸ ਐਂਟਰੀ ਵਿਚ additional points ਦਿੱਤੇ ਜਾਣਗੇ।
ਸਰਕਾਰ ਮੁਤਾਬਕ, ਹਾਈ-ਵੇਜ ਜੌਬ ਉਸ ਨੂੰ ਮੰਨਿਆ ਜਾਵੇਗਾ ਜਿਸ ਦੀ ਤਨਖ਼ਾਹ ਦੇਸ਼ ਦੀ ਔਸਤ ਤਨਖਾਹ ਨਾਲੋਂ ਘੱਟੋ-ਘੱਟ 1.3 ਗੁਣਾ ਜ਼ਿਆਦਾ ਹੋਵੇਗੀ ਅਤੇ ਜਿੰਨੀ ਜ਼ਿਆਦਾ ਤਨਖਾਹ ਹੋਵੇਗੀ ਉਨੇ ਹੀ ਵੱਧ ਐਕਸਪ੍ਰੈਸ ਐਂਟਰੀ ਪੁਆਇੰਟ ਮਿਲਣਗੇ।
ਇਸ ਦੇ ਨਾਲ ਹੀ 3 ਨਵੰਬਰ 2026 ਤੋਂ ਐਕਸਪ੍ਰੈਸ ਐਂਟਰੀ ਦੇ ਨਵੇਂ ਪੁਆਇੰਟ ਪ੍ਰਾਪਤ ਕਰਨ ਲਈ ਜਾਂ ਫੈਡਰਲ ਸਕਿਲਡ ਵਰਕਰ ਅਤੇ ਫੈਡਰਲ ਸਕਿਲਡ ਟ੍ਰੇਡਜ਼ ਪ੍ਰੋਗਰਾਮਾਂ ਤਹਿਤ job offer ਦੀਆਂ ਸ਼ਰਤਾਂ ਪੂਰੀਆਂ ਕਰਨ ਲਈ LMIA ਦੀ ਲੋੜ ਨਹੀਂ ਹੋਵੇਗੀ। ਫਿਲਹਾਲ Employer ਨੂੰ ਇਹ ਰਾਹਤ ਅਸਥਾਈ ਦਿੱਤੀ ਜਾ ਰਹੀ ਹੈ। ਸਰਕਾਰ ਮੁਤਾਬਕ,ਜੋਬ ਔਫਰ ਦੀ ਜਾਂਚ ਸਿੱਧੇ ਆਈ.ਆਰ.ਸੀ.ਸੀ. ਵਲੋਂ ਕੀਤੀ ਜਾਵੇਗੀ।
